اختبار الرياضيات .. كلمة حق تقال .. رسالة لهيئة التدريس في الجامعة

[Mr. Azzoz]

اللي يقول الاسئلة سهله وإنه حل وجاب الدرجه الكامله مثل ما يقووول ..

آتمنى يحل للطلاب اسئلة الاختبار الموضوعه بالمنتدى ..

هذا إذا كان صحيح جاب فل مارك وواثق من إجاباته .. لأن عندي شك كبير بهالشي مع احترامي

[معيض]

المشاركة الأصلية كتبت بواسطة Mr. Azzoz

اللي يقول الاسئلة سهله وإنه حل وجاب الدرجه الكامله مثل ما يقووول ..

آتمنى يحل للطلاب اسئلة الاختبار الموضوعه بالمنتدى ..

هذا إذا كان صحيح جاب فل مارك وواثق من إجاباته .. لأن عندي شك كبير بهالشي مع احترامي

أخوي عزوز ما قلنا انها سهله .. قلت انا انها صعبه ..

وبالنسبه للشك من الدرجة كاملة ... هذي صورة من سجلي الاكاديمي

مركز تحميل الصور

[قطه صغيره]

عني حامله الماده حاملتها ما اقول الا حسبي الله ونعم الوكيل والله يسامح من دلني على ذا الجامعه جابت لي المرض

[moj]

الله عليكم يا شباب ،،،، خلونا في الاختبارات الجايه ،،، ويا اخ معيض الله يوفقك دنيا وآخره بس قولي كيف انجح في الرياضيات ،،، يعني قولي ايش الطريقة اللي اسويها حتى انجح بآلة ولا بغير آلة ،،، والله يعوض علينا ،،، موفقين

[هتان بن محفوظ]

يارب عفوك ورضاك

[glg]

مشاء الله تبارك الله الله لايضركم

[ниσσsнa ♥‎‏ ‏]

حتى انا بالسمستر الاول جايبه ميه بالرياضيات بس صراحتن هالسمستر ابد شرح غير
كافي بالنسبه للادبي الدكتور الله يهديه يشرح وكان الكل فاهم اساسيات الرياضيات
امس حليت بس الاسئله كان فيها صعوبه ويارب ناجحين

موفقين الجامعه هالسمستر ابد ماعجبتني فكره السحب تجول في خاطري

[a.almanjedi]

بصراحة، المفترض تكون المواد اللي تدرس في كليات التعليم عن بعد او الانتساب مختلفة اختلاف كلي ومبسطه اكثر بكثير من مواد طلاب الانتظام، لانه بصراحة حنا مظلومين، اولا طلاب التعليم عن البعد والانتساب شهادتهم اقل بدرجة نسبية عن طلاب الانتظام (ولا احد يقنعني بالعكس، يكفي ان كلمة انتساب مكتوبة بالشهادة) وندرس مثل دروسهم هذا اكبر ظلم (على فكرة انا دارس انتظام من قبل ايام ريعان الشباب) يعني حرام من جد، ثانيا اغلب المنتسبين موظفين وموظفات واباء وامهات يعني مو فاضين لمذاكرة هالكم الهائل من المحتوى الدراسي لا ويبونا نشتري كتب بعد، انا عن نفسي ابي بس مسمى شهادة جامعية لمتطلبات وظيفية بحته ماني محتاج لمحتوياتهم الدراسية، انا كل ترم ما افتح شي ابدا ولا احل واجبات ولا اشغل محاضرات (ابو ثانية واقفل) ولا اشارك بالمناقشات (كوبي/بيست) الا قبل الاختبارات باسبوع لاني ماني فاضي لهم من جد.

كلمة طلعت من قلبي << نصاب كل هذا كلمة

[مرافئ]

أنا علمي و أحب الرياضيات ,, لكن المشكلة أنا متخرجة زمااااان و ما كان أمامي إلا شرح الأستاذ و موظفة

يعني ما عندي ذاك الوقت اللي يخليني أبحث و أبحث عن طرق أخلرى للفهم..


في كل الأحوال يجب أن لا تكون الأسئلة أكبر من مستوى الشرح..

وفق الله الجميع

[دافنشي كود]

معيييض ..وييينك قبل الأختبار ماقلت لنا عن الأله

ليييه مافزعت لنا ..