هل تعدلت درجتك بعد التظلم ؟ نعم / لا ( عاااجل فتح ايقونة استعلام عن التظلمات )

[اقلام لاتمكث]

المشاركة الأصلية كتبت بواسطة د/ أبو خالد

الرد خلال 24 ساعة

و ان شاء الله تتعدل و اتخرج يارب

دعواتكم يا جماعة

الله يوفقك اخوي وتبشرنا بالتخرج

[أبو عبدالله]

لازم يكون لنا ردة فعل جماعية وذالك بارسال ايميل للفريدان بخصوص عدم التعديل
وبخصوص الرد الالكتروني الي يعتبر تخدير لنا

وانا متاكد كل التاكيد اني حصلت ع جميع درجات المشاركة 30 من 30
وذالك بالتاكد عن طريق الخارطة ولكن انصدمت ان التحليل الاحصائي ماخذ 99 من 100
صحيح مايهم ولا بيفرق درجة ولكن عشان بس نبين للفريدان انه لم يتم انظر في موضوع التظلم
ومن ناحية اخرى اكون مع الجميع وايميل مني ومن الكل نساعد الاخرين

[Friendly6Shark]

السلام عليكم يابني آدمين,,,

- هذا موضوع كتبته قبل فتره ولكن للاسف حذفوه وكان عنوانه: هل تقبل الجامعة الحراام؟؟!!
- والله مادري من وين ابدأ ولكن راح اقول الي في خاطري واتوقع في خاطر اغلب الطلاب والطالبات لانه بصراحة طفح الكيل وقرفت من هذي الجامعة الي تثبت في كل مرة فشلها وسرقتها لحقوقنا.

- بكل بجاحة يتم خصم درجات المشاركة من كل المواد وكأنهم يتفاخروا بحرماني حقوقي وهذي مي المرة الاولى الي تخصم فيها الدرجات بدون وجه حق والي اصبحت اعاني منها تقريبا في كل مستوى واثرت على معدلي والمشكلة اني اقوم بعمل تظلم في كل مرة ولكن للاسف لايتم انصافي ويأتي الرد بان التظلم غير صحيح وان الجامعة هي الصح.
- والان عملت تظلم على كل المواد لكن اشك انه راح يصير شي.


- ما يكفي الي شفناه من الدكاتره وكيف تفننوا في تعقيدنا.

- يشهد الله اني عملت كل ماهو مطلوب مني من تحميل المحاضرات المسجلة مرتين ومشاهدتها اكثر من مرة للتأكيد والمشاركة في كل المناقشات وحل جميع الواجبات وحضور كل المحاضرات المباشرة وتحميلها وهذ كله عشان لاتنخصم اي درحة من المشاركة ولكن للاسف لا حياة لمن تنادي كأني اقولهم اخصموا ما عليكم مني.


- الي يصير من الجامعة الموقرة والله اعتبره ظلم وحرام ولا يحق لهم ان يحرموني تعبي وجهدي وكأنهم يحاولون احباطي وتشويه صورة الجامعة في نظري. والمشكله اني حاولت الاتصال بهم على الرقم المجاني 8003030308 اكثر من مره قبل رصد الدرجات للتأكد لاني شكيت في الخارطة الاكاديمية بان هناك غلط ولكن للاسف انلطع على التلفون مابغى ابالغ ولكن والله كل مره قرابة الساعة ولا احد يرد وكتبت موضوع في المنتدى بخصوص هذه المشكلة ولكن بعض الطلاب ردوا ان اوضع طبيعي وسوف تتغير بعد تحديث الخارطة ولكن حدث ماكنت اخشاه.

- ما اقول الا حسبي الله ونعم الوكيل اذا هم ظلمونا او انهم يقبلوا الحرام والله ارسلت للفريدان في توتر وكتبت له يشهد الله اني متنازل عن مكافئة التفوق وما ابغاه بس لا عاد يخصمون من درجات المشاركة بغير وجه حق الي تعبت فيها واتمنى انه يلتفت لحقوقنا ويراعي الامانه الي في رقبته وانتظر انه يرد علي ولكن ماني متوقع انه راح يرد.

- عموما كل ترم يمر علي اكتشف فيه اني درست مع افضل دفعة من طالبات وطلاب وتشرفت بزمالتهم ولهم الفضل بعد الله في نجاحي ولكن للاسف درست في اسوأ جامعة في البلد.

- اخيرا, اقول الف مبروك للي نجح وهاردلك للي حمل مواد.

[دافنشي كود]

للاسف ماتعدلت مع اني متأكده حليت كل شي

كاتبين النقص عندي بالمناقشات


طيب ليه بالخارطه الاكاديميه يطلع كل شي صح اخضر

!!!!

[فجوره1]

وانا بعد اربع وعشرون ساعه.....ياررب حقق لنا أمنياتنا .....في هذا الشهر الكريم

[د/ أبو خالد]

المشاركة الأصلية كتبت بواسطة اقلام لاتمكث

الله يوفقك اخوي وتبشرنا بالتخرج

<div><br></div><div>الله يجزاك خير</div>

[muneera_4]

ماتعدلت وانا متاكده من اكمال جميع المحاضرات والمناقشات والواجباتبس يقولون لي بان الواجب الاول 0 والثاني3 والثالث 4
حسبي الله عليهم والله متاكده اني مكمله كل شي حتى الخارطه تاكد كلامي

[البراء]

ما تعدلت

[أبو عبدالله]

ياليت تتفقون انه يتم ارسال ايميل للفريدان وكلنا نرسل له نفس الايميل
عشان تكون ردة فعله اتجاهنا لصالحنا ، انا متاكد ان الفريدان مايدري وش الي قاعد يصير

اذا اتفقتوا ترسلون راح نضبط صيغة ونرسلها لايميله

[أبو عبدالله]

وراح نعطيه تنبيه بالتوتير انه تم ارسال لك ايميل
وراح يفتح ايميله ويقرا العدد الهائل الي مرسلين له
وفي حال ماتعدل الوضع نقتبس الايميل ونرسله لوزارة التربية والتعليم
مايضيع حق وراه مطالب
عن نفسي ارجع واقول ماعندي الا درجة التحليل الاحصائي مع العلم اني حاصل ع ٩٩ من ١٠٠
بس ابغى اشارك عشان ننصر الطلبة الاخرين