ناوي أسحب على الجامعه + أرامكو واطلـــع بعثه ! شوركم

[همس الروح 2015]

طيب اذا خذيت شهادة من برى تظمن انهم يوظفونك وظيفة
تناسب مؤهلاتك والله يا خوفي تضيع سنين من عمرك وبعدين بتندم
من راي خلك على مجنونك لا يجيك اللي اجن منه اذا مصر عندي
لك رايين

اخذ خيرة اذا متردد الافضل وامشي عليهاان طلعت كويسة توكل على
الله وان طلعت مو زينة اقضب ارضك

او انك تطلب اجازة مفتوحة بحيث ان اذا تخرجت من برى على الاقل
وظيفتك جاهزة وبنهاية القرار قرارك

[Deema :)]

سلام عليكم اول شي
ماقلت لنا انت وين واصل لاي مستوى بالدراسه هنا ؟
اذا مستويات متقدمه وقربت تخلص كملها حرام تضيع على الفاضي وان مافادتك ماراح تضرك

بالنسبه للابتعاث بديهي ياخوي الكل راح يقولك روح ومعهم حق
لكن مثل ماقال احد الاخوان لاتنسحب من وظيفتك علطول
فكر زين ودور جامعه زينه وقبل كل هذا شوف نفسك قدها

لايخوفونك يقولون غربه صعبه ومادري ايش
ترا كل شي سهالات الحمدلله هاللي تشوف الوف المبتعثين يطلعون ويرجعون رافعين الراس
وبما انك مثل ماتقول تحب تدرس ف ان شاء الله ماعليك خوف
بس فكر زين وابحث واجتهد
وانتبه تتحجز وتستقيل وتطلع بعدها ترجع ايد ورا وايد قدام

الله يسهل امرك ويعينك

وموفق

[لست الا انا]

اتبع مايملي عليه قلبك وعقلك
والله يوفقك

[Tornado]

السلام والله نفس التوجه لكن الوالد الله يهديه منعني اني افصل طبعاً قبل 5 سنوات المهم خيره ان شاء الله
بحسبه بسيطة انت راتبك بحدود 9000 الاساسي اذا فيك شده دراسه

اطلع بريطانيا احسن انا ولد عمي توه جاء من بريطانيا بعد تعب دراسة 8 سنوات معه بكالوريوس تخصصه هندسة كهربائية + مجاستير في ادارة الاعمال من جامعة اكسفورد في بريطانيا
ودخل في ارامكو ادارة المشاريع على قريد 12 والراتب ماشاء الله 16000

وعندك الشعب البريطاني افضل من طروش البحر الشعب الامريكي

[Ransy]

توكل على الله وروح بعثه انا مع تفكيرك ذا قلبا وقالبا
لكن الاهم انك بالفعل تروح وانت واثق من نفسك بتسوي المستحيل عشان تطور من نفسك
مو تغرك الحياه هناك والمناظر الخداعه تنسى انت رحت لايش ولا تحس بالغربة وتهبط من طموحك .

[وليام يام]

انا بعطيك رايي واتمنى لك التوفيق :
شوف ان كانك والله بتجيب شهادة ترفع الراس وتفرضك على اي شركه او قطاع حكومي واقصد بالشهاده هندسه او دكتوراه فتوكل على الله افضل بكثير من وظيفتك الحاليه .... وان كانك منت قد الدراسات الصعبه وبتخليها على البكلوريا فأحسن خلك في عملك وواصل جامعتك وياربي لك الحمد موظف وتدرس .
والله يكتب اللي فيه خير

[شخص يفكر جدا]

اللي يدعون .. عسى الله يوفقكم ويرزقكم الجنه فردا فردا

[شخص يفكر جدا]

المشاركة الأصلية كتبت بواسطة ali s

والله يابن الحلال شوف اذا انت قدها توكل على الله وروح ادرس

بس عندي سؤال لك انت الأن اي مستوى واصل لحد الحين في الجامعة؟

المستــوى الثاني

وبعدين انت اخذت موافقه من جهة عملك بالدراسة او لا اقصد بجامعة الملك فيصل اذا ماخذها اكيد راح يقبولها

لا مايقبلونها أبدا
واذا كنت بمستوى متقدم مثلا السادس فما فوق ليه ماتصبر وتجمع مبلغ اكبر وتطلع على الماجستير افضلك

وبعدين اهم نقطة اذا عزمت على البعثه اهتم اكثر بنوع التخصص الي تبي تدرسه الهندسه لها عدة فروع

فيه منها المطلوب بسوق العمل وفيه منها الغير المطلوب مثلا الهندسة المدنية ياكثرهم الي يدرسوها والي حاملينها بسوق العمل

عكس الهندسه الكهربائيه او الهندسه الكميائيه انت شوف وادرس جميع الحالات قبل تطلع عشان حتى تاخذ الافضل وتظمن بحول الله وقوته وظيفه عند عودتك

والاهم من هذا فكر هل انت عندك القدرة على الدراسة واكمال مشوارك التعليمي قبل كل شي


ودامك صغير بالسن لاتعتمد على شهادتك الثانوية كثير

ألف شكر

المشاركة الأصلية كتبت بواسطة exceedline

نصيحتي لك

إنك تكمل دراستك وانت تشتغل يعني نقول 5 سنوات دراسة + عملك 4 سنوات الناتج 9 سنوات شغل( خبرتك حينها 9 سنوات) وعمرك سوف يكون 27 حينها قرر السفر للماجستير سنتين أفضل من 5 سنوات تعب وضوحة أن شاء الله بسرعه راح تتوظف من جانب خبرة وشهادة
بخصوص الضغط العملي لاتفكر أبدا أحد مرتاح ومثال بكرة أسأل مديرك الي يستلم رأتب وقدرة مرتاح ولا لا
وعطنا الرد

إلا إذا أنت تحب الدراسة صح وبتجيب هندسة من جامعه مرموقة توكل على الله

والله الموفق

والله ردك هذا كل امس افكر فيه .. احترت شوي .. بس حسبتها وان شاء الله تكون الحسبه صح

[شخص يفكر جدا]

المشاركة الأصلية كتبت بواسطة كنت نايم

الابتعاث افضل مايبي لها .. لكن الأهم تكون جامعة قوية وامريكية علشان مايضيع تعبك!

بالنسبة لتخصصات الهندسة:
1- ميكانيكية ثم هندسة كهربائية .. عليها طلب جامد من الشركات السعودية الكبيرة والاجنبية اللي ماسكة مشاريع عندنا،، لا تضيع وقتك في هندسة معمارية ومدنية وبطيخ

اذا ميولك حاسب آلي انصحك بأمن معلومات ..
لأنه هو المستقبل وكل شيء صار يعتمد على التقنية والجاي اكثر،، وتوجهه الدولة هو سعودة الوظائف اللي تخص معلومات المواطنين وامنها وفيه شبهه فرض على الشركات والبنوك لتطبيق هالشيء لكن يعانون ندرته، ولا فيه جامعة سعودية تقدم هالتخصص!

اذا لك ميول اداري ..
تخصص Supply Chain Management عليه طلب من الشركات الكبيرة وفيه ندره

وقبل كل شيء استخر .. والله يوفقك وييسر امورك وامور من يقراء ..

كلام من ذهب .. الله يعطيك العــافيه ويوفقك وييسر أمرك دنيا واخره

المشاركة الأصلية كتبت بواسطة Adel F

أسبابك منطقية ، مع أنو تفكيرك متأخر لكن الحمدلله توك بأول العمر ..
لكن !
وظيفتك الحالية ومرتبك الحالي ، ايش راح تكون المتغيرات بعد 4 او 5 سنوات ؟ وقارنها بعد رجوعك من الدراسة وايش راح تكون وظيفتك وقد ايش راح يكون مرتبك ..
بكذا راح تقدر تقرر ، هل يستحق مني أستقيل وأتغرب أو لا ..

لو أنك غير موظف ، دايركت قلت لك ابتعث .. لكن دامك موظف يبغالها شوية حسبه ..

عموماً : اذا حسبتها وطلع أنو ابتعاثك ماراح يفيدك بالشيء الكثير من ناحية الوظيفة والمرتب .. أنصحك تاخذ بكالوريا من فيصل .. والمبلغ اللي عندك استغله في الماستر أو الهندسة بعد البكالوريا ..

موفق ..


الجميع ان شاء الله .. أن تصل متاخر خير من الا تصل ..

المشاركة الأصلية كتبت بواسطة وَردْ

كيف مستوى اللغة الإنجليزية عندك ؟

لأن اللي لغته مو كويسة راح يتعب على ما يحصل قبول ..

لا الحمدلله اللغه توب التوب ..

المشاركة الأصلية كتبت بواسطة أفا يا قلب

انا بأرامكو ومجربه الكرف بالأصح قلة الحيا الي نعيشها على رواتب تعتبر قليله بحقنا
نصيحتي لك روح ادرس وتعال بشهادتك بس عندك واسطه لما ترجع تتوظف!!!

والله يوفقك

الله يعينك ويوفقك .. وان شاء الله مانحتاج واسطه

[شخص يفكر جدا]

المشاركة الأصلية كتبت بواسطة امنية روح

طيب اذا خذيت شهادة من برى تظمن انهم يوظفونك وظيفة
تناسب مؤهلاتك والله يا خوفي تضيع سنين من عمرك وبعدين بتندم
من راي خلك على مجنونك لا يجيك اللي اجن منه اذا مصر عندي
لك رايين

اخذ خيرة اذا متردد الافضل وامشي عليهاان طلعت كويسة توكل على
الله وان طلعت مو زينة اقضب ارضك

او انك تطلب اجازة مفتوحة بحيث ان اذا تخرجت من برى على الاقل
وظيفتك جاهزة وبنهاية القرار قرارك

من استخار واستشار .. ماضاع

المشاركة الأصلية كتبت بواسطة Deema :)

سلام عليكم اول شي
ماقلت لنا انت وين واصل لاي مستوى بالدراسه هنا ؟
اذا مستويات متقدمه وقربت تخلص كملها حرام تضيع على الفاضي وان مافادتك ماراح تضرك

بالنسبه للابتعاث بديهي ياخوي الكل راح يقولك روح ومعهم حق
لكن مثل ماقال احد الاخوان لاتنسحب من وظيفتك علطول
فكر زين ودور جامعه زينه وقبل كل هذا شوف نفسك قدها

لايخوفونك يقولون غربه صعبه ومادري ايش
ترا كل شي سهالات الحمدلله هاللي تشوف الوف المبتعثين يطلعون ويرجعون رافعين الراس
وبما انك مثل ماتقول تحب تدرس ف ان شاء الله ماعليك خوف
بس فكر زين وابحث واجتهد
وانتبه تتحجز وتستقيل وتطلع بعدها ترجع ايد ورا وايد قدام

الله يسهل امرك ويعينك

وموفق

خلصت المستوى الثاني .. الثالث الآن وبنسحب .. الله يحفظك

المشاركة الأصلية كتبت بواسطة Tornado

السلام والله نفس التوجه لكن الوالد الله يهديه منعني اني افصل طبعاً قبل 5 سنوات المهم خيره ان شاء الله
بحسبه بسيطة انت راتبك بحدود 9000 الاساسي اذا فيك شده دراسه

اطلع بريطانيا احسن انا ولد عمي توه جاء من بريطانيا بعد تعب دراسة 8 سنوات معه بكالوريوس تخصصه هندسة كهربائية + مجاستير في ادارة الاعمال من جامعة اكسفورد في بريطانيا
ودخل في ارامكو ادارة المشاريع على قريد 12 والراتب ماشاء الله 16000

وعندك الشعب البريطاني افضل من طروش البحر الشعب الامريكي

ماشاء الله تبارك الله .. عقبــالك ان شاء الله .. + لا للعنصريه يا اخوي =)