أرجوا الإفادة من من لديه شهادتين بكالريوس أو لديه خبر بهذا الخصوص

[ابو منار]

المشاركة الأصلية كتبت بواسطة لذا

اذا معك شهادتين مختلفه

انت يكون مسماك (دبل ميجر) يعني بالعامية ابو تخصصين

بعض الشركات تفضل الدبل الميجر عن الماجستير بشرط انه يكون الدبل مييجر بتخصصات قوية بمجال الشركة

مثلا شركات المقاولات
اذا كان عندك مثلا بكالوريوس ادارة اعمال وعندك بكالوريوس هندسه ... تكون افضل من بكالوريوس ادارة اعمال مع ماجستير ادارة اعمال

عطاكم زبدة الكلام

.
.
يعطيك العافية كلامك 100%

[Amy!]

المشاركة الأصلية كتبت بواسطة مالقيت اسم

لا يمنع التوظيف على أي مؤهل حسب الضوابط الادارية للوزارة او الشركة .

ولكن يتم احتساب سنوات الخبرة بعد تاريخ اخر مؤهل

يعني لو التقديم بعد المؤهل القديم يتم احتساب السنوات بعد تاريخ التخرج .
اما المؤهل الجديد يلغى سنوات الخبرة السابقة.

التوصية : يتم التقديم في حال وجود خبره على المؤهل القديم وبعد التوظيف يتم اضافة المؤهل الثاني عن طريق الموارد البشرية / شؤون الموظفين .


تحياتي ,,,,

هل تقصد بسنوات الخبرة أقدمية الحصول على المؤهل؟ لأن من شروط المفاضلة التعليمية أن أقديمة المؤهل كل ما كان سنة التخرج قديمة كانت النقاط أعلى في المفاضلة..

إذا كنت تقصد يتم احتساب أقدمية المؤهل على حسب آخر مؤهل حتى لو أنا قدمت بالمؤهل الجديد بتكون عندي مشكلة ثانية..

فما لي حل إلا إني أخلي آخر ترم إلى أن أتوظف ثم أكمل الترم الأخير؟

مع العلم إني أتكلم شروط الخدمة المدنية/ جدارة/ الوظائف التعليمية، فهل هذا الكلام ينطبق عليهم؟



جزاك الله خير على الرد

[Amy!]

المشاركة الأصلية كتبت بواسطة عادل بن عبدالله

السؤال الأهم

وش الحكمة من حصولك على شهادتين بنفس الدرجة!!؟

لو مكمله ماستر كان الحين منتصفة بالدكتوراه!!!!

بالعكس هذا مو هو السؤال الأهم لأن لي أسبابي المقنعة لي بأني أخذ شهادة ثانية بنفسه الدرجة في تخصص كنت أطمح له..

أنا مجالي تعليمي (البكالريوس الأول) وما توظفت،، أما نسبة أحتمال إنهم يقبلوني ماجستير ما تزيد عن 20% فعشان كذا قلت أدرس تخصص ثاني كان هو رغبتي الأساسية في الدراسة وأحاول أجيب معدل زين ولو قدرت أكمل ماستر في التخصص اللي أحبه كان بها.. أما التخصص الأول معدلي ما كان زين..

[Amy!]

المشاركة الأصلية كتبت بواسطة معاليه

يعادلوها لك ماجستر

شكراً على الرد

المشاركة الأصلية كتبت بواسطة b-a-d-e-r

السلام عليكم

بالنسبه لدراسه مافيه شهاده تلغي شهاده نهائياً
لكن فيه شئ اسمه شهاده تغني عن الاخرى بس لكن لاتلغي ومنهو الي بيلغي !!
اذا كان بالتوظيف كل وظيفه لها متطلب ووصف وظيفي بيقبلون بالشهاده المطابقه للمتطلب الوظيفي.
واذا كان بالماستر بالعكس يفتحلك تخصصات اكثر ( اذا كانو يقبلون بالانتساب )
ما بخصوص الدورات اثناء الدراسه ماتحسب يعتبرونها ( تعارض) انظمه الدوله .
زيها زي لما واحد يدرس الجامعه عن طريق عمله ويرفع بطلب دوره طويله او دبلوم اخر اثناء دراسته يرفض مباشره لان فيه تعارض لازم يخلص دراسته بعد كذا ياخذ دوره او اي دراسات اخرى .

ما أقصد الإلغاء بمعنى الإلغاء لكن أقصد أنه تكون من ضمن الشروط إنه لازم تقديم بآخر مؤهل..
طيب هل ما تقصده ينطبق على الوظائف التعليمية (جدارة)؟

وجزاك الله خير

المشاركة الأصلية كتبت بواسطة امير الكلمه

هذا الكلام الصحيح

وللتوضيح اكثر
اذا انك توظفت بعد البكالريوس القديم لمدة معينه هذه تعتبر خبره
والشرط في الخبره ان تكون بعد المؤهل ويتم احتسابها لك في تحديد المرتبة والدرجة المستحقه كالتالي:
عن كل 3 سنوات مرتبة بحد اقصى 9 سنوات يعني 3 مراتب
عن كل سنه درجة اذا كانت خبرتك اقل من 3 سنوات او عندك خبره اضافية على الـ 9 سنوات
اما في التقاعد فتحسب لك كل المدد التي عملت فيها بوظيفه
اذا كانت اكثر من مده واحده
يعني اشتغلت 3 سنوات في مكان وفصلت وتوظفت مرة اخري سواء رجوع لنفس عملك او جهة اخرى
فتحسب كالتالي
اذا لم تقم بتصفية الخدمات واخذ الحقوق تحسب لك المدتين
اذا صفيت وحده والثانية لا
تحسب لك الثنتين بشرط اعادة مبلغ الحقوق
اذا صفيت الثنتين
تحسب لك واحده بشرط اعادة مبلغ الحقوق
هذا والله اعلم

جزاك الله خير على الرد..

[Amy!]

المشاركة الأصلية كتبت بواسطة رزانا

أنا معي شهادة انتظام و الآن أدرس انتساب
ما تلغي وفي التقديم للوظائف مسموح لك ترفقي الشهادتين
و تدخلي المفاضلة على حسب تخصصك المناسب للوظيفة
/
بالتوفيق

جزاك الله خير على الرد..

المشاركة الأصلية كتبت بواسطة شدو الربيع

والله يا اختي فيه وحدة معاها دبلوم كلية تربية متوسطة ولما شافت نفسها ماتوظفت درست بكالوريوس تخصص ثاني

ولما شافت مافيه وظايف وفتحوا مجال لكلية التربية المتوسطة قدمت وتوظفت بناء على مؤهل الدبلوم وعوملت ع أساسه

قي الراتب والعلاوة واذكر انها تسأل تقول انا ابي يتحسن راتبي واستفيد من شهادة البكالوريوس قالوا لها اللي بالمنتدى

قدمي اوراقك ع الخدمة المدنية طالبي بالتحسين ومدري شصار عليها

طيب أختِ يعني هي أرفقت المؤهل المطلوب فقط؟ ما أضافت المؤهلين بعدين أختارت واحد منهم؟
لأني أذكر إنه كان في خيار في جدارة إنك تضيفين المؤهلات اللي عندك بعدين تختارين واحد منهم، فأنا أخاف أضيف الإثنين ويشوفون كلهن بكالريوس ويصير في تدقيق علي..

وجزاك الله خير على الرد

المشاركة الأصلية كتبت بواسطة حسني مبارك

لا يااخي ماتلغي الشهاده بس تقدر تروح تقدم على اي مجال تريد واذا كنت موظف تقدر تحول للقسم اللي ينفع شهادتك

جزاك الله خير

المشاركة الأصلية كتبت بواسطة smo.alfhad

في التعليم العالي يمكن الجمع بين اكثر من تخصص

وتستطيع التقديم بأي شهادة

إيه أعرف إنه تقدر تجمع بين أكثر من تخصص لكن مشكلتي مع نظام التوظيف في المجال التعليمي اللي هو الجدارة

جزاك الله خير

المشاركة الأصلية كتبت بواسطة الباراتون

شهادتين = مضيعة وقت
شهادة + ماجستير = أنت رجل سمارت

أنا بنت..
وبالعكس ما يعتبر مضيعة للوقت لأني درست الموضوع من جميع الجهات قبل أدرس بكالريوس إنتساب
أما الماستر فالتخصصات المناسبة لتخصصي الأول ماحبيتها كثير + معدلي ما كان زين + القبول في الماستر مو سهل

فبدل ما تضيع السنين بدون وظيفة ولا شهادة أكمل في تخصص ثاني أنا عندي رغبة فيه

المشاركة الأصلية كتبت بواسطة لذا

اذا معك شهادتين مختلفه

انت يكون مسماك (دبل ميجر) يعني بالعامية ابو تخصصين

بعض الشركات تفضل الدبل الميجر عن الماجستير بشرط انه يكون الدبل مييجر بتخصصات قوية بمجال الشركة

مثلا شركات المقاولات
اذا كان عندك مثلا بكالوريوس ادارة اعمال وعندك بكالوريوس هندسه ... تكون افضل من بكالوريوس ادارة اعمال مع ماجستير ادارة اعمال

مشكلتي مع المجال التعليمي والوظائف التعليمية هل ينطبق عليها نفس الكلام؟
وجزاك الله خير

المشاركة الأصلية كتبت بواسطة أنور جنبي

مافي اجابة معينة على سؤالك ، وانما يتوقف على الجهة الموظفة و احتاجاتهم و رغباتهم

فمثلا

لو كان عندك دبلوم حاسب آلي ، و بكالريوس تغذية ، ثم قدمت على وظيفة و يحتاجون تخصص حاسب آلي فباخذون بالدبلوم الحاسب الآلي في الحسبان و يصنفوك وظيفا على هذا الطبيعة.

مثال آخر

لو كان عندك شهادتين بكلريوس ، في تخصصين مختلفين ، ينطبق عليه بنفس الطريقة

مثال آخر

كان عندك شهادتين مثل بكلريوس ادارة ، و بكلريوس في تربية خاصة
وقدمت على وظيفة ادارية في مدرسة خاصة بالتوحد مثلا ، فطبعا شهادتينك تؤخذ بالاعتبار ، و تؤهلك على باقي المرشحين

الحصول على شهادتين في تخصصين مختلفين جدا جميل و يقوي تأهيلك الوظيفي ، مع المعلومية ان كثيرا انك ستعملين في وظيفة بعيدة عن التخصص في اي الشهادتين غالبا! كحالي

رأيي ان تأخذي اول وظيفة ممكنة وتأخذي هرم ماسلو بالاعتبار في هذا دوما ، يعني لو انك محتاجه المال بشكل اساسي ، فاقبلي بأول وظيفة مقبولة ماليا و وظيفيا ، فتكسبي المال و الخبرة ، لكن ان كان المال ليس اولوية فممكن تقبلي بوظيفة في شركة مرموقة لكسب الخبرة و ميزة وضع اسم تلك الشركة على سيرتك الوظيفية حتى لو كان الراتب متواضع ، فتكسبي الخبرة في العمل ، وبذلك تتأهلي بخبرتك لوظيفة أفضل مستقبلا و بمال افضل

مفتاح النجاح الوظيفي هو الخبرة ثم التعليم الاكاديمي ، وهما مكملان لبعضهما

بالتوفيق يارب

جزاك الله خير على الرد

[Amy!]

اللي استنتجته من الردود:

1- الشركات والقطاعات بشكل عام يقبلون أي شهادة تختارها وتقدم بها بغض النظر عن آخر مؤهل..
2- أقدمية التخرج مو متأكدة منها هل راح تحتسب على حسب المؤهل القديم أم الجديد أم على حسب الشهادة اللي آختار التقدم بها؟


3- المجال التعليمي ما حسيت إن فيه كلام أكيد إلا من رد أختِ شدو الربيع، بس هي فيه إختلاف إن مؤهلاتها مو نفس الدرجة (دبلوم + بكالريوس) لكن أنا نفس الدرجة (بكالريوس + بكالريوس)
فياليت اللي يعرف أحد يحمل شهادتين (بكالريوس انتظام + بكالريوس انتساب) وتوظف بالشهادة الأولى
4- سنوات الخبرة تحتسب من آخر مؤهل


ياليت اللي عنده رد على النطقتين الآخيرتين يفيدني


وجزاكم الله خيراً على ردودكم وتفاعلكم.. أفدتوني كثيير..

[وليد الطائي]

حسب تجربة زميل عندنا لا يوجد مشكلة لكن طبعا تختاري ما تشائين من التخصصين .

اقف احتراما لهذا الشغف والطموح .

[نوره85]

انا معي بيكالوريس انتظام فيزياء والحين ادرس ادارة الاعمال
لما درست الاداره حبيت تخصصي الاول كان الطف هههه
وماراح يقبلوا الا تخصص واحد لك اذ في وظيفه حكوميه

[قمر السعودية ~]

ماشاءالله الله يرزقك الوظيفه اللي تعوضك تعب السنين

انا اعرف بنت درست بالبداية دبلوم وبعدها درست بكالوريوس انتساب ويوم قدمت على الوظايف وعرضت شهاداتها وظفوها بناء على شهادتها القديمه اللي هي الدبلوم ومانظروا بالجديده
مدري اذا هذا الشي ينطبق على البكالوريوس او لا
بس اتوقع ان قوة التخصص بعد لها دور بغض النظر عن كونه انتظام او انتساب
مثلاً لو كان تخصص الانتظام تاريخ وتخصصك بالانتساب تربية خاصة او ادارة اعمال طبعاً تخصصك بالانتساب يغلب
لان التاريخ حدوده التدريس وبس لا وعليه اكتفاء بعد

بس لما نجي لسؤالك ترى شهادة الانتساب ماتلغي الانتظام و لا ليه سمحوا لك تجمعين بين شهادتين ؟
لو كانت الشهادة الجديده تلغي القديمه كان بيكون فيه تحذير اولاً من الجامعه بهالخصوص لانها بتكون على علم بهالقرار مو بس القطاع الوظيفي اللي بيكون عنده علم بهالشي

بس ياختي انتي وش كان تخصصك بالانتظام ؟

[قلم طموح]

عزيزتي ..اولا هل درراستك السابقه والحاليه في المجال التعليمي؟؟
انا عندي بكالريوس انتظام لغه عربيه من ست سنوات وكل سنه اقدم في جداره والان انا خلصت مستوى خامس اداره اعمال ..طبعا مافي تعارض بين التخصصين لانها منفصله ..ان شاء الله بعد ما اخلص راح اتقدم على القطاع الخاص باداره الاعمال وطبعا مايهمهم شهادتي الانتظام تخصص عربي لانها مالها علاقه ..ونفس الشي في المفاضله التعليمه راح ارفق فقط البيانات الخاصه بالشهاده التعليميه ووممكن في جداره ارفق بيانات شهاده اداره الاعمال في حال كان فيه مفاضله لوظائف اداريه حكوميه
بالمختصر لكل وظيفه متطلب ومؤهل مشروط ..على اساسه تقدمي بالشهاده المناسبه له وتقبلي تحياتي

بالنسبه للمعلمات اللي توظفو بدبلوم الكليه المتوسطه وهما معاهم بكالريوس انتساب اتوقع انهم عيونوهم بحسب نوع التخصص اذا كان عليه احتياج مثلا هيا حاصله على دبلوم من الكليه المتوسطه اقتصاد منزلي ودرست بعده بكالريوس انتساب دراسات اسلاميه ..اتوقع جاتها وظيفه معلمه اقتصاد منزلي على مرتبه المخصصه لحمله الدبلوم ..هنا هيا ترفق اوراقها لتحسين المستوى كونها عندها بكالريوس وطبعا يحقلها حتى لو التخصص مختلف ..وبدال ماتكون على المرتبه الرابعه مثلا تسير الخامسه او السادسه .. اتمنى اكون افدتك ..