أخر الأخبار لمادة الأحصاء

[عبدالله 888]

المشاركة الأصلية كتبت بواسطة mr naif

ماعليش شرحه والله انه بوادي والماده بوادي ,,, انا تابعت محاضره له فيه مسئله اشكلت علي ورجعت للمحاضره على شان افهم كيف تنحل في الاخير حل جزء وقال ارجع للكتاب؟؟؟ بالله هذا منطق انا لو برجع للكتاب مااحتاج اوشوف محاضرتك ولافيه داعي اصلا انه يسوي محاضرات اذا النهايه كذا ارجع للكتاب وش الفايده من الشرح

اتمنى تتعدل الاواضع في الاترام القادمه

مستحيل تفهم المادة وانت ما تابعت الامحاضرة وحده وبس وعشان مسألة وحده بس !!!

والكتاب ضروري في كل المواد ... انت طالب جامعي يعني لازم تتعب وتذاكر من كل الوسائل

عن نفسي اشتريت الكتاب ليلة الامتحان لأنه ضروري ولأني احتجته ولأني كنت أمام الأمر الواقع

[فارس740]

المشاركة الأصلية كتبت بواسطة عبدالله 888

مستحيل تفهم المادة وانت ما تابعت الامحاضرة وحده وبس وعشان مسألة وحده بس !!!

والكتاب ضروري في كل المواد ... انت طالب جامعي يعني لازم تتعب وتذاكر من كل الوسائل

عن نفسي اشتريت الكتاب ليلة الامتحان لأنه ضروري ولأني احتجته ولأني كنت أمام الأمر الواقع

طيب والي شراهـ فـي البدايه وتابع مع الدكتور وان شاء الله بننجح لكن ليه ما اجيب الفل مارك..؟ .. لان الدكتور يبي يعجزنا .. او انه يتفلسف مع احترامي له.. ويجيب اسئلة خطاء .! ويعكر مزاج الطالب ..ويضيع وقته ..هــل هذا يقبل ..؟ :58545:

[صالحـ]

انا شريت الكتاب من بداية الترم .. وتابعت جميع محاضرات الدكتور .. وذاكرت المحاضرات من الكتاب ومن المحتوى .. ولازلت الى الان اتذكر القوانين والامثلة والمناقشات .. يعني بالعربي المفترض اعدي المادة وبمعدل جيد جدا على الاقل .. لكن مع اسئلة الدكتور في الاختبار واللي حتى صياغتها واخطائها ما تنبلع .. أشك انه راح اخذ حتى مقبول .. وبصراحة ماعد ابغى معدل .. ابي السلامة بس .. ومثلي كثيرين .. والله المستعان وعليه التكلان ولا حول ولا قوة الا بالله ..

[عبدالله 888]

اذا بتتكلمون عن الاسئلة التعجيزية وينكم عن الدكتور عمار الترم الماضي يوم جاب لنا

قطعة الصبار اللي إلى الحين وانا مافهمت لها

[damkm3y]

جميع محاضرات الدكتور اتابعها اول بأول --- والكتاب مشتريه من قبل لا يبدأ الترم ..

الملاحظات: شرح طويلا جدا لدرجة ان اغلب محاضراته تتعدى الساعتين ونصف يقسمه لجزئين واغلبه تكرار في نقاط ليست هي المهمه.

حل التمارين اللي في الكتاب هي نفسها اللي في المحتوى: واذا جاء يشرح يحل بطريقة فيها اخطاء ويرجع يرقع ويقول هذي صارت خطأ: بس حبيت ابين لكم ان لو حلينا كذا يصير خطأ .. ويرجع يعدلها وتطلع مختلفه عن حله اللي في المتاب

غير كذا : المحاضرات المباشرة تأجيل في تأجيل وآخر شي نزل وحده منها بدون مشاركة الطلاب.


هذا ما قبل الإختبار:


نجي لأسئلة الإختبار: راجعنا الكتاب كله وحلينا الأسئلة كلها حتى اللي قولون محذوف ما حذفناهـ وراجعنا اسئلة الأترام الماضية وحليناها وفصفصناها كلها === ودخلنا الإختبار ولقينا ما لقينا من صعوبة واشياء ما شفناها وبعضها ما ركز عليها ابد.

ترى بإذن الله اللي حليناها ينجحنا -- ولكن نحسب للمعدل الف حساب .. وغير كذا وانا احل واشوف الصعوبة افكر في اللي معنا واللي في اللجان على مستوى المملكة وخارجها من كبار في السن واللي مشغول واللي منقطع عن الدراسة منذ مبطي ورجع من شاء يحصل على شهادة بكلريوس تفيدها اما في ترقية او حسب رغبته.

لسنا متفرغين فقط للدراسة ومع ذلك الظاهر دومنا في البلاك بورد وسماع المحاضرات اكثر من حضور الطلاب المنتظمين.


ارجو والكلام موجه لكل الكادر التعليمي في الجامعة مراعاة هذي الأمور.

وآسف للإطالة لكن يا اخ عبدالله ما احد جاء يفضفض عن نفسه الا وهو عارف مدى الجهد والوقت اللي كان يبذله خلال الترم.


بالتوفيق للجميع

__________________________________________________ ________________

احسنت بدر كلام واقعي :58545:عبرت بما في خاطر كثيييير من الزملاء
يارب نعدي هذي الماده
سؤال : هو نفسه النجار حق التحليل الاحصائي
شرايكم ماناخذه المستوى الربع _(يعني اضراب )

[ابو عبودي]

السلام عليكم جميعا
انا ابي اوضح للاخ عبدالله 888 والله انا جبت مدرس في الماده ولم اعتمد على اسئلة العام وفصفص الماده لي بشكل ممتاز وللاسف الاختبار صعب جدا والجميع يتحدث ليس عن النجاح اخوي عبد الله الطالب يبي المعدل والشيء الي ابي اقوله لكم جميعا الملاحظات على الاختبار ما احد يقراها لا طلبه ولا احد من الجامعه وشكرا لكم وبصراحه ما لكم حل اتمنى التوفيق للجميع

[ابن الشام]

المشاركة الأصلية كتبت بواسطة عبدالله 888

السلام عليكم

يا اخواني انتم وشفيكم شبيتوا على الدكتور

انا عكسكم تماماً الدكتور ماقصر في شرحه كفى ووفى

لكن هل انتم تابعتوا كل محاضراته المباشرة والمسجلة عشان تحكمون عليه ؟؟

الاختبار ماكان صعب واسئلة كثيرة انا حليتها في ثواني لأن الدكتور الله يحفظه

جابها في المحاضرات وشرحها وحلها وما غير حتى في الأرقام

مثال: عدد الغرف اللي تستهلك الكهرباء ومعدل الزياة السنوية

ومثال ثاني عدد الأسر اللي تتعرض للعنف الأسري ايضاً كان سهل وحاله الدكتور في المحاضرات

ختاماً اذكروا الله وادعوا لنا ولكم بالتوفيق والنجاح واشكروا كل الدكاتره على مجهودهم والله يعطيعم العافية

حليت في ثواني !!!!!
اشكرهم انت وحدك وامدح فيهم ليل ونهار ... الآن الآف الطلاب والطالبات يشتكون ويتذمرون وانت جلس تمدح وتشكر

[أحمد السراى]

على راسى يأبن الشام تستحق التقييييييييييييييييم

[×Rasha×]

خيّو اذا الدكتور عاجبك ومافي منه ومتمكن من الماده فـ/ فهمني اللي صاير ؟!

ولا طالب مدحه غيرك؟
جميع الطلاب هلكوا ايقونه الملاحظات؟
الدكتور نفسه جالس يغلط بمحاضراته ويرقعها بانه جالس يبين طريقة الغلط مع الاكيد انه عارف ان العقل الباطن يخزن اول معلومه تطرى عليه لذلك جميع من درسوني وعلموني كانوا يدخلوا المعلومه الصحيحه اولا ثم يبينوا اللبس اللذي قد اقع فيه ؟!
الدكتور جالس يشرح بطريقة ضرب هذا العمود بهذا العمود وهذي القيمه بهذي القيمه وهذا الجدار بهذاك
يعني هو نفسه باقي ما الم بمصطلحات الماده وماهو فاهمها كويس فاهم خطوات وماشي عليها ولا سقطت خطوة خرب الحل ورجعنا لمشوار الترقيع ؟!
طول شرحه وحاضراته سببها الاول والاخير كثر سرحانه بطريقة الحل وهذا دليل انه مهوب محضر للماده ومهوب ملم فيها ؟!
مرفق قوانين مع الاسئله لانه عارف ان هو نفسه عجز يحفظها وهو له مدري كم قرن يدرسها وبعدين دكتوري العزيز ملاحظه صغيره ارحم من بيجون بعدنا ولا تحط لهم طلاسمك المرفقه وشكرا
واخيرا ان كانك قد كلامك ابيك تصور لي معدلك بالاحصاء وتنزله لي هنا

[alajoody]

انا سجلت ملاحظه على الاختبار
اتمنى من الجميع التفاعل
علشان يوصل صوتنا
لانه لو سجلو عشره الى خمسين بقولون مايشكلون شي بالنسبه لمجموع الطلاب
نبي اكبر عدد ممكن يسجلون ملاحظاتهم