[ تجمع ] : الشعور اللي تجاهك غير حروف القوافي

[عطرالحروف]

‏والله أنك على بالي لين تغفى عيوني.

[عطرالحروف]

‏أداريه واحبه عسى العين ماتبكيه
تعدا حدود الحب وأغلى من الغالي..

[قعناص]

لا تجيّ
‏بعضك ويبقى
‏منّك باقي ،
‏لا تجيّ نصك قسى
‏ونصّك شعور ،
‏يا تجيّ كلك على قدر اشتياقي ،
‏او كذا خلك على اخر ظهور.

[قعناص]

كان واحد ..
‏لين حبك
‏يوم حبك
‏صار واجد !

[قعناص]

محتاج اغرق وانا حاضنْك
‏مانـي بـ حاجـة مجاديفـك

‏انا غريبك .. و في موطنْـك
‏راضي على نخلك و سيفك

‏خذني من اقساك لين ألينْك
‏من وين مـا اخذتنـي كيفـك

‏صرت أستمدّ السعـاده منْك
‏اما معـك .. و الا مع طـيـفـك

‏وش أجمل مْن السوالف عنْك
‏الا اني أسـمـع .. سواليفـك !

[قعناص]

صوتك جديد ؟
‏او اسمي بـ صوتك جديد !
‏كم لك تناديني و لا اقدر أسمعك

‏راضي احس بوحدتي وانا بعيد
‏و لا احـس بوحدتي .. و انا معك

[قعناص]

‏ ولا خذوا قلبي لو أيامي خذوني
‏ما يبّل الروح شيّ . . الا مصبّك

‏طاحت الدنيا وأهلها من عيوني
‏يوم اقول تحبني؟ وتقول احبك ..

[قعناص]

ماتشرق الشمس الا عند شرفتها
‏ومايسهر الليل لامن شافها نامت
‏الطير جالس على شباك غرفتها
‏ماهو مغرد اذا ماشافها قامت

[قعناص]

كانت من الفتنة وزين النفس وإحساس الكمال
‏تمشي ما بين الورد مغمورة بجو العايلة !

الله مجملها بطيبة قلب وأطباع وخصال ..
‏لو مالت الدنيا بشين الوقت .. ماهي مايلة

وأنا بشر تهزمني النظرة وضحكات الدلال
‏وهي إمتحان لصبر إبن آدم على ما يخايله

[قعناص]

‏مثل الصباح ..
‏سمح بملامح واضحة !
‏" وجهك " سلام لداخلي ..
‏يظهر بعد ليلة حزن
‏يلغي بتفاصيله شعور البارحة ..