[ مذاكرة جماعية ] : ... تجمع لمذاكرة مقرر اساسيات المحاسبه الادارية ...

[رومي$$$]

زيوت التشحيم مو تكلفه انتاجيه !!!!!



Sent from my iPhone using ملتقى فيصل

[sarah21]

الله يعافيكم على المجهود الجبار ..ياتيفانى وصالح

[خآين ولآكن !]

المشاركة الأصلية كتبت بواسطة sarah21

الله يعافيكم على المجهود الجبار ..ياتيفانى وصالح

ايضاً نورآ الله يجزآهآ كل خيرر ، والجميع ي رب

[هــاشــم]

يا اخوان انا افهم مع الدكتور والامور طيبه واذا جيت احل المسائل اضيّع
يعني زي المحاضره الأولى كيف ارتب المعطيات وافهم وش المطلوب ؟
كل مسألة لها طريقة حل مختلفه
ممكن يجيب نفس المسائل مع تغيير الارقام ؟

[Magic4ever]

كويز 100 سؤال بالتوفيق

https://vb.ckfu.org/quiz.php?do=take&quiz_id=15872

[صالح أبو عايض]

المشاركة الأصلية كتبت بواسطة رومي$$$

زيوت التشحيم مو تكلفه انتاجيه !!!!!



Sent from my iphone using ملتقى فيصل

نعم تكلفه انتاجيه لانها تعتبر من جميع التكاليف الصناعيه
وفي نفس الوقت تكلفه غير مباشره لانها تكاليف اضافيه وليست مباشره
وفي نفس الوقت تعبتر تكلفة تحويل ( تكلفة التحويل كل التكاليف الصناعيه غير المباشره غير التسويقيه والادرايه ) + نقطه مهمه الاجور المباشره " وذي خاصه " تعتبر تكلفة اوليه وتحويل

يعني ياخي كل ماذكر صحيح هي انتاجيه وغير مباشره وتحويل

[رومي$$$]

المشاركة الأصلية كتبت بواسطة هــاشــم

يا اخوان انا افهم مع الدكتور والامور طيبه واذا جيت احل المسائل اضيّع
يعني زي المحاضره الأولى كيف ارتب المعطيات وافهم وش المطلوب ؟
كل مسألة لها طريقة حل مختلفه
ممكن يجيب نفس المسائل مع تغيير الارقام ؟

تراها حيل سهله بس انت احفظ القاعده وراح تعرف تحل

مثلا يعني في كل نهايه سوال تركز وش المطلوب منك
اذا مطلوب التكلفه الاوليه
اكتب قاعدتها اللي هي

التكلفه الاوليه =خامات المستخدمه المباشره +اجور عمال الانتاج .... ركز بس الاجور بدون المكافات

واذا طلب منك تكلفه الانتاج نفس الشي تكتب القاعده وتمشي عليها

تكلفه الانتاج = هي كل التكاليف داخل حدود المصنع والمتعلقه بالانتاج
يعني شلون ؟؟؟ اذا جاك جدول حدد اللي يدخلون ضمن الانتاج مثلا اجور العمال واجورهم الاضافيه والمواد واجمعهم


وتكاليف الفتره = كل الاشياء اللي تتمثل في المصروفات البيعيه والاداريه

مثال يعني اذا عطونا جدول فيه مرتبات للاداره ومكافات الاداريين وعموله بيع واي شي يخص البيع والاداره

واخر شي تكلفه التحويل قاعدتها = اجور عمال الانتاج + التكاليف الغير مباشره

واضحه جدا دور في الجدول الغير مباشره ومع اجور العمال واجمعها



المطلوب بس تفهم القاعدات و تدرب عليها وفالك طيب ان شاء الله

[مرتو لـ جوآد]

تبويب ام جهاد الصفحه ١٢ السؤال الثالث كيف جا الناتج ٦٣٠٠؟



Sent from my iPhone using ملتقى فيصل

[صالح أبو عايض]

المشاركة الأصلية كتبت بواسطة رومي$$$

تعتبر تكلفه ايجار معارض لببيع
تكلفه فتره
شلون !؟


sent from my iphone using ملتقى فيصل

لانها تعتبر تكاليف تسويقيه واداريه ( معارض بيع ) لا يتعلق المنتج بوجودها

تكلفة الفتره : كل مايتعلق في النشاط الاداري والتسويقي واي تكاليف تسويقيه او اداريه مثل مرتب مدير المبيعات عمولة التوزيع - مصروفات اداريه - ايجار مبنى المعارض - ادوات مكتبيه - عمولة مبيعات - مكافأة الوقت الاضافي " لموظفي الاداره " اهلاك سيارات الاداره - ايجار سيارات التوزيع ((( ايجار المصنع ))) وهذا انا تلخبطت فيه كثير لان الدكتور ذكر في المباشره انها منتج والمحاضره ٢ قال فتره وفي المحتوى فتره مع اني اشوف ان المصنع اذا ماندفع ايجاره ماراح يكون فيه انتاج ومتعلق في الانتاج لكن " نقول مثل ماهو مكتوب عندنا " ايجار المصنع ايضآ تكلفة فتره

لكن مكافاة الوقت الاضافي لعمال المصنع وليس للادراه تعتبر تكلفة منتج وليست فتره

[رومي$$$]

المشاركة الأصلية كتبت بواسطة صالح أبو عايض

نعم تكلفه انتاجيه لانها تعتبر من جميع التكاليف الصناعيه
وفي نفس الوقت تكلفه غير مباشره لانها تكاليف اضافيه وليست مباشره
وفي نفس الوقت تعبتر تكلفة تحويل ( تكلفة التحويل كل التكاليف الصناعيه غير المباشره غير التسويقيه والادرايه ) + نقطه مهمه الاجور المباشره " وذي خاصه " تعتبر تكلفة اوليه وتحويل

يعني ياخي كل ماذكر صحيح هي انتاجيه وغير مباشره وتحويل

مرسي اوي ع التوضيح