حفلة تخرج بالاحساء لطالبات

[روان ...]

رغم اننا ندفع للجامعه وبعد ندفع للحفله وش ذا سلاماااات !!! المفروض الجامعه من نفسها تتكرم وتسوي لنا حفل طبعاً اقصد الطالبات والطلاب اللي ب الاحسا اقلها علشان مايتركون مجال عليهم للكلام والجامعه مستفيده مننا اولاً واخيراً ليش الانتظام لهم حق واحنا لا زبدة الكلام احتفلو مع اهلكم احسن بلا جامعه بلا هم

[نوفييي]

لا الحفل يحتاج المبلغ هذا لان احنا بالثانوي كانت قطتنت 1500 فيه عبايات تخرج فيه كيكه فيه فندق فيه ديجيه فيه ضيافه فيه عاملات فيه معازيم يبون لهم بوفيه تكريم طالبات مسيره فقرات واكيد فيه وحده بتجي من برا تقدم الحفل وتديره الموضوع يحتاج كثير مو بهالبساطه الله يوفقكم باقي لي اربع سمسترات ع التخرج ولا كان اشتركت معكم

[نوفييي]

ولو سوت لكم الجامعه حفل ماراح يعجبكم لان الحفل اللي انتم بتتفقون عليه بتسوونه على كيفكم وبيكون احلا

[ام شعولي]

المشاركة الأصلية كتبت بواسطة شرواك

البنات اللي يتوقعون ان الحفل تحت تنظيم الجامعة

الحفل تنظيم بنات ويمكن مستنفعات من ورى هالفلوس لان 1000 ريال مبالغ فيه على 35 طالبه هذا 35الف غير الاضافات

الجامعه مالها علاقه

وتمنيت الاخت وضحت بالموضوع فوق انه شخصي

ونصيحتي انتبهوا لمثل هالتجمعات وجمع الأموال خصوصا لأشخاص ماتعرفونهم

لانه ممنوع من الدوله

واتمنى ادراة الملتقى يكون لها تدخل بالأمر لأنها معنيه بالامر امام الدوله
جمع الاموال ممنوع هذا للتوضيح

كلامك سليم 100%

[oOo saudi oOo]

من وجهة نظري

إن الإتفاقيات في مثل هذي الأمور تكون من جهات رسمية حتى تكون آمنه ولا يوجد خلفها أشخاص قد يكونوا سبب في وقوع الضرر على الفتاة ، أنا لا أتهم صاحبة المشاركة ، ولكن لابد بإن الشخص يحرص وينتبه فنحن في زمن لا يستأمن به إلا القليل ، فقد كثرة المشاكل بشتى أنواعها وخاصتاً تقع عندما يتم التعامل مع أشخاص مجهولين أو مع جهه غير رسمية ومعتمدة لدى الدولة .


وتمنياتي لكم بالتوفيق

[G.a]

يا بنات مين اللي افادكم بهالشي ؟ وياليت احد يزودني بتفاصيل

[خالـد بن محمد]

المشاركة الأصلية كتبت بواسطة شرواك

البنات اللي يتوقعون ان الحفل تحت تنظيم الجامعة

الحفل تنظيم بنات ويمكن مستنفعات من ورى هالفلوس لان 1000 ريال مبالغ فيه على 35 طالبه هذا 35الف غير الاضافات

الجامعه مالها علاقه

وتمنيت الاخت وضحت بالموضوع فوق انه شخصي

ونصيحتي انتبهوا لمثل هالتجمعات وجمع الأموال خصوصا لأشخاص ماتعرفونهم

لانه ممنوع من الدوله

واتمنى ادراة الملتقى يكون لها تدخل بالأمر لأنها معنيه بالامر امام الدوله
جمع الاموال ممنوع هذا للتوضيح

أضم صوتي صوتك نأمل من إدارة الملتقى النظر في مثل هذا الموضوع
واللي يبي يسوي حفل تخرج يكون خارج حدود الملتقى

[..ابوحنان..]

35000 ريال ، يمديكن تستاجرن ديزني لاند وتسون الحفلة فيها بس بدون المهرجة واللي تصبغ الوجيه .....

يالله ياشباب من يبي حفلة تخرج للطلاب القطة من 500 ونبي 100 طالب ، كذا يبقا حق القصر والطقاقات ويتزوج الواحد على حسّكم

[*Dev*]

نصيحه لوجه الله ، أي حفله خارج تنسيق الجامعه ،،

أتمنى الاخوات مايحضرونها ،،

[..ابوحنان..]

همسة في إذن الخريجين:

تبرع بـ 1000 ريال أو بما تستطيع حمداً لله على نجاحك وتخرجك ، ولو تستطيع إيصال تبرعك أو صدقتك لأطفالنا ونسائنا في مضايا أو الفلوجة أو حلب أو غيرها من مدن المسلمين المنكوبة فليس هناك أعظم من مشاركتك فرحة الجوعى والعطشى بما يبل ريقهم، فهنيئاً لمن يفوز بتلك المشاركة