كرسي الاعتـــراف!! و جايك الدور ,جااايكـ..Enter Here

[أ.سلوى]

نجود... ايه انا اللي اجيكم كل اثنين

[احساس دلوعه]

ماشــــــــــــــــــاءلله عليك يااستاذتي الفاضله ((كل ذا يطلع فيك ماشاءلله تبارك الله )) ان شاءلله اكون مكافحه .. صراااحه يعجبوني الناس اللي كذاااااااا احس عندهم طموح ..وجديرين بالمكانه اللي وصلوا لها !!

سؤااااااااااااالي لك يالغلا ..هل برائيك فيه صعوبه ف التوفيق بين الدراسه والاولاد والبيت كونك ام ؟؟ وتعتقدين ان الامر سهل ف تقبله بالنسبه لنا لو صار لنا ذات الموقف ف المستقبل


وجايه بالاسئله جاااااااااااااااااااايه .. ايه صح انا اللي نظارات قرمزي جيتك وكلمتك ابي ايميلك

[النجود]

مــــــــــــــــــــــــــــــــــــــــــــاشاء الله عليك .... وصدقيني انتي مثالي الاعلى من درستيني في المتوسط الى الثانوي ومازلتي.... وجزاك الله خير على جهودك المشهودة خارج الكلية وداخلها وجعلها في موازيين حسناتك ..

وسؤ ال ثاني / انتي حاليا مديرة في مدرسة ولا لأ ؟؟
وماهو هدفك من اشتراكك في المنتدى ؟؟
المعروف عنك قدرتك على كسب قلوب الاخرين .. ماهي مبادئك التي تتبعينها في ذلك ؟؟

[أ.سلوى]

عزيزاتي احساااااااااااس دلوعه ..والنجود ......مشكووووورين على الاطراء >>> :praying: اللهم اجعلني خيرا ممايظنون واغفر لي مالايعلمون
.. بالنسبة لسؤالك يا احساس دلوعه عن التوفيق بين الدراسة والبيت والاولاد هذي ممكنة بعد الاستعانة بالله وفي وجود عناصر اللي هي: الطموووووح ثم الطمووووووح + التنظيم بين الاوقات+ الموازنة بين احتياجات البيت والاولاد والزوج وبين متطلبات العمل والدراسة ( الاستقرار الاسري بوجه عام والتفاهم والتعاون بين الزوجين ) ...وتوفيق الله اهم شي... وسهولة الشي هذا او صعوبته تختلف من شخص لاخر في ناس تعتبر هالشي صعب ومستحيل وناس تقدر توفق بين كل هالاشياء والتوفيق بيد الله اولا واخيرا....بس اهم شي الواحد يبدأ ويتوكل على الله

النجود بالنسبة لعملي الحالي داخل وزارة التربية والتعليم اعمل مشرفة تربوية - قسم التوعية الاسلامية..وعملي خارج الوزارة مديرة لمدرسة تحفيظ القرآن ( مدرسة زينب ) ومندوبة الجمعية لتحفيظ القرآن الكريم بالخفجي تبع وزارة الشؤون الاسلامية والدعوة والارشاد( عمل تطوعي)

بالنسبة لهدفي من التسجيل بالمنتدى :011:<< ليه مستغربه يانجود اخاف متضايقة من وجودي معكم او مسويه زحمه عليكم

هههههااا... طبعا الهدف كبييييييير جدا جدا...أول شي انا من زماااااااااااان وانا اسعى للتواصل مع اهل الخفجي بشكل عام وبالمدارس والطالبات بشكل خاص عن طريق النت ...صممت موقع متخصص ومنتديات لهذا الشي وخسرت كثير علشانها بس عندالله ماتضيع :praying: وكنت اسعى لعمل حلقة وصل بين الاهالي للرقي بمستوى الوعي التعليمي والتربوي بالخفجي بسسسسسسسسسسس للاسف للاسف ما احد شاااااارك بالمنتديات يمكن كان فيه وحده بس هي النشيطة وبعدين وقفت :011: وقعدت سنتين وانا اسوي دعاية واحث على الاشتراك:bngo12: ياجماعة خلنا نتواصل خلونا نشوف مشاكل بعض ونحلها ولكن ماعندك احد :011:
حسيت اني قاعدة ادفع فلوس على الفاضي :s12: قررت اقفل الموقع و اكتفي بالتسجيل والمشاركة بالمنتديات حقت الخفجي اي منتدى يخص الخفجي سجلت فيه وطبعا منهم هذا المنتدى.. واتمنى خلاله ان احنا نتواصل ونرتقي بمستوانا مع بعض ونتعاون على الخير..

سؤالك عن قدرتي على كسب قلوب الاخرين:c8: احلفي !! صراحه اول مره اسمع فيها

عموما اي انسان بإمكانه كسب قلوب الناس او تنفيرهم واعتقد ان حب الناس وسلامة القلب من الحقد والحسد والحرص على توصيل الخير لهم والغيرة على مصالحهم والتعامل الراقي مع الجميع والاحترام للكبير والصغير كل هالاشياء تخلي اي انسان ينجح في كسب قلوب الناس واتمنى ربي يوفقني اكون بالصورة هذي :praying: اللهم ارزقنا حسن الاخلاق يااااااااارب


وسلامتكم

[طاغور]

صدر قرار بإسكان النساء من غير محرم لوحدهن في الفنادق , اذا كان لديها بطاقة هويه , مع ابلاغ الشرطه والهيئه بوجود فتاة في الفندق بشكل فوري من سكنها ..

ما رأيك بالخطوة التي قامت بها الدولة , وماذا تعتبرين ابلاغ الشرطه وهيئة الأمر بالمعروف والنهي عن المنكر عن الفتاة وارسال بياناتها وصور اثباتاتها للشرطه والهيئه في حال قررت المبيت في فندق لأجل سفر او طارئ آخر ؟ والبعض يعتبر الأخيرة اهانه للمرأه اعتبارها غير ناضجه لتشديد الوثاق عليها لأنها مشروع -كما يقال- فساد وعهر اذا لم يتم مراقبتها عن كثب .

هل ستقودين السيارة في حال السماح بها ؟ وماهو نوع السيارة ؟ :)

[فله في كليه عله]

احلى موضوع بالمنتدى مستحيل تنسينه :

عضو في ورطه < للجربا فله+ هذا الموضوع ..

خفـة دمـك غير طبيعيـة :
فله في كلية عله

منو العضو اللي تستانس على ردوده ؟؟
فله

فله:::::::

رائئئئعه .. وفله فعلاً .. لا خلى ولا عدم منها ذي الداجه.. بس انا شرهانه عليها .. تبين تعرفين السبب تعالي اقولك فيس تو فيس

- مخيف::فله- <<<<ههههههههههههههه حرااااااااااام عليك ليه ؟؟

وووووووووووووه ياااابنت طلعتي تحبيني وأنا مدري

[أ.سلوى]

صدر قرار بإسكان النساء من غير محرم لوحدهن في الفنادق , اذا كان لديها بطاقة هويه , مع ابلاغ الشرطه والهيئه بوجود فتاة في الفندق بشكل فوري من سكنها ..

هذه الخطوة ماقامت بها الدولة الا بعد دراسة وبحث في مبررات اتخاذ مثل هذا الاجراء فأنا على ثقة تاااامه بأن القرار له مبرراته واهدافه التي تصب في مصلحة المرأة بالدرجة الأولى ووفق ما يتوافق مع شريعتنا الاسلامية فكما هو معلوم انه لايشترط المحرم في الاقامة اذا امنت الفتنة وكانت مع نساء ثقات وانما يشترط المحرم في السفر.. المرأه لابد ان تكون اكثر وعي بحساسية وضعها في المجتمع وتحافظ على نفسها وانها خُلقت بصفات وخصائص مختلفة عن الرجل وكل واحد له مجاله وانها اساس المجتمع :s12: كما ان ابلاغ الشرطة والهيئة اجراء احترازي لحماية المراة والحفاظ عليها لأننا في الواقع لانزال نعاني من فئات بالمجتمع تستغل المراة :bngo12: وهذا الاجراء للحفاظ عليها ....يعني مافيه اهانه ولاشي بالعكس انا كذا احس بالاطمئنان ...الذين يعتبرون هذا اهانه اما ان يكون لديهم هوى او مرض في نفوسهم او لديهم شبهه تزال بالادلة والبراهين من الكتاب والسنة والادلة العقلية .. صراحه تحمد ربها المرأة ان الاهتمام بها يقع في الدرجة الاولى لدى ولاة امرنا ودولتنا رعاها الله .. بينما المرأة تتعرض للاهانة المتكرره في بلاد اخرى.....الحمد لله:praying:

اما عن قيادة السيارة العلماء جاوبوا على مخاطر قيادة المرأة للسيارة .. وانا مؤمنه بوجود هذه المخاطر لأننا لازلنا نعاني من ضعف الوعي ناحية المرأه :bngo12: فإذا زالت هذه المخاطر :s12: ووضعت ضوابط صااااارمه تحمي المرأه من ضعاف النفوس..... طبعا بعدها راح يوافق ولي امري اذا اطمئن علي ...ساعتها >> سأقود السياره:mh19:
اما عن نوع السيارة اكيد بتكون ددسن غمارة علشان ما احد يركب معي
طبعا امزح .. اصلا ما قد فكرت بنوع السيارة



فله ... مافهمت عليك:mh19:

[First Lady]

مرحبا استاذه جزاك الله خير وعندي سؤاللين..
1\ ايش اكثر مدرسه تحبين تروحين لها وتلقين ندوات ومحاضرات فيها؟؟
2\ايش رايك بالمشايخ اللي يقرون على الناس وياخذون منهم فلوس؟؟ وايش رأيك ب رشيد؟؟؟

[أ.سلوى]

مرحبا فيرست ليدي .. صراحه كل المدارس عندي حبيبه ولهم حق علي ..ما افرق بينهم ولو اني اميل اكثر للمدارس الثانوية لأن الطالبات فيها اكثر نضج ووعي وفهم:)

بالنسبة المشايخ اللي يقرون وياخذون فلوس لهم وجهة نظرهم ومن حقهم ياخذون فلوس وبعض العلماء اجازوا اخذ الاجره على الرقية...وبالنسبة للشيخ رشيد انا اسمع عنه كل خير بس ماقد تشرفت بالتعامل معه.

[عبّراتُ اُنثّى]

مممم هل يحق لي السؤال ام شائت الاقدار ان تنتهي المده؟؟

ومن القادم؟؟