أبشروآ بالمكرمه الملكيه .. راتبين إضافيين + بدل سكن لموظفي الدوله ..!

[إغتراب]

المشاركة الأصلية كتبت بواسطة أبو عـهـد

أخوي أمير القلب أعتب عليك بالكلام اللى كتبته وش حقوق الناس لايكون أثر عليك حقين تويتر وطقتهم أحمد ربكــ والله ان عايشين بخير وأمان عسى ربي يدومه راح شف الدول اللي برى وشلون عيشتهم احمد الله مستشفيات ومجانا تظهر من بيتك وأنت مطمئن لا عصابات ولا حرامية شف العالم كلهم عيونهم علينا بسبب الامان اللي مالقوه بديرهم عسى ربي يديمه علينا أخوي لا تقول هذا مسوي فيه وطني انا والله ما عبرت الا بضميري .

http://www.youtube.com/watch?v=cTcm3HVNvzE

:)

[مهند العتيبي]

ابو عهد كلامك عين العقل والله يديمها نعمه وامن وامان وهذا وحده يكفي .
وللي يتكلمون عن الفقر شيء طبيعي حتى بامريكا واغنى دول العالم يوجد فقراء
وناظروا عدد سكان المملكه ولاتقارننونها باقي دول الخليج اللي بعضهم مايجي نصف سكان منطقه وحده بس
وذا على الغلاء ترى بكل ديره مو عندنا بس واللي سافر وراح برا يعرف هالشيء .
حتى بانزين سيارتك تعبيه بالسعوديه فل 30 ريال اتحدى تحصل هالسعر بدوله ثانيه
انا اقول نحمد الله على النعمه اللي احنا فيها وياارب تدوم علينا والجحود من زوال النعم .

[الطرف الخجول~]

اقوووول اهم شي حفووزي يزيدونه

والشريكات بعد

ويكون فيه رقابه ع التجاار الطمع شيين

[Khaled.k]

إن شاء الله
يكون الخبر صحيح
أبو راكان تسلم ياحامل المسك والطيب

[ديار]

الفقر شيء طبيعي

وصار الفقر شي طبيعي

لا حول ولا قوة إلا بالله

[مهند العتيبي]

المشاركة الأصلية كتبت بواسطة ديار

وصار الفقر شي طبيعي

لا حول ولا قوة إلا بالله

ايوه شيء طبيعي لانه موجود بكل دوله .

وقال تعالى ((ان تكونوا فقراء يغنيكم الله من فضله ))الايه

[ام المعتز]

يارب الخبر حقيقة حتى لو انة أشاعة عشان نسافر الى مكة يارب

[أمير القلب]

المشاركة الأصلية كتبت بواسطة مهند العتيبي

ايوه شيء طبيعي لانه موجود بكل دوله .

وقال تعالى ((ان تكونوا فقراء يغنكم الله من فضله ))الايه

(وَأَنْكِحُوا الْأَيَامَى مِنْكُمْ وَالصَّالِحِينَ مِنْ

عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ (32)

سورة النــور

الفقر ياعزيزي عندما يكون المال وفير والشعب قليل وفقير

ليس عادي
وعلى فكرة الفقراء اللي في الدول التي تتحدث عنها
مهاجرين لايحملون الجنسية
المواطن أمره مختلف

إذا طبق العدل الإسلامي

ثم نمت وانا جائع وضمآن
فسأنام راضي ومطمئن

اللهم لاتجعل لظالم على المسلمين سبيل بعد يومنا هذا

[ديار]

ايوه شيء طبيعي لانه موجود بكل دوله .

وايش تفسر اختفاء الفقراء في عهد عمر بن عبد العزيز

أكيد لانه ماكان شي طبيعي أو ظاهرة طبيعيه



مو كل ظاهرة موجودة في الدنيا تكون شي طبيعي

[s3eed]

العساق واقف عند باب سكرتير الملك .. ينتظر إثبات المكرمه عشان يقصقص منها بكيفه ..

والتجار كرهونا في شي اسمه زياااده الله يزيد همهم هم ويمحق بركتهم يااارب ..