[ المستوى الرابع ] : جميع الجغرافيين جغرافيا المملكه العربيه السعوديه

[fahad15]

بطني يمغصني

<<< رايح للاختبار


بالتوفيق للجميع

[fahad15]

ضحك علينا كلها بين السطوور عدا كم سؤال من الاسئله السابقه

علي العمووم الله يسامحه لا تواريخ ولا ارقام كثر منها

[يارا511]

No Comment!!!!!

[ABU-SAMI]

وشلونكم يالربع

الاختبار يبي له ثقافه عامه وكثير من الاسئله ماهي موجوده بالمحاضرات

اغلب الاجوبه ما بين الف والباء

السئوال الي يخص نوع الجنس بالكثافه حاط خيار الاطفال وصغار السن وكلها صح ما ادري وش يبي بالضبط

وادي السرحان حاط في اي منطقة يتبع وهو لم يذكرها بالحاضرات عدا انه قال شمال المملكة والمصيبه انه حاط الحدود الشمالية وتبوك وهو عموما بالحدود الشمالية

التعدد السكاني المعتمد لم يحدد في سنه تم اعتماده من خلال المحاضرات

الرياح الرطبه للمرتفعات لم يأتي لها ذكر بالمحاضرات عموماً هي الجنوبية الغربية


الاختبار يعتمد على الثقافة المكتسبه وليس مراجعات المحاضرات


الحسنه بالاختبار ان فيه اسئله عديده مباشره وان شاء الله الجميع معديها

[Khlood.A]

قاهرني الأختبار
مدري وش هببت ماقهرني الا التواريخ لو سوا جميل وحطها بالهجري والميلادي
اصرف ليه ينطقها بالمباشرة ميلادي والخيارات هجري وانا رحت تفلسفت وحفظت
ميلادي الله المستعاان

[جغرافي1]

كالعادة ،،،،، اعتقد هو ما يبي احد ياخذ معدل زين

اكثر من سؤال غير موجود بالمحتوى ،،،،،،،،،،،،،،، لا تعليق

[fahad15]

اقسم بالله ياخلووود اني لاحظت عليك تهتمين في الميلادي قلت اكيد البنت حفظت ميلادي وهجري

وشفت من مراجعاتك كلها ميلادي هههههههههههههههههههه

المهم سهالات اناا بررب اليوم من عندكم بروح لعلم الاجتماع عندي بطره الانترنت والاتصالات بكره في الليل بجيكم هنا ههههههههههههههههههههه
عندي اخر اختبار صور جويه واستشعار عن بعد

[يارا511]

السلام عليكم

مين في المستوى الرابع منزل معانا الجغرافيا الحيوية والتربه من المستوى الخامس؟؟؟
اللي عنده شيء مهم للمادة ينزله..

[جغرافي1]

المشاركة الأصلية كتبت بواسطة يارا511

السلام عليكم

مين في المستوى الرابع منزل معانا الجغرافيا الحيوية والتربه من المستوى الخامس؟؟؟
اللي عنده شيء مهم للمادة ينزله..

عندي هالمادة وفي موضوع لتجمع المادة

[ماجد من حرب]

هالدكتور من البشرية منكد علينا