حل جذري لتعديل الشهادة من انتساب الى تعليم عن بعد

[نسيم الصبا]

الكل عارف ان الأنتساب الحين هو المعتمد والمعترف فيه..بس المشكلة لو يتم اعتماد التعليم عن بعد،راح تصير شهادة الأنتساب مثل شهادة الأبتدائي ..
مدري كيف يدّرسوا تعليم عن بعد ويسووا أنظمة ويسجلوا ومحاضرات وفي النهاية يقولوا أفضل لكم أنتساب!!
وليه طيب الجامعات ماتوحد المسمى،لأن جامعة عبدالعزيز يكتبوا تعليم عن بعد،وجامعتنا وجامعة الإمام أنتساب؟؟
لو الجامعات كلها تعتمد فقط الأنتساب،والجامعة الألكترونية عارفين ان مسمى شهادتهم إنتظام،كان مافي مشكلة..
بس المشكلة مثل ماقلت لو يعتمد( التعليم عن بعد) بعد مانتخرج، وهو المتوقع لأنه توجه حديث في التعليم والمستقبل للتعليم الألكتروني..
شكراً غيوم&مبارك عالتنبيه

[أبان]

لو عاملونا على أننا تعليم عن بعد كان ثلاثة أرباع الطلبة يرجعون لمستوى ثاني

المادة الرابعة عشر:
يحرم الطالب من دخول الامتحان النهائي لمقرر التعليم عن بعد إذا تجاوزت نسبة غيابه 25% من المحاضرات التزامنية المطلوبة.



للتوضيح :

فيه انتظام
و انتساب
و انتساب مطور
و تعليم عن بعد

الانتساب المطور هو من وظف التقنية في التعليم وهو ما ينطبق على الإمام و فيصل


و الله أعلم

[محمـــــــــد]

خذوا العلم الأكيد .................


العرج : خريجي الانتساب مقبولون كغيرهم في الوظائف عدا الوظائف التعليمية

شدد وزير الخدمة المدنية خالد العرج، على أحقية خريجي وخريجات الانتساب في التعيين بجميع الوظائف، أسوة بغيرهم من خريجي الجامعات، عدا الوظائف التعليمية.
وقال الوزير عبر حسابه على موقع التواصل الاجتماعي «تويتر»: «أبنائي وبناتي، مؤهلات خريجي الانتساب مقبولون كغيرهم في الوظائف، عدا الوظائف التعليمية، وفقا لما ورد بدليل التخصصات المعد من قبل وزارة التعليم».
وكان عدد من خريجي وخريجات الانتساب قد تقدموا بالكثير من الشكاوى، يطالبون فيها بمساواتهم بباقي الخريجين في الوظائف التعليمية والتقديم على مفاضلات التعيين، بعد استبعادهم طوال السنوات الماضية دون وجود أي مبررات نظامية لذلك.


رابط الخبر

[l a v e n d e r]

المشاركة الأصلية كتبت بواسطة نسيم الصبا

الكل عارف ان الأنتساب الحين هو المعتمد والمعترف فيه..بس المشكلة لو يتم اعتماد التعليم عن بعد،راح تصير شهادة الأنتساب مثل شهادة الأبتدائي ..
مدري كيف يدّرسوا تعليم عن بعد ويسووا أنظمة ويسجلوا ومحاضرات وفي النهاية يقولوا أفضل لكم أنتساب!!
وليه طيب الجامعات ماتوحد المسمى،لأن جامعة عبدالعزيز يكتبوا تعليم عن بعد،وجامعتنا وجامعة الإمام أنتساب؟؟
لو الجامعات كلها تعتمد فقط الأنتساب،والجامعة الألكترونية عارفين ان مسمى شهادتهم إنتظام،كان مافي مشكلة..
بس المشكلة مثل ماقلت لو يعتمد( التعليم عن بعد) بعد مانتخرج، وهو المتوقع لأنه توجه حديث في التعليم والمستقبل للتعليم الألكتروني..
شكراً غيوم&مبارك عالتنبيه

+1

بصراحة هالمشكله دائما اتجنب الكلام فيها ..
لأنها من جد شيء في علم الغيب ..
مالها حل واضح وصريح ..
الواقع شي والحقيقة شي ..
التعليم عن بعد المفروض أقوى من الإنتساب لكن لم يعتمد حتى الآن ..
فبالتالي الإنتساب أقوى ..
ولو اعتمد التعليم عن بعد بالمستقبل القريب ..
بـ تروح دراستنا فشوش ..

بالمختصر ..
ربي يكتب لنا الخير ويرضينا فيه ..

[تيتشر ريماز]

تبون الجد
كنظام دراسة الانتساب اقوى ومن وجهة نظري للاسف التعليم عن بعد ركيك الا ابعد مدى واذا بتسالون كيف قارنوا بين مناهج الانتساب ومناهج التعليم عن بعد فيه اختلاف كبير بين النظامين مناهج الانتساب اقوى وفائدتها العلمية اكثر في الانتساب تحقق النجاح وانت لم تحضر محاضرات ماعندك اعمال فصلية هذا بحد ذاته انجاز يعني شيء مو سهل صراحة بنظام التعليم عن بعد تحس انك تنجح حتى لو ماذاكرت انا الحين بمستوى ثامن والله مااحس اني متمكنة من تخصصي ماادري اش السبب يمكن بسبب اعتمادنا على الملخصات او اسئلة الاعوام السابقة او تساهل الجامعة في تكرار الاسئلة باختصار التعليم عن بعد يقدم شهادة لاجودة في التعليم !واقول هذا الكلام عن تجربه جربت الثلاثة انظمة سنة انتظام سنة انتساب ثم اكملت التعليم عن بعد اقواها بعد الانتظام واكثرها تحدي كان الانتساب واعترف اني لمن انتقلت لجامعة فيصل ماكنت اعرف انه تعليم عن بعد *ولا اعرف ان فيه اعمال فصلية كنت اضنه انتساب مثل جامعة عبد العزيز وعلى اساس اني بحول واطلب معادلة لاني اجتزت السنة التحضيرية وللاسف طلبت معادلة ولم تتم ولو كنت ادري كان كملت بالانتساب لانه بصراحة اقوى وافضل من التعليم عن بعد لي كمعرفة ولمستقبلي ولكن قدر الله وماشاء فعل ..وانا راضيه الحين الحمدلله بدراستي اهم شيء يعتمدون شهادتنا والله يتمم علي واتخرج وانا بخير وصحة وسلامة

[قـورجـس ♛]

آتمنى من مشرفين قسم مستوى اغلاق الموضوع هذا
لانو مافي فايده بصراحه !!

[متعاون]

المشاركة الأصلية كتبت بواسطة قـورجـس ♛

آتمنى من مشرفين قسم مستوى اغلاق الموضوع هذا
لانو مافي فايده بصراحه !!

انا ضد اي اغلاق لأي موضوع يتكلم عن مصلحة عامة للجميع الا اذا كان مكرر خلوا الناس تتحاور على اقل تقدير في مستقبلهم

[l a v e n d e r]

ما في شي يستدعي الإغلاق ..

خذوا راحتكم وربي يجيب الخير لنا ولا يضيع لنا تعب ..

[قـورجـس ♛]

المشاركة الأصلية كتبت بواسطة متعاون

انا ضد اي اغلاق لأي موضوع يتكلم عن مصلحة عامة للجميع الا اذا كان مكرر خلوا الناس تتحاور على اقل تقدير في مستقبلهم

اي مصلحة هذي !!
الجميع ضد تغير مسمى الشهاده الي تعليم عن بعد
ومحد مسجل في الجامعه الا عارف انو راح يكتب انتساب

[طموح فتاه]

انا اقول يخلونا ندرس سنه اضافيه بدوام رسمي ويعدلون مسمى شهادتنا إلى انتظام
انتساب ظلم لنا والتعليم عن بعد مو واضح مستقبله
ناس تقول معتمد وناس تقول مو معتمد