[ استفسار ] لو سمحتوا ليفل 8 .. تقترحوا ناخذ البروجكت في ليفل 7 او نخليه بوقته ارجو التفاعل

[voyager]

باذن الله
ولو حصل لاسمح الله في المشروع تقصير انا مخطط للأستعانه بصديق
واغلب الظن انه اخونا الذرب علــــــــــــــــــــــــــــــوش

[أسيرة المشاعر]

قريت أنطباعتكم كن بأخذه بس قلت بجلس أشتغل فيه من الحين أجمع مواضيع وأشوف المطلوب بس باخذه مستوى ثامن أسهل لي أجي المستوى وعندي كل شيء بس أرتبه صراحة مستوى سابع فيه مواد يبغالها جهد وانا عندي مراد ثامن بس كذا اريح لي

[lavender faris]

حتى انا قلت يمكن اقتنع و آخذه بس صراحة مدام بس ثمان صفحات مقدور عليه بالمستوى الثامن ..
السابع فعلا مواده دسمة ..
واحسن شي نمشي ع الخطة و التوفيق بيد ربي ..

[Ŋoŋee]

سابقاً كان 8 صفحات
الان بعدد الكلمات لا يقل عن 2000
اؤويد وبشدة تاخذونه بسابع
انا اخذته في سابع ونجحت وارتحت
وفي ثامن ماتعبت منه

[totayah]

يعني على حظنا يبون ٢٠٠٠ كلمه وفوق
طيب مو مشكله الله يعين نجيب لهم ٢٠٠٠ و٣٠٠٠ و١٠٠٠٠ اذا يبون بس هم يفكونا وما يعقدونها علينا احنا راضيين

[kh@led]

نصيحة لا تتركون المشروع حتى اخر ترم سجلوه في المستوي السابع
المشروع ياخذ وقتك كله وبيأثر على المواد الاخرى

[lavender faris]

طيب حتى لو سجلناه بالسابع راح ياخذ وقت لان في نظري مستوى سابع مواده اكثر بينما الثامن خمس مواد ومشروع ..
احس تهور اخذه بالسابع .. و يمكن ع اخر الصييفية اقتنع و انزله مين يدري

[Rashed]

بالنسبة لمشروع التخرج متى الافضل تاخذه <<< هنا تعتمد عليك

على حسب جدولك

على حسب امكانياتك

على حسب تفرغك له


مثلا انا اخذته المستوى هذا لاني كنت مخفف ضغط المواد بالمستوى هذا وضاغط نفسي بالمستويات السابقة

ممكن تاخذه بمستوى سابع ومايكون عندك وقت له مع زحمة المواد بسابع وتحمل المادة تكون ضغطت نفسك في مستوى سابع

الي ماشي على الجدول الافضل ياخذه بثامن عموما

الي غير بالجدول وخفف مواد من المستويات يشوف وش المستوى الي يناسبه اكثر ثامن او سابع

من الاخر مشروع التخرج يعتمد عليك

لو انا يناسبني بمستوى ثامن

وقلت انه بمستوى ثامن افضل شي بس انت جدولك بمستوى ثامن مضغوط راح تاخذه ؟


وبالنسبة للمشروع اتوقع انها تختلف كل سمستر

السمستر الماضي حددو 7 او 8 صفحات اظن

السمستر هذا خلوها كلمات 3000 كلمة على ما اذكر

وكل مشرف سهل على طلابه في بعضهم قال بيوافق على 2000 كلمة اقل شي وبعضهم وافق على 1800 هذي تعتمد على المشرف


وبالنسبة للمشروع اهم شي لا تنسخون و تلصقون مشروع احد او تاخذون من مشروع حد وتمشي اموركم

كلمتين يقولوها المشرفين بكل محاضرة مباشرة وبكل رد منهم بالايميل Avoid Plagiarism

وو اتوقع اي واحد يتعب بمشروعه حبتين بدون نسخ ولصق راح ينجح هذا الي فهمته من المشرفين

وتختلف من شخص لشخص ممكن مشروعك ماياخذ منك وقت كير وممكن لا
عني انا مشروعي خذ مني وقت كثير لاني اول مره بحياتي اكتب بروبوزال لبحث


عموما بالتوفيق للجميع و ان شاء الله تفرحون بتخرجكم قريب

[kh@led]

انا افضل في السابع لو لا سمح الله ما نجح الطالب في مشروع التخرج يكون عنده فرصه في الثامن لانه صعب يضيف الطالب ترم كامل عشان مشروع التخرج

ولان الترم الاول دائما اطول من الترم الثاني وفيه اجازه الحج بيكون عند الطالب وقت يوازن فيه بين المواد والمشروع
انا اخذت المشروع في الثامن بصراحه اخذ كل وقتي مع ان ما معي الا خمس مواد وما بدأت في بقية المواد الا في اخر الترم بعد ان ارسلت الـــ last draft
وجهة نظر فقط

[mimo]

طبعا مستوى سابع تآخذيه افضل في كلا الحالات يعتمد على الدكتور وتقيمه واذا كان مو رايق وطاح مشروعك بيده راح التقييم وخسارة تعيدي مستوى كامل عشان المشروع وبأمكانك استغلال الاجازة الصيفية في كتابته لكونه يشغل التفكير عن باقي المواد