[ تجمع ] : الجدول النهائي لتسجيل المواد غدا

[بن عيده]

لازم الطالب يشوف مصلحته
إذا كان معدلك منخفض لا تمشي على الخطة أبداً نزل مواد سهلة عشان يرتفع معدلك كثير في هذا المستوى لأن المستويات الجاية بيكون إرتفاع المعدل بطيئ

المواد السهلة
فقه السيرة
قضايا ثقافية

إدارة الجودة وإدارة التغيير ( إذا كان الدكتور جهاد عفانه ) إذا ذاكرت تبويبات أم جهاد أضمن لك تجيب a



البقية الأفضل يمشون على الخطة مع سحب مواد من الثامن والسابع

[J.Abu Bandar]

بالنسبة لي إن شاءالله فلا زلت أفكر
أستبدل إدارة مالية 2
وانزل مكانها تقنية المعلومات 1
لإني كنت مؤجل هالمادة
وما أخفيكم
انني أفكر أضيف المقرر تقنية المعلومات 1
مع نفس الخطة يصير عندي 7مواد..

[ابو رغد502]

نفس الخطه

[NaifM]

انا ماني فاهم ليش البعض يحسبونها سباق. اذا نزل مواد كثيره يحسب انه بيتخرج بدري؟ انا اشوف اللي بيمشي على الخطه بتكون المواد دسمه ومافيه اي داعي للزياده، لأن اذا تفكر على قولتك ترفع المعدل، يمكن لا سمح الله تجيب العيد بوحده او ثنتين منها ويصير العكس بالضبط وبينخسف المعدل! اقترح بالبدايه تنزل مواد سهله كثير او تنزل مواد صعبه وتلعب على المضمون بحيث انك تكون ١٤-١٥ ساعه تقريباً، لان ماردك بتنزل ١٥ بالمستويات الجايه اذا مب اقل بعد لانك تنزل ١٨ كل ترم من اللي فاتوا
عن نفسي نزلت وبدلت التحليل الاحصائي بالقانون التجاري يقولون سهله وممتعه. مب خوفاً من التحليل الاحصائي ابد بس حباً بالقانون وبدكتور الماده يقولون اسئلته سهله وهنا وقتها ترفع المعدل..
بس عندي مشكلة ادارة التسويق، ودي اشيلها لانها مادة حشو واختلفت الاراء ان الدكتور اسئلته صعبه او لا. فيدونا للي يعرف يعطيه العافيه..

وبالتوفيق للجميع

[سالم الفريجي]

على نفس الخطه ان شاء الله لأن المستوى هذا دسم

[alon]

المشاركة الأصلية كتبت بواسطة abo yazed

افكر انزل مادة النقد والبنوك واجل التحليل للمستوى الخامس
انتظر رائ اخواني في دفعة العز وش رائهم

تمااام عليك

[منتسب2015]

أتوقع اكثر اخواننا و اخواتنا بدفعة العز مشوا على نفس خطة الجامعه و أتوقع أخذت ماده من الأترام القادمة او ما أخذت باْذن الله راح يكون تخرجنا سوا اذا ما واجهنا دكاترة مثل ملفي و حق التقنيه 1


عسى الله يسهلها عالجميع

[معاند الاشواق]

تم تسجيل المواد حسب الخطة الجامعية
ولعدة اسباب:

1- تباعد فترات الاختبار تقريبا بين كل مادة واخرى يومين وهذا شيء ينفع الكثير منا.
2- اغلب الاعضاء اختار يمشي على الخطة ( يد الله مع الجماعة ).
3- المواد مشكلة بعضها نظري بحت وبعضها يميل الى العملي وبعضها الاثنين معا.
4- ردود اغلب الدفعة السابقة تنصحنا بالتركيز على المواد ومراجعتها اول باول ومن وجهة نظري ست مواد كافية لهذا المستوى.

دمتم// ف حفظ ربي وتوفيقه

^_^

[nawaf.a.m]

المشاركة الأصلية كتبت بواسطة معاند الاشواق

تم تسجيل المواد حسب الخطة الجامعية
ولعدة اسباب:

1- تباعد فترات الاختبار تقريبا بين كل مادة واخرى يومين وهذا شيء ينفع الكثير منا.
2- اغلب الاعضاء اختار يمشي على الخطة ( يد الله مع الجماعة ).
3- المواد مشكلة بعضها نظري بحت وبعضها يميل الى العملي وبعضها الاثنين معا.
4- ردود اغلب الدفعة السابقة تنصحنا بالتركيز على المواد ومراجعتها اول باول ومن وجهة نظري ست مواد كافية لهذا المستوى.

دمتم// ف حفظ ربي وتوفيقه

^_^

اجل على بركة الله وتوكلنا على الله نفس الخطه نفس الخطه

لكن الله يستر من المواد الي قبل

نشوف النتايج ان شاء الله ويحلها الف حلال

بالتوفيق لنا ولكم

[gms9090]

ما قدرت اسجل انتهاء تسجيل المواد ولا عندي خلل من العصر احاول يقول ارجع خطه الزمنيه واليوم الخميس كل الدفعات