[ جميع التخصصات ] : وش تحس فيه wtf

[Butterfly1434]

المشاركة الأصلية كتبت بواسطة Angelica

لا حبيبتي مو معناها وش تحس فيه
هذا اختصار يستخدمونه الأجانب اللي لغتهم انجلش يعني ما قد سمعوا ( وش تحس فيه ) بحياتهم
الزبده ان WTF اختصار لهالجمله ( What The Fu*K )
اللي يعرفون انجلش بيعرفون معناها واللي ما يعرفون انصحهم يبتعدون عنها لأنها كلمه مو زينه

يؤؤ ,, وش احس فيه

جآ عبالي انو كاتبه انجلش بس بالعربي << وش احس فيه

[miss.R.N]

يسلموو ع الموضووع البطل..
انا والله ماقاهرني الا السيقاان..يختي اللي تنورتهاا قصييره تلبس شرااب
موب عذر الطقطق لان الطقطق معروووف ينفتح وماشاء الله الهوا عندنا مايقصصصر
والله اني وانا بالسيااره اشووف البنااات واقوول من جد وش يحسووون فيييه؟؟
الساااق للركبه طالع..والعباة ماتسكرها ماتعترف بالطقطق الظاهر ماعندها وقت..
والله لايوورييك اذا لفت شعرها كلللله طاالع على ظهرهاا..
ابييي اعرررف ليييييييييش؟؟
بنااات اصحوا تراا فيه يووووم حسااااااب..والله كل شي سويتيه وكل حرف نطقتييه عند ربي ماينساااااه ..
والله احناا مو نااقصييين ذنووب نرووح ونااخذ ذنووب السواقين والرجاال اللي يشووفوونا وتسول لهم انفسم باشيااء حراام بسبب ساااق انتي مااهتميتي بسترها..!!
استغفرررر الله عشااان كذااا نصلي استسقااء ويجيييناا غبااااار..والامرااض منتشرره بقووه..
اللهم لاتؤااااخذنا بما فعل السفهااء مناااا...

المعذررره خذييت رااحتي بالكلاام..بس من الحررره اللي في تسبددددي

[Don't be sad]

[align=right]

الصراحه انا مايقهرني الا اللي يلبسون تنوره قصيره والعبايه مدري شلون جايه


والسيقان تشم الهواء الطلق هذولا من جد يبيلهم جلد


يعني يعني مثلك يا واي


ومثل البنات اللي ردوا يقولون صفوا النية سيقانا تطلع من دون قصد انا ما اقول وش تحسون فيه اقووول مره ثانية يبيلكم جلد



من جد يابنات بعيد عن الموضوع والتنكيت الشكل غير مقبول !


انا وتنورتي على مقاسي << على اساس تنانيركم صغيره عليكم


وعبايتي ساتره الحمد لله لكن مع ذلك افكر ألبس الشراب الاسود الطويل اذا جيت اطلع


فكيف انتم يخي ما تحسون بتأنيب الضمير


مره اذكر ركبت السياره بسرعه وحسيت ساقي طلع والله العظيم انه ضاق صدري
وكتمت ليش مالبست شراب


ع العموم الله يهديكم ويهديني والبس هالشراب اللي كل يوم أقول بكره




اما سالفة البوسات انتم خلوا اللي في الخد وروحوا للي في الجدران اول مره شفتها



يوم كنت بسنه أولى وقسم اني اقول من هذولي اللي ماشاء الله عليهم ما ينقرفون من شي


يخي والله كليتنا غريبة تحسين حتى الجدار له جمهور الله يصلحهم والله انه البيبان اكشخ شوي << او يمكنهم يشوفون الجدران املح شوي



وبالنسبة لسالفة الضم فهذي خلاص خلوها على جنب

ملينا منهم وقسم


بس ان كانت السالفه سالفة حنان زي مايقولون


فلا والله خليهم ان شاء الله كل دقيقه


في حضن صديقتها ولا في..................

<< بس طبعا اتكلم عن الضم العادي موب اللي بعض الناس يسميه ضم والله العالم وش اسمه
[/align]

[Angelica]

المشاركة الأصلية كتبت بواسطة why not

انجليكا وتوكيو الله يهديكم بس
انا مااقصد المعنى الي كتبتوه
انا اقصد المعنى السعودي لها
بعد ماحولها الفنان فهد البتيري
واذا تبون تتأكدون ارجعو لعرضه الاستاند اب كوميدي على اليوتيوب
بجد تمنيتكم مارديتو كذا

سوري اذا ضايقناك ,, بس هذا المعنى الأساسي للإختصار وبصراحه انا ما قد سمعت ان معناه وش تحس فيه ..
اني واي الأفضل ان البنات يعرفون المعنى حقه عشان ما يستخدمونه مع احد ويفهمهم غلط ..

[لاتغرك ضحكتي]

^^

right

[ميراندا فراوله]

[Gotcha]

هههههههههههههههههههههههههههههه

تطورت الحاله مع البنات ... من تبوس جدران واعمدة إلى خدود

والله يابنات اذكر سالفة صارت لي مرة كنت بالملحق بالكليه القديمة وجالسة بكلاس اخطط المنهج مع صديقتي والكلاس كان جدرانة شيء عجيب ..... مزخرفة ببوسات بجميع الاحجام والاشكال والله كان رهيييب المنظر تمنيت ان معي جوال كاميرا عشان التقت التحفه المعمارية خخخخ الا شوي ويدخلون الامن ويجلسون يهاوشونا ليه ولية على بالهم حنا اللي مبوسين الجدار تخلف من جد

ومرة كانت قمة الصدمة جالسة بالساحة انتظر عند البوابة مع البنات الا نتفاجئ في بنت واقفة عند عمود انارة وفجاء تبوسة ههههههههههههه وش المخزى مدري والله انا وصديقتي بغينا نموت من الضحك بس قلت لها يمك هي مسوية هالحركة اشارة حق احد جالس بالساحة حولنا
بنات تبون اوديكم رحلة للمناطق الاثريه بالكلية ( الكلاس .. والعامود )
ومن يومها وانا غاسلة ايدي من بنات الكوليه هههههه

[المطنوٍخه]

المشاركة الأصلية كتبت بواسطة Angelica

سوري اذا ضايقناك ,, بس هذا المعنى الأساسي للإختصار وبصراحه انا ما قد سمعت ان معناه وش تحس فيه ..
اني واي الأفضل ان البنات يعرفون المعنى حقه عشان ما يستخدمونه مع احد ويفهمهم غلط ..

مآعليكم
حنا المـجتمع السـعودي مالهم بالنـقريزي وبتآع كلووو ولآيفهمون فيه شي << لاينطون الفلآسفه ويقولون لاتغلطي ومو الكل انا اقصد البعض مو الكل

[a7la 7lm]

ممممن جددد ووششششششش يحسوون فييييه
سالفة السيقان هذي تقهرني
طيب المفروض يكون معآك بالشنطه شراب طويل تلبسينه بس إذا بغيتي تطلعين
لاتقولين الهوآ طيها وانا مدري
اللي يبي الستر يلقاه <<تحمست
وإلآ الخمخمه يازينآ ساكتين بسسس
موضوعك قميل اوي
وش تحس فيه

[why not]

اول شي ثانكس لكل الي ردو الموضوع بطل بردودكم الحلوه

ادري انك ماتقصدين هالمعنى
لانك كاتبه في الموضوع wtf = وش تحسون فيه
بس حبينا ننوه عن المعنى الثاني لها
لان لو كتبوها في مكان ثاني يمكن يفهمونهم غلط
عالعموم انا اسفه اذا ردي ضايقك

ثانكس توكيو عالتنويه فعلا انا كان مفروض انوه على هالشي بس ماجا فبالي ان ممكن احد يستخدمها كذا

المشاركة الأصلية كتبت بواسطة Angelica
سوري اذا ضايقناك ,, بس هذا المعنى الأساسي للإختصار وبصراحه انا ما قد سمعت ان معناه وش تحس فيه ..
اني واي الأفضل ان البنات يعرفون المعنى حقه عشان ما يستخدمونه مع احد ويفهمهم غلط ..

ثانكس عالتنويه انا ادري انه المعنى الدارج بس مش هو المعنى الي قصدته

وبصراحه انا ما قد سمعت ان معناه وش تحس فيه

انك ماسمعتي بشي هذا مايعني عدم وجوده

انجليكا وتوكيو


اتمنى احد من المشر فات تسكر الموضوع او انا اعتذر عن اكمال الرد فيه