وقفوا عضويتـهـا .. يـاأنــا .. ياهــي بهذا المنتدى !!

[SaD HeArT]

شهد الحروف


صحيح إنج " روّعتـيـنـا " في البداية و لكن التشويق كان عامل جذب مميز للموضوع ,

تسلمين ع الطرح ..



المجامله تنتهـي بــ أمرين :

الأول /

اللي يجامل يتوقـّف عن المجاملـه فورا و ما عاد يجامل ..

المجامله يدخل فيها النفاق بشكل كبير , و هالشيء بدون مبالغه موجود في مجتمع حوّاء و بشكل ظاهر ..

البنات تنتشر بينهن المجامله بدون توقـّف , و على أمور بسيطه " تجي الوحده من أقصاها " و تجامل غيرها !!

حتى لو كان الموضوع أو الشيء مو عاجبها و لا " داش عقلها " و لكنها تجامل علشان البنت الثانيه ما تزعل عليها ..

شوفوا العجايز شلون يتعاملون مع بعض و تعلموا منهن ,

لا مجامله و لا برستيج و لا هم يحزنون ,

صحيح بعض الأحيان يكون فيه نوع من " الدفاشه " و لكنها تكون جميله لأنها خاليه من المجامله ..

العجوز تقول رأيها اللي تعتقد إنه صح و ما تنتظر رد فعل الآخرين ..



و الثاني /

نكون واضحين و صريحين مع أنفسنا و مع غيرنـا ..

يعني وحده متينه و لابسه ضيـّق وحاشره روحها حشر في الملابس ..

ما يصير صاحبتها تقولها :

أوه لا لا , شنو هاللبس الحلو , صايره ملكه , لا يشوفونج يحسدونج !!

و تدرون بعض البنات أو نسبة كبيره منهن " تطير بـ العجـّه " من كلمة مدح صغيروووونه ,

و اللي ما يعرف أو ما تعرف يكون واضح مع غيره ترى مو لازم يجامل ,

ع الأقل يقول ما أعرف أو مدري , و كان الله غفور رحيم ,

الصمت في أحيان كثيره يكون حكمه بليغه و مؤثره ..

[طموح شايب]

بالنسبة لي فأفضل الحقيقة مهما كانت مرة وجارحة

لأنها في النهاية هي الواقع الذي أعيشه الآن وهي المستقبل الذي أريد تغييره للأفضل

إذا رأيتَ عيبي وجاملتني فقد خدعتني وأوهمتني بأنه صواب

إذا عرفت نقصي وجاملتني فقد خدعتني وأوهمتني بأنه كمال

كم من أناس تدهوروا ووصلوا إلى الحضيض بسبب المجاملة

كم من أناس أكلوا أموال الناس بالباطل بسبب المجاملة

فإذا كانت المجاملة في الأمور التافهة والبسيطة فهي ذوق وأدب وترفع عن سفاسف الأمور

وإذا كانت المجاملة في الأمور الأساسية والحساسة فهي نفاق وخوف وجُبن وذل

فلا نامت أعين الجبناء

[عطرالحروف]

[Just have fun]

بالعكس عضوه فعاله
أمزح
بس المجامله جيده في بعض الأحيان
الصراحه بعض المرات تجرح

[عفت الغﻻ]

ولو مستلج هاليومين
تاخر النتيجه اثررر فيك

[بنت مكة]

سلمت على هذا الطرح شهد الحروف ..
فعلن بالمجالة خدع الكثير .. ولو أنهم استخموا مكانها وطبقوا حديث الرسول صلى الله عليه وسلم (والكلمة الطيبة صدقة ) لكان افضل ..

[Just have fun]

المشاركة الأصلية كتبت بواسطة عفت الغﻻ

ولو مستلج هاليومين
تاخر النتيجه اثررر فيك

لا والله مب على النتيجه
خلها على ربك بس

[عفت الغﻻ]

المشاركة الأصلية كتبت بواسطة just have fun

لا والله مب على النتيجه
خلها على ربك بس

والنعم ب الله
الله يعينك ويفرج لك
والله شلت همك
بس مالك اﻻ اخت تدعي لك بظهر الغيب
واحنااا بالخدمه

[زيزو الوايليه]

ههههههههههههههه يقطع ابليسك احنا البنات نموت بالسوالف والحش عاد طق عندي عرق اللقافه اعرف منو؟
بس شكيت لانوه اكيد راح ينحذف الموضوع قبل ينززل

بين مراعاة الشعور والاطراء لدفع الشخص للابداع وانتاج المزززيد .. وبين المجامله الكاذبه والمنافقه شعره ...تفصل بينهم فاحررص ع التفريق بينهما

[عفت الغﻻ]

ي سﻻم عليك يا زيزو
كﻻمك درر
وايليه واﻻجر على الله كفووووو