مايمدح السوق الا من ربح فيه !! بخصوص الدكتور حسن بالقاسم

[fandam]

كلامك عين العقل معقووله الاسئله قص ولصق حقت العااام هذا دليل فشل هالدكتور وضيااعه فعلا العالم
تتكلم بعواطفها قبل الاختبار شي وبعده شي اخر
هالدكتور اتمنى ماعاد يدرسنا ابد

[Cartier]

اولاً تراكم طلبة جامعيين يعني مو حقين متوسط لازم شرح بقوه ومدري وشو الحين الطالب الجامعي لابد يفهم ويركز ويبحث ويعرف كيف يدير مذاكرته

بالنسبة للاقتصاد كان اكثر مادة شايل همها ولكن بصراحه ذاكرت بشكل صح وحاولت اركز وافهم هي السالفة مو حفظ يبيلها فهم ولو فهمتوا كان سهلت اموركم بالنسبة للاسئلة انا قبل اذاكر كنت اشوف الاسئلة حقت العام طلاسم ولكن بعد ما ذاكرت لا بصراحة بديت احل وحسيت اني صرت افكر في السؤال بدال مااقراه لمجرد القراءة

اي نعم الدكتور يبيله يركز شوية في الشرح ولكن حقيقة ماقصر في الاختبار واسهل من كذا مافي ترى الا اذا تبون يجيب اسأله من مادة ثانية

على فكره انا شفت شرح الدكتور شمعون في جامعة الملك خالد عن الطلب والعرض يعني انت شوي حاول تنوع في جهدك انسى شغل الدراسة حقت المدارس

تحياتي وإن شاء الله مااحد يحمل المادة يارب وكلنا نجتمع في سمستر اخر ومواد اخرى وتفائلوا بالخير

[منـور]

الحمدلله على كل حال ..

والعاقبه للمادتين الباقيات

[lightning]

بأمانه لو الاسأله ما كانت موجوده معنا
انا متأكده انه الحين الكل يسب فيه
بس الاسأله كانت بين يدينا فشي طبيعي راح نحل

صح كلامك اخوي ...وانا متاكده انه الدكتور تعمد انه يكرره الاسأله
لأن لاحظ انه الكل مو فاهم الماده ..بيصير صعب عليه اذا رسب عدد كبير من الطلاب
لأن ادارة الجامعه راح تدخل ويمكن يغيرونه او يعطونه ملاحظات او انذار
عشان كذا يمقن انه الشي الي سواه عشان يفيد نفسه اول ويمقن لا صار يحبنا فجأه

[منـور]

المشاركة الأصلية كتبت بواسطة fandam

كلامك عين العقل معقووله الاسئله قص ولصق حقت العااام هذا دليل فشل هالدكتور وضيااعه فعلا العالم
تتكلم بعواطفها قبل الاختبار شي وبعده شي اخر
هالدكتور اتمنى ماعاد يدرسنا ابد

فشل الدكتور وضياعه !!

بالله وش هالكلام ياناس ترى على اكتافكم ملائكه اتقو الله في الفاضكم

وبعدين الي مخه مقفل ولا ماعنده استعداد يفهم ويبي كل شيء جاهز لايجلس يسب
ويتشكى .. هذي قدرات ، يعني فيه من يدبر نفسه وفيه من يقول
اشرحو لي وفيه من يقول بجيب الدرجه الكامله وفيه من يقول ساعدوني وش اسوي حتى مب قادر يساعد نفسه .. وبعدين ماتلاحضون اذا جابو الاسئله صعبه سبينا واذا سهله سبينا قسم بالله مدري وش هالتفكير
انا من الناس الي فهمت على الدكتور ..لانه يشرح عربي على مااعتقد مب فرنسي واعيد مقطع كلامه كذا مره لانه هو مب مجبر يفهمني
مثل سنه رابع ولا خامس هو الي مجبر يسويه يشرح على قدراته .. وعلى فكره ترا قدراته
العلميه او رتبته العلميه < استاذ مشارك ،يعني شارب الماده ومتعمق فيها
وبعدين انا اتعجب واسسستغرب من شغله !!
ترا الانتساب مايشوفون حتى محاضرات ويبحثون عن الملازم
بالمكتبات ومره تصيب ومره تخيب وحنا الحمدلله 14 محاضره
تحمل وتعيد الى ماتشبع ومرفق لكل محاضره واسئلة واجب
وانببببح صوته وهو يقول ركزو على محاضره 14 ؟؟
طيب وش ذنبه انكم مالكم خلق تفتحون المحاضره مب مكفل فيكم

[aseel.w]

صدقت ...
احنا تعدينا مرحله تجميع الدرجات والرغبه في الوصول الى تحصيلها بأمتياز .

* في المرحله الجامعية نحتاااااااااج الى معلومات نبي نتشبع معلومات ونفهم صح زي مانفهم ان 1+1=2
بكرا لو توظفتوا وتككلم معك احد بلغه اقتصادية وماعرفت وش يقول ماتنفع الدرجات ولا ال a+ الي حصلنها
من امتحان منسوخ ومحفوظ ..

وكلامك بالعكس مايزعل هذا اللي يسمونه نقد بنّاء
تحياتي لك

[طَمُوح]

المشاركة الأصلية كتبت بواسطة يووه مالقيت نك

امممممم
انا اشترك معاك بكم شغله وهي انا مادخلت الجامعه عشان وظيفه وعندي حب اتعلم والشي ثالث بعد ان شرح الدكتوور مو ذاك الزود
لكن والله العظيم مو عشانه سوا نسخ لصق لاسئلته القديمه صار اوكي لا

انت شفت اسئلة بلغرسه وقتها بتدري ان دكتورنا نعمه في هذي الحاله ,واضيفله له شي يشفعله انه قالنا نركز على شغلات مهمه كان لها دوور كبير
واذا كنت تبي العلم
عندك طرق كثيره مو شرط تعتمد على شرح دكتور اليوتيوب ماخلئ شي اقل شي عندك 4 اساتذه تخصص اقتصاد شرحهم باليوتيوب

والمااده خلقه صعبه عالمبتدئين

واختلف معاك اذا انت تشوف شرح الزهراني حلو انا عني والله يخربطني شرحه ويضيع وقتي ومو واضح كانه يقرا بس
واذا فيه شكر لادكتوور مافي مثل الرياااضياات والمحاااسبه هذول جد يتعبون نفسهم بالشرح غيرهم نووو نوو نوو

والباقين مابين عادي الا ماله داعي




وفاالك ال a+ << يااارب اجيبه حتى a بدون + مابيها لااازم ++ << الله يستر ماتصير b

كلامك جميل اختي ..

مو معناته الدكتور بالغرسه كانت طريقته سيئه نقبل بواحد ثاني لانه اقل منه سوء ... المفروض نبحث عن الافضل وننتقد لين نحصل الافضل .

من ناحية الدكتور الزهراني .. انا سمعت له 6 محاضرات .. مادري بس يكفي ان كلامه واضح ثاني شي نعرف وين يتكلم وفي اي نقطه .. بس الاقتصاد الجزئي .. اللهم اني صائم بس

وع طاري a ماشاء الله عليك تتشرطين بعد تبينها + ولا بدون هههههههههه انا زين اذا عديت الماده

الله ينولك مرادك يارب

[طَمُوح]

المشاركة الأصلية كتبت بواسطة حبيب الشمس

ما اعتقد بهالنظام الي احنا تعليمنا عليه باقي شي من صعوبات التعليم ومعضلاته ما روّض وارضح لنا ،

محاضرات شفها متى ماتبي ، واجبات ومناقشات انسخ ولصق ، والاخ جوجل ينادي وشتبون ، ولا تهون الاخت الفاضلة يوتيوب عندها بدل الدكتور الف وبكل العلوم ، وفوق كل هذا 30 درجة مضمونة ، غيرها كثير وانتم هل الدار وتدرون بزينها وشينها .. اتوقع كلمة شكرا ماتكفي !!

اما التعدي على الاساتذة والدكاترة فهذا شي اتوقع ان الجميع ان شاء الله اكبر منه ، انا معاكم ولا اخالف رايكم بأن طريقة الاستاذ الدكتور حسن كانت صعبة الفهم بالنسبة لنا و بكل الاحوال شكر المعلم من تقدير الذات اولا ثم حسن تقدير واحترام .

معليش طموح .. القادم أجمل ان شاء الله
هالمرة اقتصاد جزئي وهذي علومكم .. وش بتسوون بالاقتصاد اذا جاء كلي


حاولوا تنسون الاقتصاد الحين .. وفكر بالازرق ( الكتاب السماوي )
المحاسبة يبيلها تكيه ترى .. وعلى فكرة ترى زيها زي الي قبلها .. مبادئ !

على الله تاقف الدمعة وعلى الله يضحك الباكي

شكرا للجميع و خالصه لدكتور حسن غسان

والسلام سكر

هلابك اخوي صادق بكل الكلام اللي تقوله ..

على كذا نترك الجامعه ونتابع المنتدى ونشوف الدروس اللي هم يدرسونها ونسوي اللي نبي

المشكله في تلاخيص ومواضيع ودكاتره ويوتيوب بكل مكان ... بس احنا مقيدين بدكتور ومنهج

المفروض انه يأدي بالطريقه اللي ترضي الاغلبيه .. بس اتوقع زي ما انت شايف الاغلبيه مو راضيين عن طريقة الدكتور او طريقة شرحه


ومن ناحية التعدي ع الدكتور

حشانا كلنا اننا ناخذ الموضوع بشخصنه .. القصه ومافيها هو عنده سلعه واحنا عندنا الطلب والسلعه اشوف ان انحنائها المعياري في النازل عشان كذا الطلب الكمي كان قليل <<<< متاثر بالماده هههههههههههههههههههههههه

والله ماقصدت اني اقلل من قدره او اعيب فيه بس هي امكانيات يمكن امكانيات فهمي اقل من مستواه عشان كذا ماحالفني الحظ افهم عليه

[i b r a h i m]

المشاركة الأصلية كتبت بواسطة طَمُوح

السلام عليكم ورحمة الله وبركاته

طبعا بعد اختبار المادة الغثيثة هذي ...

في كثير من الاخوان قاموا يشكرون الدكتور ...

ليتهم شكروه على شرحه او على استفادتهم من المادة

اغلب الاخوان اللي اعجبهم الدكتور عشانه بس نسخ لهم الاختبار السابق فقط

طيب ايش استفدنا من الماده ... اتوقع الاغلب مافهم شي منها ( طبعا شوفوا المواضيع والردود قبل الاختبار مو بعد ما جاتنا نفس الاسئله )

بعدين في ناس ماشافوا الاسئلة السابقه .. وكل واحد وظروفه .. تتوقعون قدم زين في الاختبار

اكيد بيكون خبص فيه تخبيص ...

اتمنى فرحة الاخوان في تقديم اختبار جيد ماينسينا سوء شرح المدرس ... لان الموضوع هذا بيعانون منه اخواننا في السنوات القادمة ويمكن يجينا المدرس نفسه في الترم القادم ووقتها اذا جاب اسئلة جديده بنعرف اشقد ظلمنا اخواننا وانفسنا

طبعا لاحد يزعل من نقدي بس انا هدفي الاستفاده مو فقط درجه اجيبها

اقترح عليكم المشاركه في تقييم المقررات و خلافها على الرابط

http://www.ckfu.org/vb/t268993.html

[طَمُوح]

المشاركة الأصلية كتبت بواسطة cartier

اولاً تراكم طلبة جامعيين يعني مو حقين متوسط لازم شرح بقوه ومدري وشو الحين الطالب الجامعي لابد يفهم ويركز ويبحث ويعرف كيف يدير مذاكرته

بالنسبة للاقتصاد كان اكثر مادة شايل همها ولكن بصراحه ذاكرت بشكل صح وحاولت اركز وافهم هي السالفة مو حفظ يبيلها فهم ولو فهمتوا كان سهلت اموركم بالنسبة للاسئلة انا قبل اذاكر كنت اشوف الاسئلة حقت العام طلاسم ولكن بعد ما ذاكرت لا بصراحة بديت احل وحسيت اني صرت افكر في السؤال بدال مااقراه لمجرد القراءة

اي نعم الدكتور يبيله يركز شوية في الشرح ولكن حقيقة ماقصر في الاختبار واسهل من كذا مافي ترى الا اذا تبون يجيب اسأله من مادة ثانية

على فكره انا شفت شرح الدكتور شمعون في جامعة الملك خالد عن الطلب والعرض يعني انت شوي حاول تنوع في جهدك انسى شغل الدراسة حقت المدارس

تحياتي وإن شاء الله مااحد يحمل المادة يارب وكلنا نجتمع في سمستر اخر ومواد اخرى وتفائلوا بالخير

ابد ابد يالغالي مانبي شرح بقوه ولا شي .. اللي نبيه شرح بتركيز ووضوح ... يعطينا الاساسيات وبس

والله اتحدى اي واحد موجود يحل اي مسئله بدون مايكون رجع للتلاخيص ومواضيع شرح الشباب ... بامكانك تسأل نفسك ليه الشباب ماعتمدوا على المدرس