[ مذاكرة جماعية ] : ܟ♥ ( التجمع النهائي لمهارات التحدث / د. فهد الدهيش / الأختبار الأثنين 1437/8/2 هـ - فترة أولى من 4.15 - 6.15) ♥ܟ

[كارزما]

.
..

الـ modal ييدل على present and future مثل :
we should invite your friend to my party
you might want to call your mom and tell her you are at a friend's house
المودل + الفعل بهيئته المصدر

الــ modal تنقسم إلى نوعين :
simple modal andperfect modal
simple modal تجي مع الـ future and present
وشكل الجمل في هذي الحالة يكون كالتالي :
modal+ base form
مثال : I should visit my friend tomorrow
لاحظوا وجود كلمة tomorrow " غدًا " تدل على الــ future
مثال آخر : I should invite your friend to my party


طيّب , ماذا عن الـ perfect modal ?!
الـ perfect modal تجي مع الـ past " تبيّن ضرورة شيء في الماضي "
شكل الجملة حينئذٍ يكون كالتالي :
modal + have + past participle
مثال : I should have done my home work last night

[كارزما]

الـ going to + will مو غريبين علينا أبد ومآخذينهم من ثانوي - إذا ما كان متوسط - لكن ننعش ذاكرتنا وننفض الغبار عن المعلومات علشان لو جات في الإختبار نكون مستعدين ..
من الآخر وبدون لفّ ودوران , نستخدم going to إذا كنا مخططين من قبل للشي ..
بينما نستخدم will إذا ما كان عندنا تخطيط مسبق ..
نشوف أمثله :
Feda: why are you turning on the T.V ?!
Fahad: I'm going to watch the news
د. فداء يسأل د. فهد ليه مشغّل التلفزيون , قال له د. فهد إنه بيشوف الأخبار , ده معناته أيه ؟!
معناته ياطويلين العمر إن د. فهد كان مخطط وراسم في راسه إنه بيشوف الأخبار , عنده تخطيط مسبق ..
ولمّا يكون عندنا تخطيط مسبق نستخدم شنو ؟! أيوه الـ going to ..
- طبعًا د. فهد و د. فداء اللي في هذا المثال هم نفسهم دكاترة المقرر -

طيّب نشوف مثال ثاني :
Ahmed: my bag is so heavy .
Abdullah: I will carry it for you .
د. أحمد يقول إن شنطته ثقيلة , قال له د. عبدالله أنا أشيلها لك ..
د. عبدالله ماكان مخططّ إنه يشيل الشنطه , لكن لما قال د. أحمد إن الشنطه
ثقيله وقتها قرر إنه يشيلها بداله , ده معناته أيه ؟! معناتها إنه ماكان عنده تخطيط مسبق ..
ولمّا مايكون عندنا تخطيط مسبق نستخدم شنو ؟! أيوه نستخدم will- أما الدكاترة اللي في هالمثال هم السقوفي والفريدان -

هذي القاعده بإختصار , فيه أشياء بعد تحدّد إذا نستخدم going to أو will :
- إذا كان عندنا خطط مستقبلية future plans نستخدم going to فقط ..
- إذا كنّا نتكلّم عن التنبؤات المستقبلية future predictions وقتها تكون الخيارات مفتوحة أمامنا , نقدر نستخدم going to أو will
لكن ركزّوا على الطريقة الأولى ( اللي تعتمد على وجود التخطيط المسبق من عدمه )لأن أغلب التمارين اللي في المحاضرة عليها ..

[كارزما]

خلونا نتكّلم عن الـ participle شويآت ..
شنو الـ participle ?!
it is a form of verb that function as adjective
تتخذ شكل الفعل لكن وظيفتها صفة , مافهمتش حاجة ؟!
رح نوضّح أكثر لكن قبل التوضيح مهم إنّا نعرف إن الـ participles
ممكن تكون past participle وممكن تكون present participles


خلونا نشوف أمثله :
The boring teacher talked for hours -
المدرّس الممل تكلّم لعدة ساعات ..
The bored students fell asleep -
الطلاب المتمللين نآموا ! >> ماينلامون طفشوا من هذرة المدرّس
في المثال الأوّل كلمة boring صفه للمدرّس , طيّب ليه ماقلنا إنها فعل ؟!
الجواب كالعادة - مثل ماقلنا في الـ gerund - إذا جاتنا كلمة فيها ing ومافيه قبلها ( verb to be ( is , are , am وقتها ممكن تكون gerund و ممكن تكون present participle لكن مو فعل ..


فيه شي مهم تعرفونه وبيريّح راسكم كثير وبيختصر المسافات ويقرّب البعيد ويبعد القريب.. الشخص أو الشيء اللي يكون المصدر , يكون present participle .. يعني في المثال الأوّل منو اللي تكلّم لعدّة ساعات إلى ماطفّش الطلاب وناموا ؟! أيوه المدرّس وبما إنه المصدر والسبب يكون present participle ..
أما الشخص أو الشيء اللي يقع تحت التأثير يكون past participle زي ماحضراتكم هتشوفوا في المثال الثاني
اللي هو :
The bored students fell asleep -
الطلاب " المتمللين" ناموا !
ليه تمللوا الطلاب ؟! بسبب الأستاذ الممّل ..
يعني الأستاذ كان مصدر الملل والطلاب كانوا ضحيته , وقعوا تحت تأثير المدرس الممل
فأصبحوا متمللين بسبب الأستاذ وبالتالي راحوا في سابع نومه من فرط الملل ..
وبما إنه وقعوا تحت تأثير الأستاذ وقتها نستخدم شنو ؟! إيوه past participle


أخذوا شهيق عميق و تعالوا نرتّب أفكارنا بهدوء بعيد عن الحوسة :
- الـ participle شكلها فعل لكن وظيفتها " صفة " وعرفنا كيف نفرّق بينها وبين الفعل ..
- الـ participle ممكن تكون : present participle أوpast participle
- المؤثّر أو المصدر (الأستاذ) يكون present participle و المتأثر أو المستقبِل (الطلاب)يكون past participle
هذا هي أهم النقاط , شنو رايكم نآخذ أمثله علشان ترسخ المعلومة أكثر ؟! لا مو بكيفكم بنآخذ أمثله يعني بنآخذ - ليه تشاورين أجل ..


I read an interesting magazine -
قريت مجلة ممتعة
The magazine receives a lot of support from interested readers -
المجلة أستقبلت الكثير من الدعم من القرّاء المستمتعين
المجلة هي مصدر المتعة لذا فهي present participle
وقع تأثير المجلّة " اللي هو المتعة " على القرّاء فأصبحوا مستمتعين , يعني تأثروا وبما إنهم تأثروا معناتهاpast participle ..
نآخذ مثال بعد ؟! إي لا خلاص بقوم أذاكر مافيه مجال ..


لاتشوفون الكلام الواجد ويصيبكم الذعر وكذا , ترى السالفة بسيطة جدًا , كل اللي عليكم تعرفونه من هو المصدر أو الموثّر ( present participle ) ومن هو المستقبِل أو المتأثر ( past participle ) ووقتها رح تكون أموركم تمام , هذا هي السالفة ببساطة ..

[كارزما]

المحاضرة 13 فيها كلام كثير , وأشياء زحمة وكذا ..
د. فداء قال إنه المهم فيها إنّا نعرف الـ expressions للـ agreement or disagreement ..
وإنّه مهم إنا نعطي سبب لمّا مانوافق على شي وكذا ..
عاد مايندرى د. فهد بيتقيّد بهالكلام ولا لأ ..





- في عالم الأعمال يقولون إنه إذا كان فيه شخصين دايم متفقين معناتها واحد منهم بس هو اللي يفكّر أو واحد منهم مافيه داعي لوجوده أصلًا .. من الآخر إن الإختلاف شيء صحيّ , شي طبيعي جدًا إنه يكون فيه إختلاف وإذا ماكان فيه أي إختلاف نهائيًا معناتها إنه فيه شي غلط ..

- المشاركة في المناقشات الحوارية مو شي سهل,صعب إنك تقولين رآيك بدون ماتأذين أو تجرحين مشاعر أحد وكذا, ومعظمنا ماتعلموا كيف يعبرون عن موافقتهم أو رفضهم لشيء بطريقة إيجابية وبعضهم يعتقدون إنه من الأفضل إنّك ماتتفقين مع الآخرين , ودي حاجه غلط طبعًا ..

- يعني المفروض الواحد مايوافق على كل شي ومايرفض كل شي , خير الأمور الوسط ..

- يقول لك المناقشة في المواضيع المعقدة ممكن تحدث في ثلاث مراحل أو 3 أوجه مختلفه ..

- نستعرض الآن المراحل الثلاث ( تخيلي إنك تدرسين في جامعة في أستراليا مثلًا ) :
(Level 3 ( Dialogue : في هذا النوع تحاولين إنك تفهمين من وين جا كل شخص وليه يفكّر بهذي الطريقة , تستمعين لشرح الآخرين بشنو يفكّرون وليه يفكّرون بهذي الطريقة ..
يعني مثلًا رحتي هناك وشفتي وحدة تدخّن سيجارة !! عاد إنتي ماجاز لك الوضع مو متقبلة فكرة إنك تشوفين بنت تدخّن لو ولد ممكن لكن بنت !! هنا إنتي تحاولين تفهمين منها شنو السبب , بتقول لك مثلًا في مجتمعهم عادي التدخين سواء كانت بنت ولا ولد - بغض النظر عن ضرر التدخين - وإن عندها مشاكل زحمة , كل مشكلة أكبر من الثانية و إنها تبغي تطلّع حرقتها في الدخان ..
هنا إنتي أستمعتي لها وفهمتي ليه تفكّر بهذي الطريقة ..

( Level 2 ( Discussion : هنا الهدف إنك تآخذين دورك في الكلام , تحبين إنك تتكلمين أكثر من إنّك تستمعين للآخرين ..
يعني مثلًا جات وحده تتكلّم معاك , ماتهتمين إنك تسمعين الكلام اللي تقوله بقد ماتستنينها تخلص هذرتها علشان يجي دورك في الكلام ..

( Level 1 ( Debate : يكون هدفك وهمّك الوحيد إنك تثبتين إنك صح والآخرين غلط ..
الأمور باللنسبه لك يا أبيض يا أسود , ياصح ياغلط , ماعندك حل وسط ..

هذا هي الأنواع الثلاثة و أفضل نوع هو Level 3 - أول واحد تكلّمنا عنه -





.
.


مايحتاج أعيد الشرح لمين ؟؟
ايوه Tawah

[كارزما]

نتكلّم عن النقاط اللي بعدها :
( Agreement ( and continuing dialogue :الموافقة ومتابعة الحوار ..
وذاكر لنا تحت هالعنوان عبارات نستخدمها في هذي الحالة , مثلاً :
وانتي طالعه من إختبار المهارات , قلتي إن الإختبار سهل ..
أقول لك : إي وفي الواقع كان أسهل من المقال ..
هنا وافقت على كلامك وتابعت الحوار ..
.you : The test was very easy
me : yes , and in fact it was easier than essay


partial agreement : الموافقة الجزئية ..
ونفس الشي ذاكر لنا عبارات نستخدمها في هذي الحالة , مثلًا :
إنتي تقولين إن القهوة لها فوائد ومو ممكن إنها تكون ضارة , أقول لك أنا بالتأكيد كلامك صحيح هي لها فوائد لكن في المقابل ممكن تكون مؤذيه إذا شربتي 6 أكواب في اليوم - يعني أسم إنتي تفرطين في شرب لقهوة لدرجة إنّك تشربين 6 أكواب في اليوم ..
هنا وافقت على جزء من كلامك فقط ( اللي يختص بفوائدها ) وماوافقتك على الباقي ( بخصوص إنها ماتضر وكذا )
.you : the coffee has a lot of benefits , it can not be harmful
me : it is certainly true that it has a lot of benefits ,but on the other hand it might be harmful if you drink 6 cups in one day !


constructive disagreement : عدم الموفقة المبني على سبب ...
وذاكر لنا عبارات اللي ممكن نستخدمها في هذي الحالة , مثلًا :
إنتي تقولين إن الإختبار كان صعب جدًا , أقول لك أنا : أخشى أن لا أتفق معك لأن الأسئلة
كانت واضحة وسهلة ..
هنا ماوافقت على كلامك , لكن بيّنت السبب ..
you : the test was very difficult
me : I'm afraid I can't agree with you because the questions were clear and easy


* بعدها تكلّم عن 3 أشياء المفروض نتجنبها في الحوار :
- avoid using words like never or always : لأن هذا النوع من الكلام ممكن يؤدي إلى الجدال .
- avoid expressing disagreement without explaining why or supporting your point : لاتعارضين بدون ماتشرحين السبب أو تدعمين رايك وكذا .
- avoid criticizing the person who made the comment : لاتنتقدين صاحب التعليق , عندك كلام علّقي على رايه بذوق وكذا لكن لاتنتقدينه نفسه .. يعني لما أقول لك المقرر صعب , لاتقولين لي ألوان ملابسك مو حلوة علّقي على كلامي مو عليّ أنا لاتحولّين الموضوع إلى موضوع شخصي وكذا .

[كارزما]

نكمّل سوالفنا في المحاضرة 13
instructions to agree : توجيهات للموافقة ..
مع العبارات اللي ذكرناها أمس للموافقه , فيه طرق أخرى بعد نقدر نستخدمها مثل :
1- الإيماء بالرأس أن " نعم " والهمهة : هذي أحنا نستخدمها تلقائيًا , يعني وإنتي تسولفين مع شخص تقدرين تبينين مو افقتك للشخص بهز رأسك أو بالهمهمة ..
2- أستنّي إلى مايجي دورك في الكلام , واستخدمي عبارات تدل على الموافقة مثل : I think you are right أعتقد بأنك محق وكذا ..
3- إبتدي بموافقتك للكلام اللي قاله الشخص , لكن إذا ماكنتي توافقينه كليًا على كلامه إستخدمي عبارات تدل على عدم الموافقة الكاملة , مثل : I agree with you , but أنا أتفق معك لكن .. وتذكرين نقطة الإختلاف أو عدم الإتفاق ( ده الكلام بيفكّرنا بأيه ؟! أيوه الـ partial agreement الموافقة الجزئية ) , أما إذا كنتي متفقة كليًا مع الكلام اللي قاله تستخدمين عبارات توحي بهالشي , مثل : I completely agree with أتفق معك بالكامل وكذا ..

to disagree : لعدم الموافقة أو الرفض ..
هنا يكمّل لنا التوجيهات instructions لكن هالمرة للـ disagree ..
خلونا نشوف شنو يقول :
1- خلّك راكد لاتغضب أو تظهر عدم إحترامك للشخص اللي يتكلّم , بهدوء أشرح له عدم موافقتك لكلامه مع إظهارك لإحترام رأيه , يعني مثلًا كنا في السوق وقلت لك شوفي هذاك الفستان عاجبني حيل , إنتي الفستان مو عاجبك , المفروض شنو ؟! إيوه المفروض إنّك تبيّنين عدم موافقتك لرأيي بهدوء وذوق وإحترام وكذا , تقولين لي مثلًا : أنا أحترم ذوقك لكن موديله قديم .. مو تقولين لي : وين عايشة إنتي في العصر الحجري ؟! هذا الموديل قديم خلاص راحت موضته ..
2- ذاكر لنا عبارات نستخدمها في حال عدم الموافقة وإذا تلاحظين جميعها تبيّن عدم الموافقة + تفتح المجال إنك تبيّنين السبب , مثل : I disagree because أنا لا أتفق لأن ... وتذكرين السبب , شيء مهم جدًا إنا لما نرفض نبيّن السبب " حرّص الدكتور على الكلام ده "
3- نستخدم I'm afraid قبل ماننهي عبارتنا اللي تدل على عدم الموافقة , مثل : I'm afraid I can't agree with you ولما ماتكونين موافقه على ولاشي قاله المتحدّث , تقولين : I'm afraid I completely disagree with you لا أتفق معك بالكامل ..
4- مثل ماقلنا قبل كده , لما ماتوافقين على شي أو ترفضين راي شخص مهم جدًا إنك تبيّنين السبب , مو تعارضين وبس ! شرحي فكرتك ورايك بالكامل .
5- لما ماتتفقين مع شخص حاولي إيجاد حلول , يعني سالفة الفستان اللي موديله قديم الفستان اللي أخترته أنا ما عجبك لأن موديله قديم , وأنا مثلًا عاجبني لأنه لونه جميل هنا مثلًا إنتي تقترحين إنّا ندوّر على فستان موديله جديد لكن بنفس اللون , وهالحل يرضيني ويرضيك ..
وفيه عبارات نستخدمها في هالحاله , مثل : I think we should \ we could لاحظي العبارات فيها could \ should هذا يوحي لك إن الخيارات مفتوحة مو لازم أوافق على رايك , يمكن أنا عندي راي ثاني بعد ..
أما لو استخدمتي must معناتها إنتي تفرضين رايك علي , وهذا يعني إنه بيصير خناق في السوق ..

وبكذا نكون خلّصنا الـ instructions to agree \ disagree ..
أعتذر بشدّة لأني كل الكلام اللي كتبته بالعربي , لكن الكلام كثيييير في هالمحاضرة وصعبة أوي إني أكتبه وكذا , أهم شي مضمون الكلام يوصل ..

[كارزما]

جي للجزء الأخير من المحاضرة 13 ..


- Agreement : لما تجين توافقين على رأي سلبي ( يعني إيه رأي سلبي ؟! شوفي المثال اللي تحت وتعرفين ) في هذي الحالة يفضّل إنك توافقين مع نوع من الأسف والندم وكذا ..
فرضًا كنا في ندوة وجات وحده وألقت خطاب طوووويل وممل , أجي أنا أقول لك her speech was boring رأيي سلبي , لكن في نفس الوقت معاي حق , تقولين إنتي مثلًا yes , I'm afraid it was وافقتيني على رايي لكن بنوع من الأسف وكذا ,وذاكر لك عبارات أخرى تقدرين تستخدمينها في هذي الحالة ..

- تقدرين تعبّرين عن موافقتك بحماسة وكذا , عن طريق إستخدام بعض الكلمات والعبارات , مثلًا رحنا شفنا فيلم في السينما وعجبك الفلم بقوّة , وقلت لك أنا ?!it was interesting movie , wasn't it عاد إنتي الآن تبغين تعبّرين عن موافقتك بحماس وكذا لأن الفلم عجبك من قلب , تقولين مثلًا : yes , it was absolutely superb .. وغيرها من العبارات اللي نقدر نستخدمها في حال كنا موافقين على شي بحماسة وكذا مثل : I absolutely agree \ I agree entirely

- تقدرين تعبّرين عن موافقتك القوية لوصف شخص لشي معين عن طريق تكرار الصفة , وتستخدمين قبلها very و تضعين indeed بعد الصفة , لما أقول لك مثلًا بعد مانطلع من الفلم: it was beautiful movie , wasn't it تقولين إنتي very beautiful indeed ..

- بعدها ذكر لك عبارات للموافقة .
- وبعدها يقول لك إنّك لازم تكونين مهذّبة في حال ماكنتي متفقة مع رأي شخص , حتى وإن كنتي تعرفين الشخص وكذا , وذاكر لك رأي " إن الإنجليزية لغة صعبة وكذا " , وحطّ لك عدة أجوبة ماتتفق مع هذا الرأي لكنها في نفس الوقت مهذّبة ..
- وآخر شي برضو ذكر لك عبارة وحطّ بعدها أراء تبيّن عدم الموافقة ..

وبكذا نكون خلصنا المحاضرة 13 ..طبعًا كلامي مو ترجمة حرفيّة ودقيقة لكن حاولت أوصّل المهم بطريقتي

[كارزما]

14) In the dialogue / Question : wouldyou like milk or coffee ? – Answer : coffee , please .

*The speaker's voice goes up in :

-a. milk .

-b. coffee .
-c. milk , coffee .
-d. milk , or , coffee .

شوفي لما يجينا سؤال فيه or الإجابة تكون إما بـ yes \ no أو بأحد الخيارين اللي هم هنا milk \ coffee
طيّب كيف تعرفين نوع الإجابة ( هل هي yes\ no أو بأحد الخيارين coffee \ tea ) ؟! الجواب يعتمد على نبرة الصوت ..

لما أقول لك?would you like milk or coffee وأرفع صوتي في كلا الخيارين ( milk \ coffee ) وقتها يكون الجواب بـ yes \ no ..

ولما أطرح عليك نفس السؤال ?would you like milk or coffee لكن رفعت صوتي في الخيار الأوّل milk و خفضته في الخيار الثاني coffee وقتها يكون الجواب بأحد الخيارين milk \ coffee

- بإختصار :

إذارفعت صوتي في كلا الخيارينالإجابه رح تكون yes\ no

إذا رفعت صوتي في الخيار الأول وخفضته في الخيار الثاني وقتها تكون الإجابه أحد الخيارين ( coffee \ tea )

في السؤال , هو كتب لك إن الشخص أختار coffee - أختار أحد الخيارين - ده معناته إيه ؟! أيوه معناته إن السائل رفع صوته في الخيار الأوّل ( milk ) وخفضه في الخيار الثاني ( coffee ) ..

الجواب milk لأنه كان يسأل عن موضع رفع الصوت ..
هي قاعده زي ماتقولين أحفظيها ..

15) The phone rings ( Ahmed : I ….. get it )
-a. am going to .

-b. will .

-c. have .
-d. had .

هنا رنّ التلفون وقال أحمد إنه بيردّ وكذا , أحنا قلنا في قاعدة الـ going to \ will إنه إذا كان فيه تخطيط مسبق نستخدم going to أما إذا ما كان عندنا تخطيط مسبق وكان قرارنا وليد اللحظة نستخدم will ..
أحمد ما كان يدري إن التلفون بيرن ولا كان حارم نفسه من النوم وهو يخطط إنه يردّ إذا التلفون رن ..
هو كان جالس , رن التلفون وردّ , بدون تخطيط مسبق ولا شي علشان كذا الجواب will ..

[كارزما]

الــ modal مرّه ثانيه ..
* نستخدم had better للتحذير !
use had better to give a warning that something bad will happen if the advise is not followed
نستخدمها علشان نعطي تحذير بأنه حاجه وحشة هتحصل إذا لم تُتّبع النصيحة ..
Example : you had better study tonight or you might fail the test
من الأفضل لك أن تدرس الليلة وإلا رح تجيب العيد في الإختبار ..
هو نصحه بأنه يدرس , وحذّره إنه ممكن يرسب لو ما أتّبع النصيحة ..
* نستخدم should لتقديم النصائح وكذا >> يعني معلومة جديدة :
Example : you should read a book and turn of the T.V
* could \ might ألطف من should :
لما نبغي نقدم نصيحة لشخصٍ ما , وحابين نقدمها بألطف طريقة ممكنة
وقتها نستخدم could or might لأنهم ألطف من should وكذا ..
Example : you could read a book and turn of the T.V
>> نفس المثال اللي فوق لكن بطريقة ألطف أسم ..

* must + should لهم إستخدام مشترك , نقدر نستخدمهم ثنتينهم للـ logical conclusion
للإستنتاج المنطقي ..
Example : he must be tired after such enormous work
نفترض إن الرجّال شغله من الساعه 5 الفجر إلى الساعه 9 في الليل , طول هالوقت يشتغل في منجم أسم >> قلت نفترض ..
المهم يعني عمله عمل ضخم والرجّال يكرف كرف .. شي طبيعي جدًا إنه يكون تعبان بعد العمل , هذا نسميه استنتاج منطقي , السالفه مايبغي لها ذكاء علشان نستنتج إن الرجّال منهدّ حيله من الكرف ..
في هذي الحالة نقدر نستخدم must or should ..

* في طلب الإذن , could أذرب وألبق من can :
تذكرون هالكلام من أيام الدراسة , لما نطلب شي من المعلمة وأبتدينا الطلب بـ can تقول لنا أستخدموا could , يعني بتعلّمنا الذرابة وكذا .. ونفس الشي might أذرب من may ..

[كارزما]

culture note :

women :
إنه لما تنادي امرأة , لاتستخدم لقب Lady لأنه مو لبق حيل ..
الالبق والأذرب أن تستخدم لقب Miss ..
Miss : آنسة ..
Lady : سيّدة " متزوجة "
وخبركم أغلب النساء في أغلب المجتمعات يحبون يصغّرون
عمرهم والظاهر لهذا السبب يقولون أن Miss أكثر لباقة ..
>> شوفة عيونكم هالكلام مو عندنا حتى عند أمريكا ..
طيّب وإذا كانت المرأة كبيرة سن - 40 سنة مثلًا - تناديها miss كمان ؟!
لأه ماينفعش الكلام ده خالص , في هذي الحالة فيه لقب آخر نستخدمه وهو :
Ma'am ..
خلصنا من الحريم , نشوف الرجال شنو عندهم من ألقاب ..

Men :
نقدر نستخدم لقب Sir , ونقدر نستخدم لقب Mister لكن لما نستخدم لقب Mister
لازم نذكر الأسم الأخير للشخص معاه ولو ماذكرنا الأسم الأخير نكون مو لبقين ووحشين أوي وكده يعني .. يعني مثلًا , شخص أسمه خالد الفريدان وجينا نناديه بلقب Mister لازم نقول مستر الفريدان , نذكر الأسم الأخير ..