[ استفسار ] # أحلام وتطلعات # ،،،،،وماذا بعد استلام وثيقة التخرج ...........

[ربي يوفقنا]

المشاركة الأصلية كتبت بواسطة loli ahmed

طيب وش الجامعات اللي تقبلنا ماستر هنا؟
وكيف النظام إذا كان الشخص موظف؟ يعني الدوام وكذا


ويكون امتداد للتخصص؟ والعمر؟ والمعدل؟
ابغى معلومات شاملة خصوصًا لنا احنا طلاب وطالبات التعليم عن بعد!!

ودي أكمل ماستر بس مدري يمكن تكون الجامعة بمنطقة ثانية
المهم أفيدونا الله يسلمكم

العمر مو مهم بس فيه شرط للموظفين ان لازم يجيب موافقه العمل لاكمال الماستر انتظام بدوام كامل صباح .. واغلب الوظائف تطلع عيون الواحد ولا يعفونه من الدوام للدراسه وممنوع الروابط ولا كان حطيت رابط يفيدك اكثر .. لكن شوفي جامعه الملك عبد العزيز فيها مطلبك كامل بس لازم الدراسة في جده .. وفالك التوفيق

[Rashed]

المشاركة الأصلية كتبت بواسطة ربي يوفقنا

مساكم الله بالخير
ماودي احطمكم لكن انا مثلي مثل غيري من الاخوان ابغى اكمل ماستر ببعثه خارجيه .. كل الطرق استخدمتها النظام والواسطه ووصلت لنتيجه ان الوضع الحالي لخريجي البكالوريوس انجلش صعب وان مايقدر يبتعث على حساب الدوله لعدم وجود امتداد للتخصص ( الا بالواسطه )... وعلى كلام مشرفنا العزيز راشد رح هناك وغير اوضح لك ان مايقبلون التغيير الا اذا لقيت لك واسطه هناك اجمد من هنا كل هذا بسب شرط امتداد التخصص الي ابلشنا .. مثلا انا رحت على البعثه بالواسطه وكذا وتخرجت ماستر اداره .. اقولك بروزها وعلقها لان الخدمه المدنية والوظايف الأكاديمية ماتقبلك بالماستر بحجه عدم امتداد التخصص في الشهادات مالك الا الشركات الكبيره وهذي يبيلها بعد واسطه بسيطه .. وعلى فكره فيه هنا جامعات وتقبلنا ماستر وامتداد للتخصص الانجليزي وتدفع تقريبا اول ترم وبعدها تنظم على الدوله بالامر الملكي .. اشوفها انسب للموظفين الي العمل رافض ابتعاثهم مثلي ... وفالكم التوفيق يارب

طيب انت تغير تخصص لتخصص امتداد للإنجليزي هناك وش المشكله. وكلامك صحيح الي يروح ويدرس غير التخصص يبروزها اذا كان وده يتوظف وظيفه حكومية بس بيستفيد منها للشركات الكبار

في وظائف بالشركات افضل من الحكومية بمراحل طيب

وبالنسبه للواسطه في أمريكا ما تحتاج اذا جبت قبول تقدر تغير تخصص في بريطانيا الملحقيه مشددين مره

وممكن تسمي الجمعات الي تقبلنا وندفع للترم الاول لأَنِّي ما لقيت اغلب الجامعات تقول انتساب توكل ع الله

[Rashed]

المشاركة الأصلية كتبت بواسطة ربي يوفقنا

العمر مو مهم بس فيه شرط للموظفين ان لازم يجيب موافقه العمل لاكمال الماستر انتظام بدوام كامل صباح .. واغلب الوظائف تطلع عيون الواحد ولا يعفونه من الدوام للدراسه وممنوع الروابط ولا كان حطيت رابط يفيدك اكثر .. لكن شوفي جامعه الملك عبد العزيز فيها مطلبك كامل بس لازم الدراسة في جده .. وفالك التوفيق

اذا كان رابط رسمي خذ راحتك هاته وإذا مو رسمي انسخ الموضوع اذا ماعليك كلافة وكتب منقول عادي ههههه

[أباسي]

المشاركة الأصلية كتبت بواسطة الصواديف..

الحمدلله اننا خلصنا البكالوريس ... وان شاء الله ربي يسخر لنا هالوزير الجديد ويضبط وضع شهادة الانتساب..
والله يوفقنا جميعااا ويقدم لنا ماافيه الخير ...

بالنسبه لي اعشق الانجليزي والحمدلله وضعي ممتاز ..
وناويه بأذن الله اكمل درااستي . واطور نفسي ..
صحيح البكالوريس انتساب ..
لكن ماراح اخلي هذا الشي يعيقني عن تطوير نفسي ولغتي ..

ولا بااحط في بالي ان هالشهاده بتمنعني عن وظيفه او عن اكمال دراسه ..
كل شي يتسهل بأذن الله ...
وان شاء الله تكون هالشهادة فاتحة خير علينا جميعا..

وأحنا كأمهات اثبتنا لأنفسنا ولعياالنا ان الواحد يقدر ينجح وان فيه طرق كثيره الشخص يطور نفسه ..
وان مايعيقنا شي عن اكمال الدراسه .. لا بيت ولا اطفال ولازوج .. قدرنا نوفق بينها ونجيب معدلات حلوه ..
ولا التفتنا للي حولنا من اللي يحاولون يحطموننا ويكسرون مجاديفنا ..

اثبتنا لانفسنا اننا نقدر على اي شي ..
وان شاء الله نكمل هالنجااح ونستمر مو علشان احد ..
لا ..كل هذا نسويه لانفسنا ولعياالنا ..

والله يوووفق الجميع ويكتب لهم النجاح في كل خطووه ..

صح عليك والحمد لله رب العالمين والله ييسرها علينا كلنا يارب وكل واحد منا يحصل على أمنيته بعد كل هذا التعب

[وحيدة في غربتي]

المشاركة الأصلية كتبت بواسطة ✶ جُمان ✶

أفضل دولة لدراسة ماستر e هي بريطانيا ...
والماستر بتخصصات مختلفة ليس فقط e تعتبر بريطانيا الأفضل
فيما عدا الطب <<< أفضل دولة كندا ..

ياليت توضحين بريطانيا افضل من اي نواحي ؟
ﻷن الي اعرفه ان بريطانيا الماستر فيها اسهههل و مدته اقصر من امريكا
فحسيته ابو كلب

[وحيدة في غربتي]

المشاركة الأصلية كتبت بواسطة loli ahmed

الموضوع جميل جدًا

أنا أفكر إننا نحن الطالبات نسوي قروب ما بعد الجامعة "طبعًا للي حابين يكملون مشوارهم التعليمي أو يتوظفون"
ونستفيد من بعض ويكون زي تحديث لحياتنا العلمية أو العملية وهذا بإذن الله ممكن يفتح لنا أبواب كثيرة

المشاركة جميلة
واللي تأيد الفكرة تقول

فكره حلوه

[ربي يوفقنا]

المشاركة الأصلية كتبت بواسطة Rashed

اذا كان رابط رسمي خذ راحتك هاته وإذا مو رسمي انسخ الموضوع اذا ماعليك كلافة وكتب منقول عادي ههههه

http://graduatestudies.kau.edu.sa/co...=AR&cid=231161
هذا الرابط فيه الشروط وكل شي موضح والتقديم بعد مفتوح وبيقفل تقريبا يوم استلامنا النتائج

[ربي يوفقنا]

وعلى فكره ياراشد قليل جدا الجامعات الي تطلب بكالوريوس انتظام وحتى فيصل نزلت اعلان مايقبلون الانتساب بعدها بفتره بسيطه يوم ولعت العالم فيهم الغو هالشرط وصار يقبلون ... واذا كنت من اهل الرياض ترى جامعه نايف للعلوم الأمنية يمدحون تخصصاتها ومرغوبه وتقبل الانتساب بعد

[ربي يوفقنا]

http://www.kfu.edu.sa/ar/Deans/Highe...ges/Rolls.aspx
وهذي شروط فيصل ... وفيها برضو تخصصات امتداد للانجليزي والفرق بينها وبين عبد العزيز ان الفيصل ييون معدل جيد جدا ويقبلون الواسطه جيد ... لكن عبد العزيز جيد يمشي عندهم وفالكم التوفيق يارب

[ام ليالي]

المشاركة الأصلية كتبت بواسطة rashed

طيب انت تغير تخصص لتخصص امتداد للإنجليزي هناك وش المشكله. وكلامك صحيح الي يروح ويدرس غير التخصص يبروزها اذا كان وده يتوظف وظيفه حكومية بس بيستفيد منها للشركات الكبار

في وظائف بالشركات افضل من الحكومية بمراحل طيب

وبالنسبه للواسطه في أمريكا ما تحتاج اذا جبت قبول تقدر تغير تخصص في بريطانيا الملحقيه مشددين مره

وممكن تسمي الجمعات الي تقبلنا وندفع للترم الاول لأَنِّي ما لقيت اغلب الجامعات تقول انتساب توكل ع الله

راشد معلوماتك قديمة ,, أولاً شرط العمر اصبح 27 وليس 28
ثانياً المرحلة الماضية ( المرحلة العاشرة) اصبح ليس بالإمكان الابتعاث الى تخصص غير تخصصك لانهم يحددون تخصص البكالوريوس المطلوب فمسألة انك تطلع تسويق وبعدين تغير مستحيلة
ولكن المفرح بالموضوع انه الوزير عزام الدخيل اعلن انه سيتم فتح تخصصات كثرة للعلوم الإنسانية وتوقعاتي انه الإنجليزي سيكون من ضمنها نظراً لمخرجات الطلاب السيئة باللغه الانجليزيه هنا ,, ولكن يبقى شرط العمر هو العثره الكبرى امامي أتمنى ان يتم رفعه عشان ما اضطر اطلع على حسابي