قررت الانسحاب من البرنامج

[طالب الشمال]

تبي نصيحتي لاتنسحب واتمنى انك تواصل وترى الأيام تجري جري (تركض) وغمض عين وفتح عين الا وحنا متخرجين وحنبى جامعين ايه جامعين لكااااان وعليك الله ماتنسحب دايرينك معانا .

س / كم لهجة بالرد ؟

[Aisheea]

هيييييه ضرب الموضوع عندي في مقتل

و الله اني كل يوم اصبح اقول خلاص يا بنت قفليها

و احاول اقنع نفسي بجدوى الاستمرار لدرجه غيرت تخصصي كود النفس تنفتح

ولكنه مابوه رجى

[الكاف]

هذااااا وانت توك في الحمد ياخووووووك مابعد تدخل بالشغل صح ومتردد وشلون بعدين وقت الاختبارات ووقت الجد عز الله فلحت بس بقولك حاجه بيني وبينك لاتعلم احد هج لو الشهاده ماتعني لك شي
هج هج هج هج

[مخربها]

اسمحولي راح اتكلم عامي بحت


تعال يالقدااح مدري قاادح شوف كل شي بهذه الحياة لها ثمن مسالة انك داخل عشان صديقك وتقول نظامهم بااايخ صدقني ماراح تستمر لانك لسبب معين مو من داافع داخلي

صدقني كثير اعرفهم يدرسون بالجامعة وعلى قولتك ماراح يستفيد منهاا

لكن ماتعرف الزمن وش مخبي لك نصيحة اخ كمل وخل عنك الرسايل الي قاعد توجه لنفسك ماراح استمر نظام بايخ كل هذي محبطااات

وبالاخيرر سوا كملت او فصلت محد راح يتضررر او بمعنى ادق محد جاب خبرك >>>الحقيقة مررة

لكن اتمنى انك تكمل وتكون رغبة داخلية وفعلا ماخاب من استشار

ومن ناحية الصعوبة هذي محد يقدر يحدد لك هي سبحان الله توفيق من الله فيه ناس تذاكر لكن بدون مخ

تلقاه ماسك خط وباحلام اليقضة الشاب مسافر ماسك خط والبنية تدور لها فارس احلام وهالموا جرا

انا قبل الاختبارات بحاجة بسيطه كنت ناوي احذف ترم واستشارات والحمدلله نصحوني اكمل وابشرك عديت بكل المواد وفية ناس انصختني وجابت العيد

وانا قبل الاختبار كان بدية الاختبارات الخميس وربي ماعمري فتحت اي مادة وبديت اذاكر الاربعاء والخميس اختبار

وفترة الاختبارات كان جوي جدا فلة يعن مو جوء اختبارات لكن الحمدلله عدينا

فلهذا تعوذ من الشيطان وكمل وخل عنا الخرابيط الحياة كلها ماشيه عكس مسكت على هالجامعة

[عبدالله بن ابراهيم]

الله يكتب لك الخير

واتوقع الاخوان ماقصرو معك بالنصايح

الله يوفقك وين ماتروح

يعطيك الف عافية

[Hanoo Abdulaziz]

الفرصه تجي مره بــالحيــاة
و نصيحه مــدامهــا جتك استغلهــاا


<< داخل عشــان صديقي
هــاذي اشطبهــا من قامووسك عشاان تقدر تكمل
الله يجــزاه خير مــا قصر و جالس يشجعك تدرس
بس الحين جــاء دوورك
طور نفسك و ادرس
والشهــاده اكيد بتنفعك

و بتــوفيــق يــــارب

[fatooo07]

<<<<<<<<<عسى ان تكرهو شيئا وهو خير لكم>>>>>>>

[قلم فهد]

السلام عليكم ،،،،،،
اسعد ااالله مسائكم بالخير
اول شي انا مبسو ط كثير بانضمامي لجامعة الملك فيصل وانبسطت اكثر بتسجيلي للمنتدى اللي يهدف للدراسة ويخليك تعيش جو دراسة الانتظام مع اخوانك وخواتك

وبما اني جديد واجهتني صعوبات واتمنى تساعدوني فيها اولها اني دخل النظام ولقيت محاضرات مسجلة ومباشرة وواجبات ولكل شي له درجته والمشكلة مكتوبة دورة تدريبية فما ادري هي معتمدة دراسيا والا بس مجرد تدريب على النظام وابي اعرف كيف نظام الدرجات وسمعت لازم تشارك بمنتدى نقاش عشان تحسب لك درجات والله ما اعرف وش السالفة احس اني (مثل الاطرش في الزفة)

[القداح]

المشاركة الأصلية كتبت بواسطة >> Ł3ўőőη Ďƒ2 <<

مافي شي زيآده اقووله على كلآم االاعضااء الا اني اقولك اقضب اررضكـ واقعد معنآ

هو صح نظآمهم برفع الضغط ويجيب المرض وابصم لك بالعشره منت طالع من هنا الا والشيب معبي رآسك << خوووش والله وتبين الولد يقعد

بس صدز ترى يسآعدوون بالدرجات يعني وين تلقى جأمعه تعطيك 30 درجه هديه صح انت تحل وكذا بس هذي تعتبر هديه

والـ 70 الي عالورقه بمجهودك ولو ناقصك كم درجه يزيدك الدكتور اما اذا كان نذل زي وشسمه هذاك شي ثاني < ماتقصد آحد

هو عليك انك تصبببر وانت اي شي ماتفهمه ماعليك الا انت تسدحه هنآ وبتشوف الكل معك قلبا وقالبا وبيسآعدونكـ وبتحب الجآمعه من الاعضااء < محد مصبرني عليها الا هم

ونصيييييحه آخويه شد حيلك من البدايه خلك مركز ومنتبه وان شاء الله بتنجح بالفل مآرك

واتمنى بعد هالكلآآم تقعد < من زين كلآمتس الحيين

حياك الله اختي انا مدري ليه احس ان ما فيه احد فاهمني

عندي طموح وما عندي مشكله في المذاكره ومتحمس من جد
بس يا اختي هذا الاسلوب ما يمشي معي الجامعه ذي باختصار ما تشرفني خدماتها فاشله
والشهاده يجببها الله ان شاء الله في جامعه تقدر طلبة العلم وتحترمهم

القرار النهائي راح انسحب او بالمعنى الصحيح راح اهج
لأن الوضع الي شايفه فوضى عارمه

[القداح]

المشاركة الأصلية كتبت بواسطة ابو عبدالعزيز2

السلام عليكم ورحمة الله وبركاتة

أخوي القداح ترى قصتك نفس قصتي سأسردها و بشكل نقاط :

1) قبل التسجيل في هذة الجامعة العريقة قمت و زميلي في المكتب بالسؤال عن بعض أنظمة الجامعات لنظام الأنتساب في حدود الموقع الجغرافي للمملكة و منها ( جامعة أم القرى ) لكن جامعة الأمام بالرياض و جامعة الملك عبدالعزيز أخذنا معلومات من زملاء أخرين في العمل . ووجدنا بأن جامعة المغفورله بأذن الله الملك فيصل هي الأنسب لسببين..
أولا": هي الجامعة الوحيدة مطبق لديها 30 درجه مشاركة وواجبات مضمونة في يدك . والباقي 70 درجة على أسئلة الأختبار.. والنجاح من 60درجة ..
ثانيا": جامعة الملك عبدالعزيز مراكز الأختبارات لديها في مناطق المملكة هي للسنة الأولى فقط وباقي أختبارات السنوات التي تليها تكون في المقر الرئيسي بجدة و هاكذا لبقية الجامعات ما عدا جامعة الملك فيصل فأن جميع مراكز الأختبارات للسنوات السابقة واللاحقة تكون في مناطق المملكة وهذه نقطة ثانية أيجابية تحسب للجامعة والدليل بعض المنتسبين في الجامعات الأخرى قامو بالتحويل والبعض الآخر يفكر و في الطريق للتحويل ..
2) قبل بداية الأختبارات لهذا الفصل السابق أصيب زميلي في المكتب والجامعة بأنزلاق في الفقرة الأخيرة من الظهر ولم يستطيع التقديم على الأختبار وأرفق تقرير في ملف وأرسلة للجامعة وينتظر قبول العذر ليؤدي الأختبارات في نهاية الترم الجاي وأنا واصلت وأختبرت والحمدلله نجحت في جميع المواد ولله الحمد و ذهبت للمستوى الثاني .. وحتى لو لم يصب زميلي وقرر الأنسحاب فهذا قرارة ولكن سأعمل على ثنية والعدول عن فكرة ترك الجامعة ولابد أن يكون الأنسان مصيرة في يدة وليس في يد الآخرين .. وحتى لو لديك دبلوم سنتين من معهد الأدارة و وصلت لدرجة الوظيفة التي ترغبها .. فشهادة البكالوريس لا تقارن بالدبلوم و ستكون حافزا" لأبنائك عندما يشاهدون قدوتهم في الحياة ( الأب أو الأم ) يدرسون بعد أنقطاع طويل عن الدراسة وينجح ويتخرج أن شاء الله بعد 4 سنوات ..
3) صدقني أنا وأنت ومعظم المنتسبين مستائين من جميع الأنظمة الألكترونية للجامعة و ما يفعلة بنا لدرجة ((و دك تشب فية وتطفية بنعال ))... وأنا أيضا" أقراء بعض المشاركات سواء في هذا الملتقى أو ملتقى المناقشة ((بتاع الدكاترة)) بالتوسل و الرجاء وأنواع الخنوع في سبيل النظر في تظلماتهم الكثير منها تجانب الصواب...
-------------------------------------------------------------------------------
ختاما" آمل تقبل مروري وطرح مالدي في هذا الموضوع والله الموفق لمايحب ويرضى... انتهىاااا

ابوعبدالعزيز2

جزاك الله الف خير ابو عبدالعزيز بالنسبه للنقاط التي ذكرتها

(1) لا تحاول تقنعي في ان جامعه الملك فيصل هي الأفضل فالفعل يغنيك عن الكلام دعني اقول لك انها الأسواء .

(2) اسئل الله العلي العظيم ان يشفي زميلك المصاب
وقرار انسحابي شاركني فيه صديقي ولا اخجل من ذلك لان بيني وبينه وعد قبل التسجيل لذلك شرحت له ظروفي واقتنع لإنسحابي وهوسيواصل بإذن الله فالحاجه أم الاختراع.

(3) ماذكرته في هذه النقطه هو زبدة الكلام ونقيض لكلامك في النقطه الأولى على قولتهم الزين ما يكمل ومتأكد انك فهمتني اللحين .

وأرجع وأقول القرار النهائي هو الخروج من غير عوده