[ مذاكرة جماعية ] : الكل يدخل يشوف

[ستايلي]

السلام عليكم ورحمة الله وبركاته واهلا بعودتك اخوي دفء عساك على القوى والجميع مثل مادكر الاخوان احنا فعلا متأخرين في المداكره لكل واحد ظروفه الله يساعدنا ويوفقنا من المواد الصعبه عندي مدخل للغويات لانها ماده دسمه وكلها تعاريف واحنا مطالبين بحفظها غير الكلمات الجديده اللي اول مره نسمع فيها لكن الحمد لله ربنا ستر ورجعوا الدكتور غسان وبعدا الاستماع والاستيعاب كمان طريقه الامتحان جديده ولازمنتعود عليها اما القراءات والمطالعات الله يستر منها للحين فقط المحاضره الثالثه مادري فجأه تدكرت الصحه واللياقه والحوسه اللي فيها اما بالنسبه لبقية المواد محتاجه جهد وان شاء الله يمشي الحال فيها والله يسهل لنا كل الصعاب

[ابرار الصبحي]

نفس موادي الحمد لله
التركيب اللغووي ممتع وقاعدات مرت علينا ويبغالها تركيز لسه اليوم مسكتها فبداية المحاضرات
ومدخل الى اللغويات ماعرفت اذاكرها وحدي لازم تتابعو المحاضرة وتسمعو يمكن تدخل المعلومة ربي يعيننا عليها ذي المادة غثيثة وثقيلة دم
والباقي لسه فالطريق مالقيت مذكرات للمطالعات وللاستماع
الله يوفقنا جميعا ولايضيع لنا تعب
وجزاك الله خير .

[Omniat]

لازم الكل يبدا من بدري
الاستماع يحتاج تدريب وكثير بعد
لا وحده من المستوى الرابع الله يجزاها خير تقول بيجيب قطعه صوتيه يقرأها لنا
ونحل ع اساس التركيز بالاستماع لها

الله يعديها بسلامه بس

[طلال حايل]

يا هلا دفء الورد منور الحته ومن طول الغيبات جاب الغنايم

المواد بشكل عام كلها فيها توسع وكثافة معلومات لكن بشكل عام نسبة صعوبتها 60% يعني تحتاج ( تركيز + حفظ + فهم ) لكن مو صعبه وخاصه ان الملخصات والشرح متوفره بالمنتدى ... الا مادة القراءة والمطالعه الماده نفسها اكيد مو صعبه لكن غيرو الدكتور والمنهج ومالها اي ملخص في المنتدى و الدكتور الله يجزاه خير مو معطينا شرايح للمحاضرات بشكل واضح مثل الدكتور ( المعاني ) والمحاضرات مانزلت بشكل منتظم مثل غيرها يعني هالماده تحتاج تكاتف بيننا عشان نطلع بشي مفيد ..

[دفء الورد]

اشكر كل من وضح نقاط الضعف عنده راح ان شاء الله نبدا بالمواد الانجليزيه لانها تحتاج منا الى فهم قبل الحفظ وبتاخذ منا وقت اكثر من العربي

طبعا المواد العربيه بتكون سهله مجرد حفظ فقط وراح نتطرق لها

اللي حبيت اقوله بنحاول قدر الامكان يكون كل يوم ثلاث محاضرات

بحسبه بسيطه 14 محاضره * ثمان مواد = 112 محاضره / 3 محاضرات يوميا = 37 يوم ونكون خلصنا المواد كلها

[faiuz]

بصراحهـ اعجبتني الحسبهـ ويعطيگ العافية اخوي وتمنياتي للجميع التوفيق ،، ودعواتكم للزعيم ��

[tahani.m.t]

اخ دفء متى تبداء في المذاكره عشان نرتب اوقاتنا ونجتهد لان مابقى وقت ابد

[يـــارا]

وعليكم السلام ورحمة الله وبركاته ,

هلا دفء وباقي الطلبه ..
وبارك الله ف جمعكم

فعلا هالسمستر ضغط بالحياة وضغط من الجامعه وضغط بالمقررات
ربكم يسهل باذن الله .,


شي مهم , طلبت مشرفين < انا حاضره بس آمروني وش اسوي معكم ,,


انا تقريبا اطلعت على جميع المقررات محتوى فقط ..

بشكل عام نوعا ما سهله لكن اللي يحتاج تركيز , مدخل الى اللغويات اكثر شي + انشاء وتعبير ,,

ان شاء الله نبدا بدايه قويه بدعمكم ,, < ذابحني الكسل ..

[دفء الورد]

المشاركة الأصلية كتبت بواسطة يـــارا

وعليكم السلام ورحمة الله وبركاته ,

هلا دفء وباقي الطلبه ..
وبارك الله ف جمعكم

فعلا هالسمستر ضغط بالحياة وضغط من الجامعه وضغط بالمقررات
ربكم يسهل باذن الله .,


شي مهم , طلبت مشرفين < انا حاضره بس آمروني وش اسوي معكم ,,


انا تقريبا اطلعت على جميع المقررات محتوى فقط ..

بشكل عام نوعا ما سهله لكن اللي يحتاج تركيز , مدخل الى اللغويات اكثر شي + انشاء وتعبير ,,

ان شاء الله نبدا بدايه قويه بدعمكم ,, < ذابحني الكسل ..

اخت يارا يسعد مساك ومساء الجميع


ما راح استغني عنك ما نظم ملفاتنا الا انتي السمستر اللي راح وما انسى اختي ديما لها فضل كبير


راح نبدا قريب وانا جالس اجهز اوراقي

بتكون مثل ما سوينا بالسمستر اللي فات صفحه كامله تشمل مستوى ثالث انجليزي وراح يكون في الصفحه روابط فرعيه للمواد وكل ماده راح يكون لها شرح مستقل اهم شي الموضوع الاساسي ومنه تقدر تدخل على اي ماده وتشوف الشرح حقها باكثر من طريقه حتى لا تكثر الاسئله علينا ويكون فيه وضوح تام للماده ومحاضراتها

[Dr.Lavender]

جزاك الله خير

والله يوفقك يارب