الاختبار الفصلي مادة [مهارات الكتابة الادارية]~

[hani91]

المشاركة الأصلية كتبت بواسطة دنيتي بعيونه

انا محاولتي الثانيه حليت وكنت متاكده ونقصت نص !! واجوبتي نفس اجوبة دانه بالضبط ونفس النموذج
بس شكله في خلل في النظام !!!

عزيزتي دنيتي بعيونه احياناً انتي تحلين وتروحين للسوال الثاني وهو بعده ما حفظ السؤال الاول انا احل واعمل حفظ للسوال مباشرة ولا انتقل للسؤال الي بعده الا لما اشوف انه حفظ عشان لا تنقص عليك درجات من السيستم ما حفظ لك سؤال ولا اكثر

[حرم الجامعه]

اعتقد هذا اسوء سمستر مر ع الاغلبية,,
الجو معتفس ولاحتى في مجال احد يعرف طريقة الامتحان الا بعد مايدخل عليه وكلها محاولتين ع نص ساعه؟؟

هذا حق الظلم والاجحاف بحق الطالب ,, الدرجات تطير بسبب عدم تثيبت الحفظ واشياء في نص ساعه وش يمدي اسوي وش اخلي ,,,
انا جد مستاااااءه من هالوضع واعصابي متوتره منهم ,,

[إحسآس رسامه]

فوق انه مدري حاط كم نموذج , وبعد مسوي حركه الي نجاوب ع سؤال ونروح الي بعده ,,,
ونص ساعه وفي محاولتين فقط ..؟؟!!


ي خي اذا كل هاذا خوف اننا نغش كان خليتو الاختبار ب الجامعه بوقت آكثر ونحل ع راحتنا بدون هالانظمه الي توتر الواححححد

[how are you]

اي والله منقهرة كثييييييييير
اطلب بمحاولة ثالثة او باعادة الاختبار
لان مو ذنبي يطلعني من الاختبار فجاءة وتضيع درجاتنا علي فاضي

[شُـوشْ]

وش هالترم!
اختبار فصلي و اجباري ندخل محاضرات المباشره
السالفه تعقيد بس

[hani91]

بالنسبة لهذا السؤال انا شفته في الواجب خطاء وحطيته خطاء

هل هو خطاء او صواب طبعا للمعلومة بس عشان لو جانا في النهائي نكون نعرف الجواب الصحيح

في

خطوات اعداد التقرير هنالك خمسة اسئلة تعرف ب - (5w's) الهدف منها تنظيم الحقائق .

صواب او خطاء

[أمي جنتي]

نفس المشكله لازم ننتظر تنحفظ الإجابه
وهالشيئ يسحب وقت منك كثير بسبب الضغط الي في السيستم
و في حاجه ثانيه مهمه
ألأسئلة ممكن تتكر ر معك وتحط نفس الأجابه مثلا صح وهي محفوظه بالسيستم انها خطأ وتروح عليك درجه

[قمر15]

السلام عليكم ورحمة الله
اولاً الحمد لله على توفيقه واحسانه وكل واحد اخذ نصيبه
الدكتور من حقه يحط الاسئلة على كيفه هو دكتور المادة
المشكلة مو بالدكتور المشكلة فينا احنا يوم صدقنا بعض الاعضاء انهم راح يتساعدون وينظمون الاسئلة واحنا اعتمدنا عليهم ويمكن بعضنا ما فتح المادة ولكن للاسف خانو بالموجودين المساكين ولا اصلاً مرو عليكم بالملتقى واذا مرو فهم بالخلفية ياخذون خير محاولاتكم ولايعطونكم شي
ماودي اقول اسمايهم لانكم عارفينهم من هم بما فيهم مشرفين ومشرفات واعضاء مميزين وعضوات مميزات بالصبغ الوردي؟؟؟؟؟

صراحه فيهم من صدق وحضر ويشكرون ع مجهودهم
اللخبطه كانت موجوده والضغط ع الموقع هم موجود
اهل التنظيم واللي تعرفونهم بشطارتهم ومتأملين فيهم خانو فيكم
والله ع ما اقوله شهيد انهم اخذو النماذج من هنا اللي نزلوها المساكين واطلعو فيها خارج الملتقى وحلوها وهم كانو متواجدين في قروب الواتس اب
واكملو حلهم وجلسو يتطمشون عليكم
واتوقع فهمتو كلامي ويمكن بعضكم توه يصحى من نومه بعد كلامي هذا
الدكتور اسئلته واضحه وصريحه ولو تأملتو فيها لوجدتوها اغلبها او كلها من الواجبات
اللي حفظ جميع نماذج الواجبات السابقة ما احتاج الي الشرائح ولا لاي احد وسوف ياخذ علامة كاملة
انا صراحة ارسلت للدكتور ايميل قبل تقريباً شهر وطلبت منه تنزيل الواجبات بعد اغلاقها حتى تكون مرجع لنا قبل الاختبار النهائي ورد علي بكل احترام وتقديربتنزيلها بعد اغلاقها وننتظر باذن الله ذلك
الدكتور جداً متعاون ولكن اطلب منكم الصبر وعدم الاساءة لاننا مسلمين ولايجوز ان نقذف احد وهو ما اخطاء
فالخطاء منكم انت بعد ماصدقتو الوعود الكاذبه واهملتو المذاكرة
شكراً لكل من شارك وعسى ربي يوفقكم

[بقايا من جليد]

اول مستوى نصير بهاذي اللخبطه حسبي الله على الوتساب

[HALF_MOOOOON]

المفهوم الضيق أو المادي للاتصال يعني أي سلوك يؤدي الى تبادل المعلومات .
صواب
الحين كيف هذا صواب وهو تعريف المفهوم الواسع
شوفوا الكتاب ص 17