●•گلنا عشاق لگن گل واحد له حگايه •● ..{ موضوع متجدد }

[لبى روحكـ]

[لبى روحكـ]

[صمت أنسان]

الى جميع الأحبه

أتمنى عدم المشاركة الا بالمعرفين فقط لبى وصمت حتى لايتداخل الموضوع ويتشتت بأمكان من عنده شي للبدر المراسله على الخاص لي أنا أو لي لبى ونحن سنقوم بطرح الموضوع مع ذكر ألأسم

نقدر للجميع المشاركة

بس أتمنى أن لاينزل عضو شكر أو غيرها

تحياتي للجميع وأسمحوا لي باكلام اللي ذكرته

الهدف التنظيم فقط

[صمت أنسان]

سافري كان يرضيك السفر...... جربي لو ورى ليلي صباح
بدلي الرمل بأمواج البحر...... واتبعي الغيم تحملك الرياح
سافري لين تبكين المطر....... واضحكي لين ما يضيق البراح
ولا تعبتي وحسيتي بضجر...... خلي الشوق لديارك جناح
أرجعي في ابتساماتك عذر ..... مثل ما الدمع في عيني سماح
انتي العين من طول النظر ...... وانتي القلب من كثر الجراح

[صمت أنسان]

شعر موج .. وقمر خد ..

دفا روح .. وطغى قد ..

وراعي الهوى مسكين ..

زهى الكحل .. في الحاجر الفتان

وسرى الليل .. تو الفجر ما بان

وراعي الهوى مسكين

كما الشمس .. يجهر سنا نوره

ما اقدر أناظر .. والعين مكسوره

وراعي الهوى مسكين ..

ثغر ورد .. ورده شكت ورده

من دونها الشوق .. والرمح والقرده

وراعي الهوى مسكين ..

[صمت أنسان]

هيه يا غصن تمايل بالدلال .... ما تخاف الكسر لا هب الهبوب
وما تخاف الله وتسعى بالعدال.... انصف من لحاظ عينيك القلوب
لا متى ذبح العرب عندك حلال.... تابت العالم متى عينك تتوب
مير قلبي يا لغضي بيعه محال..... ما أقدر أعطي لو تبي مني ذنوب
أشهد إنك بالحلى فقت الخيال..... وعيب حسنك كان في حسنك عيوب
شارقة في طلعتك شمس الجمال.... وجامع في ضحكتك كل محبوب
الخمل فيني انا ما بك خمال.... مشملٍ نوّك .. وانا نوّي جنوب

[صمت أنسان]

صوتٍ شبيه الريح .. مشققٍ بأعواد شيح

مرتّق بالدم .. معتّق بالهم زافر

صوتٍ مثل خضر العروق اللي على ظهر الكفوف المبطيه نافر

صوتٍ ذبيح .. يصرخ يصيح .. إبلك خذوه القوم

بين الفزع والنوم ..

أسرجت مهري ألف ..

وسلّيت سيفي ألف ..

وظهرت تحت الشلف ..

ماكان في الشارع غير الرصيف والفجر ..

وبواب جيراني من هالمدى راجع ..

يحمل رغيفٍ حار .. زاد لثلاث صغار..

للمدرسه صحيوا ولبسوا مرايلهم ..

سنين سنين .. هالصوت الجارح الزاجر..

يصيح بي وينك.. قطفت بساتينك ..

وابلك خذته القوم.. خذته القوم هالابل..

أفـّز وفي أنفي ..عـجاجة الغـاره ..

وأصحى وفي كفي ساعه ونظاره ..

مالي إبل أرجـوك مـالي نخيل .. لانصل ولا حـافر..

تعبت من صوت العروق المبطيه.. ومن صمتي الفاجر..

وأنا أخر الفرّيس ظنك ..

أنـا أخـر الفرّيـس ..

حسبك ياحادي العيس ..

هذا الزمن عاري ..لاردن ولا جوخه ..

يصهل مهر راكان ..

وينادي ابن مهيد ..

يوقف شعر هالبيد ..

هذا الزمن أصمخ .. مايسمع شيوخه..

شد الرحال .. سافر ..

دوّر ياحادي العيس .. روض وزهر ماديس

ولذنوبنا.. لذنوبنا غافر

وداع يا خضر العروق اللي على ظهر الكفوف المبطيه

يالماضي الحاضر ..

[صمت أنسان]

هـــلي الجدايل.. ظــلليني عـــن الشمس
و داري جــبيني عــن لهيب الســـمومي
لا تســـــــاليني.. عن عذاب مضى امس
انـا نصيتك هـــارب مــن هـــــــمومي
ما تـلمسين الجرح في مهجـــتي لمس
جــــرح الهوى ما يسترنه هــــدومي
يظهر على صمتي.. ويــنزف مع الهمس
وبدمعةٍ يفضح.. بقـــايـــــــــا عـلومي
إن ما كفاك اني وهبتـــــك هوى النفس
وســـــهد الليالي يوم انا انكرت نومي
خذي الرجا .. خلي ولو راحة الياس

لمي الجدايل عن لظى الشمس قومي

[صمت أنسان]

أوقات ياخذنا الحكي ..
وننسى بالحكي أوقات ..
واوقات .. يا ليت الكلام سكات ..
يجرحنا الحكي ..
اسهر .. مع حبيبي .. يا قمر الكلام ..
لين يغفى حبيبي .. وجروحي تنام ..
ابعد عن حروفي .. وعن المي وخوفي ..
وابحر في سفينه .. عن بحر الظلام ..
وصلنامدينه .. من عطر وغمام
انا وين القى كلام .. ما مر فــ كلام
اوقات .. يا ليت الكلام سكات ..
يجرحنا الحكي ..
بغني لعيونك .. في حزني وفرحي
وبكتب عيونك .. قصيده لجرحي
واخلي ابتسامك .. دموعك كلامك
قمر هالسوالف في ليل السكوت ..
ولو الف نجمه في عيني تموت ..
في حزني أحبك .. ويأسي أحبك ..
أحبك .. مأقول أوقات

[صمت أنسان]

من زعلك في عيونك السود نظره
لا شفتها حسيت بالحزن والياس
من زعلك طاحت من الليل قمره
خلت طريقي من المواعيد والناس
لو هو انا .. بالله شوفيني مره
وأنا أعتذر للتبر .. للدرللماس
أبعتذر لنجومها في المجره
وللما القراح اللي شربته من الكاس
حبيبتي أرجوك في القلب حسره
كافي زعل اشغلتي الفكر هوجاس
والله لو تدرين ها الحب جمرة
بين الضلوع تشب من حر الأنفاس
غديت طفلٍ ضايع فيه عبره
محدٍ سأل وشفيه ماقال لا باس
وهذا الغرام الله يكفيني شره
بعيش أحساسه وباموت أحساس