هام جداً اليوم تم منع طالبات جامعة فيصل من اداء الاختبار لسبب

[ممموني]

المشاركة الأصلية كتبت بواسطة هارون الرشيد

للأسف المراقبين غير مؤهلين المراقب اليوم حاط الشماغ طايح وأزرار ثوبه مفتوحة ورائحة الدخان تفوح منه ويوقف فوق رأسك لو تقوله لو سمحت متضايق من ريحة الدخان يحسبك تبي تغش ويرد على جواله بالقاعة
مفروض يطلب من المراقبين ان لايكون مدخن ولا يطلب من الطلاب إغلاق هواتفهم ويخلي جواله يرن ويكون حسن المظهر وأخلاقه عاليه وان يكون شخص أكاديمي ويحمل بكالوريوس تربوي كحد أدنى ويستثنى حملة بكالوريوس التربية البدنية والتربية الفنية وان يضع البطاقة التعريفية واسمه بشكل واضح

وش هالتعقديات بالمراقب
لازم تربوي واستثنيت تخصصات بعد هههههههههههههههههههه
كان كملتها وكتبت ويستثى خريجين الانتساب

[wewew]

المفروض ينبهون قبل الاختبارات او اول يوم وبس صورة من الاصل لانه اتوقع تكفي البصمه للاثبات

[S7ooooorea]

حسبي الله ونعم الوكيل عليهم انا طالبه ادرس عن بعد امنعوني من الامتحان اليوم لاني تاخرت خمس دقايق بس واطلبهم يدخلوني ارفضوا المراقبات واقول لهم تاخرت لان عندي ضرف طارئ اولدي كان بالمستشفى قالوا هذي مو مشكلتنا ضروفك الخاصه مالنا شغل فيها المفروض يتساهلون معنا ولا فيه تفاهم ولا اسلوب ولا رحمه واصيح قدامهم وعااااادي عندهم بس الله لا يسامحهم ولا يوفقهم والله يورينا فيهم يوم وحسبي الله ونعم الوكيل فيهمhttp://www.ckfu.org/vb/images/shrqwea/Cry111.gif

[rasila]

المشاركة الأصلية كتبت بواسطة طالب مشاغب

آسفين طال عمرك .. أزعجوك بالمنتدى بهذه المواضيع
ما يصير يا عالم .. خلوا عندكم شوية ذوق ونوتيلا
ترى المنتدى ساحبين له سلك كهرب من بيت الأخ .. وانتم ما غير تفتحون شكاوي بايخة وتولعون أنوار المنتدى ...
انتم ما تدرون انكم تصرفون كهرب على حسابه ..
على الأقل اكتبوا مواضيع سنعة والا طفوا الكهرب وانتم طالعين
المرة الجاية لازم تدخلون المنتدى وكل عضو معه أصل الهوية + صورة من رخصة السواقة + صك البيت + فاتورة جوال << شرط تكون موثقة بالبصمة


لا يكون جالسين على راسك ..وحنا ما ندري ..
هذا منتدى ..وللجميع حرية المشاركة فيه..


ما يرفع ضغطي الا اللي يرقص على جراح الاخرين
الحين .. طالبات ماسكات خطوط ..اللي يجيبها شايب وينتظر بالسيارة ..
والا اللي تتمصلح مع أخوها أبوراس وتعزمه على ماكدونالدز << عاد هو وجهه ما ياكل الا سبايسي
والا اللي تجمع فلوس الليموزين ..واللي تقطعت بالمذاكرة..
وآخرتها ..تجيك مراقبة توها حاجزة تذاكر سفر لاندونيسيا ..
وتمنعهن عن أداء الامتحان..!!!


خف علينا يا أبو النظام .. أجزم إنك أنت اول واحد ..ما طبقت هذا النظام ..
ولكن أسأل الله أن تكون مكانهن ..وترسب عشان جدول ما طبعته..

ترى حتى البنوك .. تفتح حسابات بالنت ..وبعدين تجيب الهوية والا معرف والا جواز ..
وهذي بنوك وفلوس .. ترى مو جايات يسرقن شهادات


واذا على النظام ..ترى الجنة ما ندخلها بأعمالنا..تراها بالرحمة...
عن النبي صلى الله عليه وسلم أنه قال: لن يدخل أحد منكم الجنة بعمله، قالوا: ولا أنت يا رسول الله؟ قال: ولا أنا إلا أن يتغمدني الله برحمته


الرحمة مطلوبة .. ولا تتشمت بمشاكل غيرك ..تراهن يتعبن ويجتهدن ..
ومو ناقصات أحد يعقدهن والا يستهبل عليهن ..المفروض المراكز تكون مرنة مع الطالبات .. ويساعدوهن ..ويعطوهن فرصة للمرة الجاية انها تحضر بطاقتها..<< يعني وين بتروح البنت.. تبي تهج


بـلا تحيـــــــة.

انا مااشوفه قال شي غلط عشان هالكلام القاسي
انا ماادفع عنه بس كلامه صحيح ليه التسيب من الاول
امشوا حسب النظام حتى بدون تدقيق احنا المقر عندنا
خلقه متشددين بدون محد ينبههم حتى النمله لو تجي وتدخل القاعه بتقول هاتي اثباتك وجدولك

[الفراشه؛]

المشاركة الأصلية كتبت بواسطة طالب مشاغب

Due to this policy was applied suddenly which causing a shock to students,
should be there a flexible solution to avoid any issues.


The Supervisor has no right to prevent any student from the exam.


Actually, it ridiculous sugg from the admin to escalate his/her absence as a medical reason.

ترجمه لو سمحتو لهكلام بليييز

[طالب مشاغب]

المشاركة الأصلية كتبت بواسطة الفراشه؛

ترجمه لو سمحتو لهكلام بليييز

بسبب تطبيق هذه السياسة فجأة مما سبب صدمة للطلبة ,
يجب توافر مرونة بالحلول لتجنب أي مشاكل.
المراقب ليس له الحق بمنع أي طالب من أداء الاختبار.
وصراحة , اقتراح سخيف من الجامعة أن يرفع الطالب/ــة الغياب على أنه عذر طبي.

هذي المشاركة اللي كتبتها بدون قوقل ترجم.

[الفراشه؛]

:D ثانكس

[الفراشه؛]

ثانكس

[هدى جابر]

الله يكون بعونكم واللع يعوضكم خير

اليوم حتى انا لاحظت التشدد على الاثبات

[noofi]

حسبي الله عليهم لايحسون بتعب ولا شي بنات مشوار رايحيين ومشوار راجعين الطرق صعبه الله يكون بعونكم