 |
|
||||||
| ملتقى المواضيع العامة منتدى المواضيع العامة والنقاش الهادف |
 |
|
|
أدوات الموضوع |
2009- 9- 26
|
#31 |
|
تميزت في قسم الخيمة الرمضانية
|
رد: اليوم الوطني.. بين تكـــســيــر & شجـــآآعة !!!
بصراحه اليوم الوطني حقنا بااارد حده مافي اي شي يدل على على انه يوم وطني غير الناس اللي تسوي ازعاج يعني لو انهم يسوون مواكب ترفيهيه او احتفالات وجوائز وينظمون يشغلون الناس كان احسن بدال ما يقعدون يراكضون في الشارع ويسون قلق حتىا الواحد يخاف يطلع من البيت الشباب ينجنون الحمد لله والشكر
وذول اللي سوو هالشي بصراحه ناس جاهلين يدل على همجيتهم مين من كانوو والمفروض يعاقبونهم ويفضحونهم عشان يكون رادع لهم ولأشكالهم |
|
|
2009- 9- 26
|
#32 |
|
أكـاديـمـي مـشـارك
|
رد: اليوم الوطني.. بين تكـــســيــر & شجـــآآعة !!!
والله تصرف همجي وطآآآآآآآئش
 مدري ذوولي كيف يفكروون ودي اسوي معهم مقابله ابي افــــــــــــهم اش اللي خلاهم يتفقوون وهم يحسبوون اللي يسوونه صح!! طبعاا هذا واضح ان مو قصدهم الاحتفال لآآآآآ!!!! شكلهم معاارضين بقووه عاد ابناء الوطن وش نقوول بعــــد الله يهديهم بسسسس........:praying: مشكووره (الغلا)علـــــى الطرح:011: |
|
|
|
2009- 9- 26
|
#33 |
|
أكـاديـمـي ذهـبـي
|
رد: اليوم الوطني.. بين تكـــســيــر & شجـــآآعة !!!
بصراحة ناس متخلفة مايعرفون يعبرون عن الفرحة الا بالتكسير حسبنا الله ونعم الوكيل كبدوا التجار خسائر فادحه والله ان دعوه من واحد من المضررين ان تنسفهم نسف وش ذول من دون أهل ولا رقاب والله شوهوا صوره عيال البلد وخربوا فرحه اليوم الوطني الله يهديهم ... يسلموو " الغلااا " ع الموضووع الرائع
|
|
التعديل الأخير تم بواسطة تهزني الذكرى ; 2009- 9- 26 الساعة 01:25 PM |
|
|
|
|
2009- 9- 26
|
#34 |
|
أكـاديـمـي
|
رد: اليوم الوطني.. بين تكـــســيــر & شجـــآآعة !!!
الله يهديهم بس
اليوم هو أحتفال عن اليوم الوطني يعني المفروض نرتقي بوطنا ونفتخر فيه مو نزيده خراب ودمار ونخلي الغير يتكلم عنا ونكون متخلفين بنظر الغير مشكوره خيتو عالطرح الرائع والله يصلح الحال :011: |
|
|
|
2009- 9- 26
|
#35 |
|
أكـاديـمـي نــشـط
|
رد: اليوم الوطني.. بين تكـــســيــر & شجـــآآعة !!!
أنا مو عارفه شعبنا السعودي شكلو يفهم الفرحه بالعكس والمقلوب !!!!!
وأن دل على ذلك يدل على نقص التربيه والرقي والأحترام وبصراحة يعجز اللسان عن التعليق |
|
|
|
2009- 9- 26
|
#36 |
|
أكـاديـمـي
|
رد: اليوم الوطني.. بين تكـــســيــر & شجـــآآعة !!!
يسلموو على المووضوووع
و انا كنت موجوده في كورنيش لخبر و حضرت و شفت كل اللي صار و بصراحه كان رعب و شي يخوووف امحق وطنيه اي وطنيه هاذي و اي حب للوطن اللي يخليهم يخربون يسوون اللي سووه و اصلا هي جات على المحلات و الشوارع بس اصلا محد سلم منهم حتى البنات تعرضو لهم و اللي كب عليهم ماي و اللي ما ادري وش سوا و السيارات كسروها يعني بصراحه كان شغب و تخريب عمري ما شفت مثله انا اول مره بحياتي اروح الكورنيش في اليوم الوطني و يوم رحنا انا و اهلي على بالنا بشوف العاب ناريه و فعاليات حلوه و يمكن نشوف ناس يرقصون و من هالسوالف ما توقعنا انه بيصير اللي صار ولا بعد يوم جات الشرطه عشان يهدوون الوضع و طبعا نص الشباب هربو و الناص الثاني مسكتهم الشرطه بس اكتشفت ان ما فيه ناس تخاف اكثر من الشرطه تدرون ليه؟؟ لانهم ما مسكو الشباب الكباار اللي تسببو باللي صار هم بس مسكو الاطفال و الشباب الصغار و على طول على مركز الشرطه يعني حرام تمسكون ناس ما سوو شي و تخلون المتخلفين اللي تسببو بكل شي تخيلو انوو اثنين من اخواني واحد عمره 14 و الثاني 13 و هم فيهم لقافه شوي و اول مره بحياتهم يشووفون شي زي كذا ما عمره مر علينا مثل هالشغب و التخريب المهم انهم راحوو يتفرجون و يشوفون يبون يعرفون وش السالفه و حتى يوم هربو الشباب عشان الشرطه جات هم ما هربو قالو ليه نهرب ما سوينا شي حنا تدرون وش سوت الشرطه بكل بساطه مسكتهم و دخلتهم بالدوريه وعلى مركز الشرطه و اخواني حاولو يفهمونهم ويقولون لهم ان مالهم ذنب بس لا حياه لمن تنادي و المشكله خذو جوالاتهم و ولا سمحو لهم حتى يكلمونا و قعدنا حول الاربع ساعات و حنا ندور عليهم مو لاقينهم و بالصدفه واحد من الشباب اللي كانو موجودين قال انه بيساعدنا و راح دور عليهم و راح مركز الشرطه و لقاهم و كلمنا يعني بصراحه شاب قليل اللي مثله و ناادر وجودهم للاسف و كان بعكس المتخلفين اللي خربوو بلادهم و هم على بالهم مسوين شي زين يعني ابي افهم شي واحد وش الهدف من هالتخريب وش بيستفيدون غير انهم يخربون سمعة بلدهم يعني وش بيقولون العاملين و الاجانب اللي في السعوديه بيقولون هاذي تربيه السعوديه لابناءها ؟؟ فيه احد يحب وطنه يسوي فيه كذا ؟؟ ليه يخسر وطنه و يخربه ؟؟ وش هالغباء اللي فيهم يعني هالمحلات و هالمطاعم ما سووها و حطوها الا لهم عشان يستانسون و ياكلون و يكون كل شي متوفر لهم يقومون و يخربونها ؟!!!!!! يعني هو الحين يعتبر اللي سواه انجاااز ؟؟ ولا يعني رجوله ؟؟ ولا ايش بالضبط انا ماني عارفه بصراحه شعب متخلف و قليل عقل و هو ابعد ما يكون للتطور و الرقي تصدقوون حسيت كأنهم مساجين و افرجو عنهم ليوم واحد يعني جنون لابعد الحدود .. مجانين و مجرمين >> بغيت اموت انا و خالتي  المتوحشين بغوو يذبحونا  بس ارجع و اقوول مو كلهم كذا فيه فئه قليله من الشباب راقين و تفكيرهم فوووق فووق ما اقول الا الله يكثرهم و يزيد منهم و يقلل من الفئه الاخرى>>> آمييييييييين يسلمووو مره ثانيه و سوري على التطويل و الكلام الكثير ههههه بس والله من حرتن في قلبي ((والله روعوني الله لا يعودها ان شاء الله)) و خلاص انا قررت لا صارت اي مناسبه وطنيه او غيرها اقعد في بيتنا مانيب طالعه لو يصير ايش .. ما ابي اموت ههههههه |
|
|
|
2009- 9- 26
|
#37 |
|
أكـاديـمـي ألـمـاسـي
|
رد: اليوم الوطني.. بين تكـــســيــر & شجـــآآعة !!!
ما اقول الا كل اناء بما فيه ينضح
والسعوديه تتبرى من هـالهمج الرعاع اللي ما يمثلون الا انفسهم واللي اعتبرهم عار على اهلهم ومجتمعهم ووطنهم وهالفئة المتخلفه .. الهمجيه .. البربريه .. اللي سوت هالشغب محتاجه دروس في الاخلاق والرقي يعني من جد شي يهز القلب ان تشوف شباب محسوبين على هالوطن يسوون هالتصرفات الغبيه والمشينه انا كنت متواجده في الواجهه ذاك اليوم بس الحمد لله اننا ما طولنا هناك ومشينا قبل لايصير اللي صار بس من جد احس ان قلبي عورني يوم شفت الصور والمقاطع للخبر بعد التخريب والتكسير ما اصدق ان مدينتنا الغاليه المتحضره يصير فيها كذا من البدو الرُحّل العراة رعاة الشاة واللي طبعا زي ما قلت مايمثلون الا انفسهم وما قصدي اهين احد او اعمم على فئه معينه واسمحوا لي اذا كان ردي فيه شوية قسوة بس بصراحه مقهووووووره على مدينتنا وللحين مو مستوعبه اللي صار .. وبالختام اقول حسبي الله ونعم الوكيل وما ربك بغافل عما يعمل الظالمون والله يعوض كل المتضررين ويصلح حال المفسدين وان شاء الله يلاقون اقصى عقوبه عشان ياخذون العظه ويكونون عبره لغيرهم .. |
|
|
|
2009- 9- 26
|
#38 |
|
:: مشرفة :سابقه
|
رد: اليوم الوطني.. بين تكـــســيــر & شجـــآآعة !!!
غ ـايب قمرها.~
ليش هم فكروا بغيرهم اصلا!!! اهم شي فرحتهم االي يعبرون عنها باسلوبهم الراقي!! الله الهادي! ساره الخبله المكان كان زحمه بشكل ماتتخيلينه يعني مايمدي الشرطه توصل والشرطه كانت تصعد ع الرصيف عشان توصل اسرع بس بعد مايمديها لانهم يقطعون الشارع لم يخلصون من جهه ويكملون ع الجهه الثانيه والشرطه ماتروح مكان الا هم بمكان ثاني اسم الله عليهم خبره ايدينهم ورجولهم خفييييييفه!! .. Jόόd }● ~ هم مامنعوا الاحتفال الا بعد الي صار من شعبنا الحبيب! يعني يقولون لهم احتفلوا >>يفحطون ويموتون الخلق بسياراتهم ويكسرون المطاعم ويأذون العماله! وكل سنه يزيد آذاهم ولازززم المنع مو بالكلام بالفعل اي واحد يسوي قلق ذاك اليوم يسحبون بطاقته ويتصرفون معاه  يالله ينفع معاهم! ماينعطون وجه!!! نبي نطلع نستانس نلاقيهم ياليت بس ع الزحمه كان هانت! الله يرحم حالهم! رهوش نفس كلامي انا اقول لازم يشهرون فيهم!! ولو حنا بامريكا كان قدروا من المقاطع الي يكسرون فيها يجيبون خبيرين يثبتون الصوره ويلقطون الوجه ومن نبرة الصوت الي قاعد يقول نروح نكسر المطعم الفلاني بالفيديو يقدرون يجيبونه!! بس ياخلاف شنقول!!! عساهم يمسكونهم ويكونون عبره لغيرهم!! محد ضربهم ع ايدهم وقالهم تهمجوا وكسروا هم الي بدوا يتحملون دلعلع ذولي الي بداخلهم كببببببببت مساكين مكبوتين وتلاقين الي بدون وظيفه والي معصب من البطاله يجون يحطون حرتهم بهاليوم ويكسروووون هذي طريقتهم بالتعبير!! الله يهيديهم ويرجع لهم عقولهم ويثبتهم! تهزني الذكرى معاااج حق وهم مافكروا بغيرهم كسروا وسرقوا وضربوا شباقي يفكرون فيه اذا كانوا اصلا يفكرون! تفكيرهم محدود ع مصلحتهم ومصلحتهم بالي سرقوه ربي ماراح يهنيهم لانه حرام!! الله يساعدهم ع انفسهم! أسيل اي والله بهذي صدقتي انا لم كنت هناك شفت كويتيين بسيارتهم احسهم يطالعون ويقولون وشو هذا!!!!  :o3:من جد رحمت نظراتهم بس مالومهم انا رحت احتفاال الكويت طبعا هم عندهم الف احتفال بالسنه ولا احد يمنعهم لانهم راقين والله راقين الصور والبخاخات واحترام العوائل والله ان حتى الشرطه تحتفل معاهم الشرطه عملها بذاك اليوم بالكويت تنظم السير للزحمه بس!! مو تطارد ورا فلان وعلان!!! تراتيل الروح انا مومعاج انه يدل ع التربيه لا والله مو شرط تلاقين الام والاب ربوا ولاقصروا بس اولاد هالزمن مو كلهم طبعا شما تربين فيهم بدون فايده الصديق بالهزمن ياثر بقوووه ع صديقه ((الصاحب ساحب)) يعني والله حرام نلوم الاهل وهم مابيدهم شي ربوا ولاقصروا وشذنبهم اذا ولدهم طلع بهالصوره!! طبعا في الي يقصرون بس الام والاب مايقصرون عمدا! (الا من رحم ربي) يعني يمكن لكبر سنهم او جهلهم او حالتهم الماديه يصيرون مقصرين يعني غصبا عنهم يقصرون والاولاد من غير شي مو منتظرين احد يحاسبهم الي ماخافوا من ربهم بالي يسوونه بيخافون من ام ولا شرطه ولا حكومه!! الدنيا دواره والي سووه بيلاقونه بحياتهم!! الدلع اسلوبي اولا تسلمين ع المشاركه والتسجيل بالمنتدى عشان تشاركين بهالموضوع!! ههههه انتي مثلي حنا رايحين عشان الالعاب الناريه بكل برائه ننتظر الالعاب الناريه ودخلنا نتعشى وصارالي صار!! وهذا انتوا احد المتضررين من تصرفات هالشعب الراقي!! والله كسروا خاطري خوانج!! ياقلبي عليهم رحمتهم رايحين يستانسون دخلوا مخافر!!اشوا ان اخوي مو جرئ ويخاف من الزحمه عمره 9 سنين وكان معانا بسس الشباك ماكار راضي يفتحه!! اي والله انا حسيت مثلج من وين طلعوا كل ذولي فجأه ماخبرت شبابنا هالكثر بالشوارع ولا من حب الوطن!! زحمتهم كانت تخوووف والي سووه العقل مايستوعبه! بس هم اهم شي يرضون انفسهم وغرورهم وحاجاتهم ويتزيعطون قدام ربعهم!! بس الله يمهل ولايهمل!! حرام عليهم كل الي سوووه الله يحاسبهم ان شاء الله والشرطه والله ماكان بيدها شي حاولوا قد مايقدرون يسيطرون ع الوضع بس شيسوون والله اانهم كانوا حتى ع الاشارات يتسلقون ((ينقال أوادم)) مادري شالطاقه الي انفجرت عندهم بذاك اليوم!!! بس سؤال اخوانج شصار عليهم!! والله يعطيه العافيه الي ساعدكم بين 100 تلقين 1 بالغلط طالع فيه خير!!! |
|
التعديل الأخير تم بواسطة الغلا ; 2009- 9- 26 الساعة 03:29 PM |
|
|
|
|
2009- 9- 26
|
#39 |
|
أكـاديـمـي
|
رد: اليوم الوطني.. بين تكـــســيــر & شجـــآآعة !!!
:mh19: ما اتوقع انها فرحه ابد
يعني :o3: تكسير وتخريب يدل على فرح :s3: هذي يالغاليه كانهم يوجهون رساله من خلالها ولا في موطن سعودي يكافئ وطنه بهذا الشغب :103: بس ما أقول الله يهديهم :praying: |
|
التعديل الأخير تم بواسطة طالبه مجتهدة ; 2009- 9- 26 الساعة 03:42 PM |
|
|
|
|
2009- 9- 26
|
#40 |
|
:: مشرفة :سابقه
|
رد: اليوم الوطني.. بين تكـــســيــر & شجـــآآعة !!!
لاتغرك ضحكتي
مو هذي المشككله انهم محسوبين من الشعب محسوبين!! حسافه فيهم انهم يعيشون في السعوديه!! غيرهم امنيه حياته وررربي يكون سعودي او حتى يعيش بالسعوديه وذولي شايلين الاعلام بالاسم ويخربون ياخي ليش تناقض نفسك تشيل العلم السعودي وتخرب بلدك!!! العقل عندهم اتوقع خارج نطاق التغطيه!! الله يعينهم ع مابلاهم! والله يصبر اهلهم ع هالبلوه عصابات وربي عسى مايكون هذا تاثير المسلسلات التركيه  بس مااتوقع لان من يومهم هذا اسلوبهم بالاحتفال بمثل هالمناسبات بس اللهم انهم يطورون اسلوبهم للاردى كل سنه!! |
|
|
|
| مواقع النشر (المفضلة) |
| الكلمات الدلالية (Tags) |
| اليوم, الوطني, بين, تكـــســيــر, شجـــآآعة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| لحظات غريبة بين اثنين ...خلقت الحب في قلبين | نجمة الليل | ملتقى الفنون الأدبية | 12 | 2013- 12- 18 03:29 PM |
| خطة القبول للطلاب/الطالبات بجامعه الملك فيصل 1430 | غلا الحنين | ملتقى المواضيع العامة | 1 | 2010- 8- 17 05:32 PM |
| أخبار الصحف السعوديه لـ يوم الإربعاء 04/10/1430 هـ | عـزام الشمري | ملتقى الرياضة | 1 | 2009- 12- 12 10:39 AM |
| اليوم الوطني للمملكة العربية السعودية | طب تأهيلي | منتدى الأكاديمية الدولية للعلوم الصحية | 2 | 2009- 9- 24 02:05 AM |
| اسرار البناااااات | كت كات الخبر | منتدى كلية العلوم و الآداب بالنعيرية | 21 | 2009- 2- 25 05:40 PM |
