[ اسئلة اختبارات ] : تواريخ الخليج العربي اسهل من شربه المويه سم بالله وجب لك بياله شاهي وتعال التدخين ممنوع

[TheFox2006]

يعطيك العافيه

[الهاي]

الله يعطيك العافيه

[علم اجتماع 1144]

المشاركة الأصلية كتبت بواسطة مشعل باسكلاني

امس كان في موضوع لاحد الاخوات بتبسيط تواريخ الخليج العربي
في طريقة يبغا لها تركيز شوي وباذن الله بتكون اسئله التواريخ سهله جدا
خطوات وتطبيق مره مرتين وبتحصل ان اسهل شي بالمادة صارت التواريخ
سم بالله سبحانه وركز
الفكره نبدل التواريخ بالقرون
كيف نطلع القرن من التاريخ ركز ياشنب وركزي ياشنبه
مثلا عندنا تاريخين
1532 نطلع القرن منه باضافة رقم واحد للخمسه يعني تصير 1632 يعني بالمختصر القرن 16
ركز يابطل يعني 1500 القرن 16 والف وست القرن 17
يعني نضيف رقم واحد للعدد الثاني ويطلع القرن
لازم تضبط ذي وبعدها كل شي سهالات
يعني حدث صار 1400 معناها بحسبتنا القرن 15 1700 بحستنا القرن 18
والتاريخ ذا 1542 بحسبتنا يطلع حدث في القرن 16
خلصنا الحين طبعا هالطريقه بتكون ميه بالميه لان الدكتور قال ماراح اجيب تواريخ متقاربه اقل شي بينهم 100 سنه وهذا المطلوب
نجي الحين نقسم الاحداث على القرون

بيجيك تاريخ فيه 1400 كثير وهذا بحسبتنا اضافه واحد يطلع القرن الخامس عشر
ماعلنيا من الرقم االي بعد الاربعه مهما يكون المهم الحدث صار عندنا القرن الخامس عشر

خذ عندك الاحداث الي وقعت القرن الخامس عشر اربع احداث بس
1/ فقدت جنوا مركزها بعد سقوط القسطنطينيه على يد الاتراك مو مهم التاريخ لاننا عرفنا انها بالقرن الخامس عشر يعني بدايه التاريخ بتكون 1400 وكذا كذا مايهمنا
2/وقعت تجاره التوابل بيد المسلمين
3/ اكتشف البرتغاليين راس الرجال الصالح
4/عبر البرتغاليون راس الرجاء الصالح ووصلوا لشرق افريقيا
خلصنا القرن الخامس عشر

نجي للتوزاريخ الخاصة بالدول

البرتغال حبيبة القرن السادس عشر
التواريخ الخاصة بالبرتغال
من تسمع اي شي برتغالي وحدث برتغالي
على طول يروح بالك للقرن السادس عشر
كل كل الاحداث مهاجمه معاهده معركه احداث فوره ونشاط برتغاليه كلها 16

واذا جاك سوال نكسه خساره فقد على طول يروح بالك للقرن السابع عشر
نكساتهم في القرن 17 اقصوهم الهولنديين من سيرلنكا - طردوهم الانقليز والفرس من الخليج
يعني كل عمل ايجابي لهم القرن 16 كل لزخه او هزيمه او شي يعطي موشر على الضعف القرن 17
نطبق هنا مثلا
يقولك تم طرد البرتغاليين من الخليج عام
ومعطيك خيار
1623
1732
نطبق هنا طبعا قلنا نكبه يعني القرن 17 واذا بغينا نطلع السنه ننقص واحد من القرن يطلع 16 يعني 1623 وهكذا


نجي للاستاذه هولندا
كل انتصاراتها مرتبطه بالقرن 17 ومعاداتها وانشاء الشركه الهنديه وكذا
ماعدا حادثتين مرتبطه بالقرن 18
1/اشتركت بحرب استقلال امريكا وهو سبب نكبتها
2/انتهى دور الشركه الهنديه
وفيه ثلاث حداث هولنديه مرتبطه بالقرن السادس عشر
1/بداء التفكير لاسيا والشرق
2/اجتماع تجار امسترادام
3/خروج اول اسطول بحري لاسيا

القرن الثامن عشر واحداثه قرن عماني على فرنسي على بريطاني خفيف
نجي للقرن الثامن عشر وهو تقريبا قرن فيه احداث عمانيه
1/دعوه فرنسا للسلطان احمد لحكم عمان
2/طرد الفرس من مسقط
3/اول اتصال بين فرنسا وعمان

وحدثين في القرن 19
القرن 19 حبيب الكل نرجع ونقول القرن 19 يعني بحسبتنا عام يبدا ب 1800 وبدال الصفرين يحط الي يحط
1/معاهد بريطانيا مع البوسعيد
2/المرحله الحاسمه للصراع القواسم وبريطانيا
فيه حدث غثيث جاي بالنص ذا عاد تحفظه لحاله مالي دخل بك بقعد تحسب ماتحسب زود واحد نقص واحد
الحدث هو
1980 : التوقيع على النظام الاساسي لمجلس التعاون بابوظبي
وفيه واحد حليووو
2003: خارج بالجمارك وانشائها
2088: انشاء السوق الخليجي المشترك

وقضينا من هالهم الي اسمه تواريخ ضمان ضمان لو عرفت الطريقه وجلست بس نصف ساعه ان تحفظهم اصلا مخك من يوم تشوف السوال بيجلس يضيف واحد وينقص واحد خلاص دايركت
موفقن الله يسهل عليكم يارب
مابي شي ابد ابي الدعاء لوالدتي بان ربي يعافيها ويشافيها
وعسا ربي يوفقكم لاعلى الدرجات

واتمنى من ادارة المنتدى تكرما انهم يرسلون لي الرقم السري لاني ضيعت الايميل تبع النك ولاني قادر ادخل االا من هالجهاز لان الكلمه محفوظه فيه
اتمنى اذا احد من الاخوان عنده طريقة تفيدني لاني ضيعت باسوورد ايميلي الي مربوط عليه كذا منتدى
وفالكم التوفيق والنجاح يارب

عندك خطأ
الحدث هو
1980 : التوقيع على النظام الاساسي لمجلس التعاون بابوظبي الصحيح 1981
وفيه واحد حليووو
2003: خارج بالجمارك وانشائها
2088: انشاء السوق الخليجي المشترك الصحيح 2008

[m---s]

الله يعطيك الف عافييييه ماقصرت انا رتبتها في وورد وطبعتها بذاكر منها بس السؤال هنا...

هل هذي جميع التواريخ اللي في المقرر ؟ اخاف يطلع لنا بتاريخ من هنا ولا هنا :)

[R A E I D]

احب اهديك من هذا المنبر الفخم واقولك
إنتا معلم .. وإحنا منك نتعلم
نسكت وإنتا موجوود.. ما نرضى نِتكلم :)

[أم همس]

الله يجزاك خير ويوفقك ... رائع اختصارك

[Dr.Ray]

يعطيك العافية اخي

فكرة مبتكرة يجزاك الخير



المقلب الحقيقي يجيب الدكتور تواريخ متقاربة

[ابومعدي]

مشكور اخوي مشعل

[فيرزاتشي]

ياجمااااااااااال هالموضوع والله
ماشاءالله فكررتن زززززينه
شكررررررا جزيلا
سهلتها علينا الله يسهل لك

[فهد البشري]

بيصير فيها شقلبه
ولكن
خذوها قاعده ايران خسيسه من قديم في تحالفاتها ضد
العرب
وعلاقاتها مع الروس