اللي إنحذفت من عنده مادة مباديء الإدارة ويبي يسجلها من جديد .. تفضلوا الطريقه

[بنت العبدلي]

حياج الله يا بنت العـم , ومدري إذا أنتي من عبادلة مطير أو من غيرهم ؟!!

ولكن والنعم فيج وفي أصلج من وين ما كنتي ,

والنعم فيك ياولد العم,,,ماغير هم عبادله فديتهم
-انا سويت طريقتك وطلع عندي وحده مسجله ووحده محذوفه بس لمن دخلت قائمه التسجيل الحالي شفت الماده مكتوبه لي بدون استاذعكس باقي المواد
اخاف تكون الجامعه حاذفتها لعدم وجود دكتور يدرسهاوحنا مصرين الا لازم نسجلها على الاقل لازم نتأكد اذا كذا نسجل مكانها ماده ثانيه .وبالبلاك بورد والجدول الدراسي مانزلت لي0
واعتذر اذا ازعجتك اوطولت عليك السالفه.

[$maha$]

المشاركة الأصلية كتبت بواسطة sad heart

maha


أهلين وسهلين مـهــا , - أغلى إسم على قلبـي - ,

أنتي أهم ما عليج هو تسجيل المادة بالرقم المرجعي الجديد , وإذا إنضافت لج إعملي لها تأكيد تسجيل ,

إذا عملتي هالطريقة ولقيتي المادة إنضافت لج في البانر معناها إنتي في السيف سايد ,

وأما اللي سجلتيها بالرقم المرجعي القديم فلا تشيلين همهـا , وإن شاءالله راح تنشال تلقائيا من النظام إذا ما قدرتي تشيلينها .

وبـالتوفيق لج يا مـهـــا دنيـا وآخـرة .

تسلم اخوي تعبناك معانا
فالك انشالله a+ في جميع المواد
وموفق دنيا واخره

[SaD HeArT]

المشاركة الأصلية كتبت بواسطة بنت العبدلي

والنعم فيك ياولد العم,,,ماغير هم عبادله فديتهم
-انا سويت طريقتك وطلع عندي وحده مسجله ووحده محذوفه بس لمن دخلت قائمه التسجيل الحالي شفت الماده مكتوبه لي بدون استاذعكس باقي المواد
اخاف تكون الجامعه حاذفتها لعدم وجود دكتور يدرسهاوحنا مصرين الا لازم نسجلها على الاقل لازم نتأكد اذا كذا نسجل مكانها ماده ثانيه .وبالبلاك بورد والجدول الدراسي مانزلت لي0
واعتذر اذا ازعجتك اوطولت عليك السالفه.

بنت العبدلي

والنعم والله فيج يا بنـت العم , والساعه المباركة اللي جمعتنـا على خير في هالجامعة وهالمنتدى ,

افا عليج , لا تعتذرين ولا شيء , يكفي إنج من ريحـة مطيـر , أهل الخيـر ومشبعيـن الطيـر ,

المحذوفه لا تشيلين همهـا , أهم ما عليج اللي سجلتيها بالرقم الجديد ,

والماده عند الجميع مسجله بدون دكتور , لا تخافين مو بس إنتي لحالج ,

أتوقع ينضاف هالإسبوع , وإن شاءالله يكون الدكتور ندير العليـان ,

دكتور محترم وطيب وحبوب ومزيون , ويمدحون طريقة تعامله مع الطلبة والطالبات وحتى واجباته وإختباره النهائي .

والبلاك بورد + جدول الإختبارات في الخدمات الطلابية صحيح المادة لحد الحين مو موجوده ,

ولكن لا تستعجلين على شيء , إن شـاءالله راح يتم تحديث وتعديل كل شيء خلال هالإسبوع .



By The Way

http://www.youtube.com/watch?v=6K4ni...eature=related

لا تطوووووفج

[SaD HeArT]

المشاركة الأصلية كتبت بواسطة $maha$

تسلم اخوي تعبناك معانا
فالك انشالله a+ في جميع المواد
وموفق دنيا واخره

maha

الله يسلمج ويرحم والديج يا مهـا ولا يحرمنا من تواصلج الطيب ,

وتسلمين عـ الدعوة الطيبـة , والفال لج وللجميع يا رب .

[moly]

الله يجزاك خيـر

سجلتهاا بس باقي مانزلت ع البلآآك بـورد
والبانـر موجوده مـرتـين اللي بالرقم القديـم مكتوب عندها اسقاط ومن عند تاكيد التسجيل مكتوب حذف وتاكيد حطيت تاكيد التسجيل ويرفض ودخلت الرقـم اللي حطيته وضبط الحمدلله

بس كيف اوخر القديمـه
وانا سددت اليوم قبـل لآ آعرف انو كنسسلوا القديمـه أخآف يصير فيه مشكله مع الرقـم القديم

[جوورري]

غيرت الرقم واكدت التسجيل ولسى ما طلعت عندي المادة هل تأخذ وقت طويل حتى تظهر

(شئ غريب والله المشكلة أنها كانت فيه وحملت اول محاضرة )

[دنفش]

المشاركة الأصلية كتبت بواسطة SaD HeArT

دنفـش

المشاركة الأصلية كتبت بواسطة SaD HeArT

أهلين وسهلين , حي الله بنتنـا , حي الله أم أريغاتو ,

الله يعافيج ويسلمج من كل شر يا رب ,

والحمدلله إنج سجلتي المادة من جديد وإنضافت لج وكل شيء صار أوكي عندج ,

وتسلمين على تواصلج وكلامج الطيب يا دنفووووشه .

ام اريغاتوو هههههههههه

حي الله بو غراسياس .. والله الفضل بعد الله لك .. وتستاهل كل خير ..

[SaD HeArT]

المشاركة الأصلية كتبت بواسطة moly

الله يجزاك خيـر

سجلتهاا بس باقي مانزلت ع البلآآك بـورد
والبانـر موجوده مـرتـين اللي بالرقم القديـم مكتوب عندها اسقاط ومن عند تاكيد التسجيل مكتوب حذف وتاكيد حطيت تاكيد التسجيل ويرفض ودخلت الرقـم اللي حطيته وضبط الحمدلله

بس كيف اوخر القديمـه
وانا سددت اليوم قبـل لآ آعرف انو كنسسلوا القديمـه أخآف يصير فيه مشكله مع الرقـم القديم

moly

أهلين أختي ,

الله يجزانا وياج كل خير يا رب , وتسلمين عـ الدعوة الطيبة ,

حلوة أوخـر , الحمدلله إني بدوي وعرفت الكلمة , وإلا كان إبتلشنـا وقعدنا ندور لنا مترجم يشرح معنى الكلمة ,

أهم شيء إنج سجلتيها وإنضافت لج بالبانر , وأما البلاك لا تحاتين أمره , وإن شـاءالله المادة راح تظهر لج فيه ,

اللي موجود بالبلاك حاليا هو للكورس اللي طاف وهالإسبوع سيتم تحديثه وإزالة كل اللي كان موجود وإضافة الجديد ,

وأما المادة اللي بالرقم القديم فلا تحاتينها , وإن شـاءالله راح تروح وتوخر على قولتج ,

وحتى لو ما راحت هي موجوده بدون ساعات ومو محسوبه من ضمن المواد اللي سجلتيها لأنه تم إسقاطها (حذفها) ,

ونظام الجامعة مثل ما تعرفين مرات يخلي الصاحي مجنون ويعلقنـا على شغلات بسيطه ولازم نطول بالنا عليه ,

وبخصوص دفع الرسوم ,

مدري إذا مادة مباديء الإدارة من ضمن المواد اللي دفعتي رسومها اليوم أو لا ؟!!

إذا إيه فـ إن شـاءالله ما راح يصير شيء , ويا ليت تتأكدين من أيقونة دفع الرسوم في الخدمات الطلابية ,

هل زادوا عليج شيء غير الفلوس اللي دفعتيهم اليوم !!

في إنتظــارج .

[SaD HeArT]

المشاركة الأصلية كتبت بواسطة جوورري

غيرت الرقم واكدت التسجيل ولسى ما طلعت عندي المادة هل تأخذ وقت طويل حتى تظهر

(شئ غريب والله المشكلة أنها كانت فيه وحملت اول محاضرة )

جوورري


أهلين أختي ,

الحمدلله إنج سجلتي المادة وضفتيها من جديد بالرقم المرجعي الجديد قبل لا يسكر نظام البانر ,

والمادة بـإذن الله راح تنضاف في البلاك بورد هالإسبوع , والشغلة تاخذ شوية وقت إلين ما يتحدث نظام البلاك ,

واللي حصل إن المادة بكبرها تم إسقاطها من بعض الطلبة و كل الطالبات ,

وللسبب هذا تم إزالتها من اللي كانت ظاهره عندهم في نظام البلاك ,

وبــالتوفيق لج يا رب .

[SaD HeArT]

المشاركة الأصلية كتبت بواسطة دنفش

ام اريغاتوو هههههههههه

حي الله بو غراسياس .. والله الفضل بعد الله لك .. وتستاهل كل خير ..

دنفش

ولكمووووو أم أريغاتو ,

طافج قبل شويء بالجمعية قلت حق الكاشير أريغاتو , جان يبطل حلجه عباله قاعد أسبه ,

الله يحييج ويخليج يا رب , تستاهلين الطيب والعافيه وكل شيء حلو في هالدنيا ,

لا تقولين جذي يا بنت الحلال , ترى ما سويت شيء ,

كلنا في مركب واحد وزملاء في جامعة واحد وشيء طبيعي نهتم في مصلحة بعض ونحرص عليها ,

وعسى الله يوفقنـا جميعـا وينجحنا في دراستنـا وفي حياتنـا .