[ تجمع ] : الشعور اللي تجاهك غير حروف القوافي

[2COOL]

،'

عــسانا من اللي ذكرهُـم فايحٍ بالخـير
وعسانا لاطـرينا في بالهـم، يذكــرونا

وعسانا من اللي يندعا لهُم حزة عصير
في يوم جمـــعة وبدعاهـم يحضنونـا


،'

[قعناص]

‏لا يهمك التوقيت ؛ بينك وبيني ،،
‏صبحي و مسائي معك وين ما رحت ،

‏أنت أجمل ايامي ؛ وبهجة سنيني ،
‏فديت وجهك كل ما اصبحت وامسيت

[2COOL]

،'

أدوّر لنفسي من الشوق.. تبرير
و الشوق بلوى ليتني ما عرفته

ما ينفع الخاطر قصيد ومعاذير
ولو يعتذر بإسم الوفا ما عذرته

،'

[2COOL]

،'

إليا من ربك نوالك خير
مايمنعه من تعرّض له

يجيك بالهون والتيسير
من واحدٍ واسعٍ فضله

ماحصّل الذيب رزق الطير
لو يسهر الليل يركض له

اخوان يوسف رموه ابير
ولا ضرّه اللي تعرّض له

،'

[قعناص]

ًعينٍ بلا شوفك .. تسمى يتيمة
‏وسمعٍ بلا صوتك مسامعه نقصان

‏والصبر في بعدك .. ضياع وهزيمة
‏لو بكسب العالم وبفقدك : خسران

[2COOL]

،'

هذاك كل الخطاوي تِتجه.. صوبه
لو غاب عني أحسه في شراييني

هذاك . . حتى كلامه غيير و أسلوبه
مدري على وين لا سولف يودّيني

،'

[قعناص]

‏ابتسم .. واحس قلبي في كفوفك
‏اضحك .. ويصبح سحاب الارض ماطر

‏وش بلاه اللي يضيق وهو يشوفك
‏بسمتك منفى ووجهك جبر خاطر

[قعناص]

‏مثل هالوقت كان الصبح به : شمسين
‏لهذي الارض شمس و شمس بإيديني
‏على طاري (صباح الخير) ما تدرين
‏حلمت البارح ب وجهك وحشتيني .

[2COOL]

،'

أوعدك
إني ماعاد أتذكرك
حتى وأنا اتذكرك !
بكذب ، على نفسي كثير
وألف صمتي : بالحرير ،
"حتى وجناحي منكسر !
بسوي نفسي إني :
أطيـر "

،'

[قعناص]

‏لا جاء على قلبي من الود طاريه
‏وش حيلة اللي طاري الشوق هزه

‏حبٍ. عن عيون المخاليق أداريه
‏واتفقده في كل ساعه و حزه

‏ضيفٍ على صدري وانا حيل مغليه
‏والضيف في سلمْ العرب له معزه