[ اسئلة اختبارات ] : انطباعكم عن اختبار [ نظم المعلومات الاداريه ]

[fofokfu]

أستغرب من اللي يقول صعب انا ذاكرت اسئلة ال 3 مستويات مع الملخص ماخرج منها ولا بسؤال والاسئلة واضحه والخيارات واضحه جدا تقريبا من 10 الى 15 سؤال جديدة لكن اللي ماذاكر ولا اهتم لايجي يلوم الدكتور والله العظيم لالف ولا دوران ولو نزلت الاسئلة خذو الاسئلة السابقة وقارنوها لكن انتو مادري شلون ويبون يرفعون تظلم بعد انا معكم لو الاسئلة صعبة بس الرجال ماقصر ابد انتو المقصرين لا احد يزعل هذا الواقع نسخ لصق بس ماذاكرتو

[DINA_]

الاسئله متوسطه نوعا ما

بس حرام اكون مذاكرتها عشر طعش مره من كثر ماخوفوني منها ومع كذا تلخبطت

بعض الاسئله من بين السطور

الله يسامحك يادكتور بس

[abo shooog]

😡😡والله من القروشه
خيارات تفقع الراس من تشابها

[ادارة اعمال22]

الله يعينا أن شاء الله ما نحمل المادة

[muneera_a_b]

المشاركة الأصلية كتبت بواسطة b.b.a

السلام عليكم

بصراحة وبدون مبالغة الدكتور ماقصر، الاختبار كان جميل جدا وواضح للي ذاكر
بيض الله وجهك يادكتور عثمان

حاب اشكر كل الاعضاء اللي اجتمعنا معهم بهالقسم عسى الله يوفقكم جميعا

كل الشكر للاخت أم حنان اللي كان لها دور مميز في ورشة المادة والاخت توليب أيضا

ياليت يكون في احد صور الاسئلة، حاولت اصور ولكن كانت القاعة صغيرة مع وجود مشرفين

اللي صور ياليت يرسلهم لي او للاخت توليب وبالتالي ترسلهم لي وابشروا بالحل النموذجي

لي عودة ان شاء الله بعد المغرب لمناقشة الاسئلة المشكله

ماعندي شي ازيده
اللي مذاكر ملف ام حنان بيعديها اذا ماجاب الفل مارك.

الحمدلله على قد التعب وكان حلوو

[سلطان ادارة]

لزم نكتب تظلم علي الاسئلة .:/

الاسئلة فيها لخبطه كثير انا مذاكر بس عجزت احل .:/

عطونا صيغه تظلم ونرسلها للجامعة .:/

[pearl909]

مع اني شبه مذاكره الا كميه لخبطه وصعوبه وسوسه جتني بالقاعه

الله يستر احس اني ماش يارب بس يدفوني

نموذجي كان B واللي ماعرفه احطه ج

بالله اللي مصور الاسئلة ووده ينزلها بس بيتأخر يعلمنا

ورانا اختبار بكره

[فلسفة شموخ]

المشاركة الأصلية كتبت بواسطة الوفاء القرني

أستغرب من اللي يقول صعب انا ذاكرت اسئلة ال 3 مستويات مع الملخص ماخرج منها ولا بسؤال والاسئلة واضحه والخيارات واضحه جدا تقريبا من 10 الى 15 سؤال جديدة لكن اللي ماذاكر ولا اهتم لايجي يلوم الدكتور والله العظيم لالف ولا دوران ولو نزلت الاسئلة خذو الاسئلة السابقة وقارنوها لكن انتو مادري شلون ويبون يرفعون تظلم بعد انا معكم لو الاسئلة صعبة بس الرجال ماقصر ابد انتو المقصرين لا احد يزعل هذا الواقع نسخ لصق بس ماذاكرتو

صح كلامك الي ذاكر بيحل الاسئله ماخرج عن المنهج وواضحه الي يبي الدرجه يسعى لها ويدرس من البدايه مو وقت الاختبار يحط اللوم ع الدكتور

[فلسفة شموخ]

يعطيك العافيه ام حنان ولكل من شارك جزاكم الله خير وفالكم التفوق والنجاح بحياتكم العلميه والعمليه

[ناعمة عود]

صعب مره 😢
احسه ملخبط وااجد
والسؤال مو نموذجي ابدا 😣

عسى مااحملها بس 😭