[ تجمع ] : ساعدوني مفصولة او اعيد من جديد بعد ماخلصت ثلاث سنوات

[سـلـطـان♕]

المشاركة الأصلية كتبت بواسطة aboo11d

ماتوقع انه صحيح
خصوصا اذا تخرج وش المانع مايخذها
اهم شي الحين شدي حيلك وارفعي معدلك
لايصير لك مثل الترم اللي راح
الله يوفقكك

الا صحيح اخوي اذا معدلك اقل من ٢ ما تتخرج يدرسونك مقررات عامة لين معدلك يرتفع فوق اثنين وتتخرج رسمياً لأن اقل من ٢ راسب ومافي وثيقة تتخرج ويكتب فيها التقدير راسب

[Aboo11d]

الله يعطيك العافيه اخ سلطان ع التوضيح

[سـلـطـان♕]

المشاركة الأصلية كتبت بواسطة aboo11d

الله يعطيك العافيه اخ سلطان ع التوضيح

الله يعافيك اخوي في الخدمة

[املي بالله وحدة]

تعبت نفسيا من هالجامعه

[شعب عاصفة الحزم]

المشاركة الأصلية كتبت بواسطة سـلـطـان♕

الله يعافيك اخوي في الخدمة

التعارض. اخوي سلطان السلام عليك ابغى أسألك متى تفتح أيقونة التعارض

من جهازي GT-N7100 بواسطة تطبيق ملتقى فيصل

[سـلـطـان♕]

المشاركة الأصلية كتبت بواسطة شعب عاصفة الحزم

التعارض. اخوي سلطان السلام عليك ابغى أسألك متى تفتح أيقونة التعارض

من جهازي gt-n7100 بواسطة تطبيق ملتقى فيصل

وعليكم السلام اختي بعد ما يقفل تسجيل المقررات يوم الخميس راح تتفعل ايقونة التعارضات يعني يمكن الاسبوع القادم او اللي بعده

[بدنيتي محتارة]

المشاركة الأصلية كتبت بواسطة املي بالله وحدة

والله جد انا غبية وكسلانة من ٢٠١١ وانا داخلة الجامعة كل سنة اخذتة بسنتين يعني صارلي بجامعه ٧ سنوات ماتخرجت ويقلون عطوني فرصة اضافية اربع مرات بعد الانذرات والله ورطة مابعدها ورطة

على فكرة ياقمر أنا من 2013 موجودة في الجامعة المفروض اتخرج قبل سنتين وتخصصي علم الاجتماع والخدمة الاجتماعية وأوول سنة بالجامعة رسبت في مادتين الترم الاول والثاني وسارت عندي 4 مواد الحمد الله عديتها وياما اتخاصمت من اهلي وكنت ابكي واشيل هم وجاتني ايام انام بعد المغرب ومااصحى الا لصلاة العشاء وكنت افتح عيوني كل شوي وتعبت نفسيا وجسديا بس قويت نفسي بفضل الله وصحباتي الاثنين الله لايحرمني منهم وكنت ابي اسحب من الجامعة بس خلوني اكمل واليوم اقولك انا ليا ستة سنين بالجامعة وعلى وشك تخرج لإن كنت اخذ مواد قليلة واشد حيلي وفكرت صح ونا اقولك اتوكلي على الله وشدي حيلك وروحي الجامعة وشوفي ايش تقدرين تسوين عشين تنجحين لا تيأسين قوي قلبك وخليكي إيجابية بدل ماتكوني سلبية وشكرا كلامي كثير

[شرقاوي منتسب505]

المشاركة الأصلية كتبت بواسطة املي بالله وحدة

مساء الخير ياناس انا ضاقت على الحيلة وضاقت على الدنيا يعني انا خلصت ثلاث سنوات اداره اعمال 91 ساعه بقى سنة صدق اني لي خمس سنوات بجامعة وعلي انذرات وعطوني فرصة اخيرة ثلاث مرات او اربع ومسكر علي النظام وكلمت الجامعة قال الموظف برفع لك طلب هذا الكلام من الاثنين قال ان جا الخميس مافتح تعالي اخذي رقم جديد كيف اعيد من جديد واناخلصت ماعاد بقى الا سنة يعني بكره بروح الجامعة اتفاهم معاهم شسوي وش الحل كيف احد يعطيني فرصة شقالو احد صار معاها كذا وربي صارلي ظروف مايحتاج اذكره هي الي خلتني كذا والعمل طويل واصرف على عايلة مصيبه وكارثه ابي شهادة الجامعة ساعدوني ياناس

نعم انا نفس مشكلتك لي ثلاث سنوات ادرس وعلي انذارات كثيره رحت لهم قالوا بنعطيك رقم جامعي جديد وتعيد من جديد او اسحب شهادتك ومع السلامه قلت خلاص الله يعين اعيد من جديد والان مستوئ ثاني ونقول الحمدالله علئ كل حال

[املي بالله وحدة]

الحمدالله على كل حال انتهت المشكلة

[املي بالله وحدة]

اوف قوية لية ماخذت فرصة خساره الفلوس غبنه والله كان رفضت قولي عطوني فرصة ارفع معدلي احنا شفناها تعليم عن بعد قعدنا نتهاون غلط