افتحوا مركز اختبار بعرعر

[عاشق الترحال]

السلام عليكم ورحمة الله وبركاته
اسعد الله مسائكم بكل خير
هاه كم وصل العدد ؟؟؟؟؟

[حياة الرووح]

[align=center]بو محمد
تراك فاهم غلط مركز الإختبارات عمرك ماراح تتأكد انه صار موجود عندنا إلا قبل الإختبارات باسبوع او اسبوعين الحين صعب يقولون لك فيه مركز والا لا

احنا كل اللي نسويه نجمع 20 طالب وطالبه << شكله مافيه طالبات غيري

وبمجرد انه يكون فيه 20 منتسب يختارون مركز عرعر قبل الاختبار خلاص تكون ضمنت المركز يبطلونه قبل الإختبارات باسبوع ويعطونا عنوانه وبسسسس

والمركز اذا تبطل خلاص مايتسكر مره ثانيه حتى لو قل العدد "على حسب ما اعتقد "

شوف هالرابط راح تاخذ فكره اكثر
http://www.ckfu.org/vb/t80588.html

المسأله سهله ترا ,, وبعدين خل افتن ترا عاشق الترحال هذا اللي فوق من اهل عرعر ويمتحن بالحسا امسكه


شنوووو الجووف؟؟؟؟؟ فيه جامعه بالجوف ؟؟؟



تم الرد على موضوع الجامعه في منتديات عرعر[/align]

[حياة الرووح]

[align=center]

المشاركة الأصلية كتبت بواسطة عاشق الترحال

السلام عليكم ورحمة الله وبركاته
اسعد الله مسائكم بكل خير
هاه كم وصل العدد ؟؟؟؟؟

عليكم السلام والرحمه

ههههههه اما كم وصل العدد حشا داش بورصه

تو الناس وقت التسجيل يبين كل شي

همتك معانا وثق تماما بيزيد العدد[/align]

[ابو محمد الشمري]

[align=center]
ايه فيه جامعه بالجوف 1500 ريال الترم اسلاميات ولغه عربيه فقط لاغير وبسكاكا الاختبار ..

زين نبهتيني للنقطه هاذي سالفة مركز الاختبار ...

عاشق ماودك تسجل معنا تراء عرعر بها ثلوج هالسنه احسن من حر الشرقيه تعال سجل

بخصوص العد وصل عشرين وزيادة بس الاشكاليه هو عملية التنسيق علشان نعرف من هو الصامل ومنهو الي بين وبين يسجل او مايسجل ان شالله خلال هالاسبوعين اتكد من الشخاص بنفسي واتواصل معهم

[/align]

[صالح العطيفي]

ننتظر من جميع الأخوة تحديد شخص من المنطقة نقوم بإرسال جميع الأسماء التى ترغب الأنتساب وبدوره ينسق مع الجامعة أتمني من الأجميع أن يكون هناك سرعة في جمع الأسماء

ايضا أتمني أن يرسل رابط هذا الموضوع لجميع مواقع عرعر لكي يطلع عليها جميع أهل المنطقة

[حياة الرووح]

[align=center]هههههههههههههه ثلوج

اقول ابو محمد انت بس جيبهم هني خل يدشون الملتقى كلهم وصدقني بيثبتون لاااااا وكل واحد منهم بيجيب ربعه معاه

انا كلي ثقه بالملتقى هذا لاني شفت نفسي شلون تعلقت فيه واقتنعت بالجامعه لمجرد دخولي هني

احنا بانتظارهم ,, قواك الله[/align]

[حياة الرووح]

[align=center]

المشاركة الأصلية كتبت بواسطة صالح العطيفي

ننتظر من جميع الأخوة تحديد شخص من المنطقة نقوم بإرسال جميع الأسماء التى ترغب الأنتساب وبدوره ينسق مع الجامعة أتمني من الأجميع أن يكون هناك سرعة في جمع الأسماء

ايضا أتمني أن يرسل رابط هذا الموضوع لجميع مواقع عرعر لكي يطلع عليها جميع أهل المنطقة

يااخووي يااصالح الشغله مو محتاجه كل هذا

عرعر مافيها مركز اختبارات لانه مافيها عدد طلبه منتسبين كافي

واذا انتسب السنه هذي 20 طالب وطالبه خلااص هذا بحد ذاته يضمن وجود مركز

والمركز طبعا مايحددونه من الحين لااااا يتم تحديده قبل الاختبارات باسبوع > طبعا ماراح يكون مبنى جديد راح يكون مدرسه من مدارس المنطقه او جامعه او كليه يتم اختيارها ويحددونها لنا

يبه لو يفرشون لنا ورا فندق الشاهين ماعندنا مانع

يعني كل المطلوب منا الحين ننشر خبر الجامعه حتى ينتسب كل شخص يطمح لاستكمال دراسته وبسسسسسسس

ترا كثير اللي حابين يدرسون بس غافلين عن الجامعه مايدرون عنها [/align]

[ابو محمد الشمري]

[align=center]
سلام عليكم ياعرب

ياصالح مثل ماقالت الاحت بلحه مركز الاختبار يحطون تلقائي بمجرد وصول العدد الي 20 طالب وطالبه

اهم شي ننشر الخبر بين اهل عرعر

وننسق مع بعص علشان يعرفون موعد التسجيل وطرق التسجيل لان فيه ناس ماتدش نت الا نادر

...
اليوم مريت ع ديوان الخدمه وسئلتهم عن موضوع جامعة فيصل وعن الوضع كامل بلغني واحد اسمه خالد شباب محترم الولد صراحه الرجال شجعني بزياده وقالي اصلن بكاليوس عربي وانجلش مقبول للتعليم
والتربيه الخاصه هذا عليه طلب بشكل مو طبيعي
وقلت له انه الشهاده مايكتبون عليها انتساب قال احسن شي اذا مايكتبون من صالحكم من ناحية التوظيف

والرجال قلت له بلغ الي تعرف عن هالجامعه وموضوع 20 طالب
<<< كل مايشوف احد يعلمه بسالفة المركز والعدد20 طالب


[/align]

[saleh6464]

السلام عليكم ورحمة الله وبركاته

يعطيكم العافية شباب اسف بلحه كنت مشغوول شووي تعرفي اوقات عروووس ياجماعه الخير المشكله الحين مو بالعدد المشكله بالجامعه نخاطبها انا وصديقي خالد الرويلي ولا في احد رد علينا هنا المشكله ولا في احد يرد على اتصالاتنا على الرغم اني متاكد العدد تجاوز العشرين بس الحين المشكله من الجامعه اللي يعرف ايميل مشرف على مراكز الاختبارات يعطينياه عشاان ارسله ايميل واستفسر عن الشروط خاصه ان العدد مكتمل انشاءالله ونبي نتاكد هل يقدرون يفتحون مركز اختبارات لنا والا لا وشاكر لكم وانشاءالله الجااي احسن

[saleh6464]

بالنسبه للعدد خلاص تجاوزنا العشرين حشى تقل بورصه تذكرت ايام سوداء بالاسهم بعد ماتجاوزنا العشرين رجدنا للعشره ههههههههه وين يابو الشباب طلعت عن الموضوع ؟ اسف والله. المهم العدد تجاوز العشرين الحين الخطوة الجايه مخاطبة الجامعه ونبي نتاكد من الحين مو لازم قبل الاختبارات باسبوع او اسبوعين في نااس تبي تسجل بس اهم شي انها تختبر هنا واذا ضمنت انه في مركز اختبارات بعرعر رااح يزوود العدد للثلاثين ويمكن اكثر انشاءالله بس نبي نضغط على الجامعه من الحين عشان يفتحون مركز اختبارات وبالنسبه للطالبات لا بلحه ماانتي بحالك في انشاءالله زميلات لك بس قولي انشاءلله يفتحون مركز اختبارات وصدقوني لو ضمنا المركز راح يزداد العدد انشاءالله ولكم جزيل الشكر