#كل العيون اللي تشوفك ليتها عيني#

[بنت الشمري]

عودت من حولي على الخاطر الرحب
جبر الخواطر صار معنى حضوري "!

هذا اعتزى باسمه وهذا على جنب
ارسم على كراسها ورد جوري"!

اغمض الين احلامهم تدخل العشب
واخرج من ابواب السكوت الجهوري "!

عودتهم .. واعتدت سهلٍ غلب صعب
صار الحلم ضحكه .. تجبّر كسوري!!

[بنت الشمري]

- ٱلكتمٱن عٱدﮪ = !
.. متعبھھ بعض ٱلشِيء :
ۈ لكنھٱ , الحل الأمثل /
+ بَ النسبھهَ ليُ ♡

[بنت الشمري]

يـغـنـيـك عـــن كـثــر الـحـكـي مـجـمـل ابـيــات
ومــن يـاخـــذ الـمـضـمــون يـلـــقــى الادلـــــه





تـــدري وش الـلـي يــقـتـل الـحـب بسـكـات
لاصــرت فــي بـــوحــك تـــحـــس بـمـذلــــــه





وتـــدري وش الـلـي يـكـسـر الـظـهـر حـزات
لامـن عـطـيت احــســـاس مــاهـــو مـحــلــه




وتـــدري مـتـى تـستــاهـل الـطــعـن مـــرات
لا مــن خــطـيـت الــدرب وانــت تــدلــــــه





لا تـتـبـــع المـقـــفـي عـلـــى كــل حـــالات
بــعــض الـوجــيـه اللـي تـقـابـلـك عـلــــه





ولا تـسـال الـغـالـيــن الـجـرح لا فـــات
نــبــش الــحـكـي يـــزود الـطــيـن بــلـــــه





طــالــع فـمــن حولــك وتاخــذ شهــــادات
مـــانــلـتــها لــو تـــدرس الـدهـــر كلــــه





ناس(ن) تجر من اسودالضيق ونـــــات
ونـــاس(ن) تـقــضــيها ونـاسه وفـلــــه





هـــذاك شــال هــمـوم غـيــره ولا بـــات
وهـــذاك مــايــدري عــن احسـاس خلـه





احــدن يهيــن اصــلــه عـلى كـــل زلات
واحــدن تــرومه شـيـمــتـه مـــاتـــزلــه






لا تقول حظي من عـنا الـوقـت قـد مـات
قــل مـــات حــظ اللـي عـنـاه استــحلــه





ولا ضاقت الدنيـا وعلى الكيف ما جــات
اطـلـق احـجاجـك ثـــم تـوكـل عـلى الله

[بنت الشمري]

| مسآكم برآئحة الجنان

[ مَدْخَلٌ ] :

وَقْتِيْ فَقِيْر وْحَكَايَا الصُّبْحْ تمْلانِي
............... والجَرْح شَرَّعْ شبَابِيْكَه و بِيْبَانَه
يمُرِّنِي العُمْر مُكْرَهْ ويْتَعَدَّانِي
............... ويملِّنِي الليْل لِيْن تضِيْقْ جدْرَانَه
صَمْتِي شَرَحْه [ البِكِي ] والحُزْن غَنَّانِي
............... أَشْعَلْ ذُنُوْب الحَنِيْن ومَلَّ غُفْرَانَه
كنْت أَبْذر الشَّمْس فِي كَفِّيْ وأَلْقَانِي
............... عَلَى جَنَاح السِّمَا أَخْتَار لِي خَانَه
كَنَّا نطَرِّزْ ثِيَاب المَوْعِدِ الثَّانِي
............... كَان الأَمَلْ طفْلِنَا ونْقَبِّلْ اجْفَانَه
مِنْ دَلِّنِي الليْل وَاحْزَانِي هِيَ أحْزَانِي
............... أَرْضِيْ يبَاس وْعُيُون الغِيْمْ عَطْشَانَة
تَبَّتْ يدِيْن الغِيَاب اللِّيْ تَحَدَّانِي
................ عَيَّا ينَام انْتِظَارِيْ والوفَا خَانَه

/ "

[ هُرُوْبٌ مِنَ المَدْخَلِ ] :

حَتَّى الزِّمَنْ ... مِنْ جفَافْ الحلْمْ قَهْوَانِي
............ لِيْت الزِّمَنْ مَاقَرَا حَظِّيْ بفِنْجَانَه


/

=

[ جنونْ آلححرفْ ’ ]

عَلَى حَدّ العَطَشْ والمَاءْ هَارِبْ واللِّيَالِي جرْد
ـــــ يجِفَّ الصُّوْت يَا دَلْو الكَلامْ ومَا لقِيْت رشَاه
تَأَرْجَحْ بِي رُمَاد الوَقْتْ أَنَا والطَّاولَة والنَّرْد
ـــــ خَذَتْنَيْ ضَرْبَة الحَظَّ البِخِيْل اللِّي نسَى مَمْشَاه
وَأَنَا طِفْلَة تَهَاب الأَمْكِنَة والمدْخَنَة و البَرْد
ـــــــ تحَاولْ ترْسِم الأَحْلاَمْ بالأَلْوَان والفُرْشَاة
أَصَابِيْعِي مسَاكِيْنَ الطُّمُوحُ وذَابْلاَت الوَرْد
ـــــــ تلَوِّحْ والنَّهَارْ أعْمَى يدُوْر ومَا لِقَى عَطْشَاه
وَأَنَا تَغْرِيْبَةَ العُمْرَ القِدِيْم اللِّي كتِبْنِي سَرْد
ـــــ عَلَى سجَّادِتِي ينْبَتْ أَذَانَه والفَجرْ يغْشَاه
وتِنْدَهْلِيْ مَلامِحْهم
وذِكْرَاهُم
وتخْفضْ لِي جَنَاحْ الهَمّ
يْعَزْف الضِّيْقْ فِيْ صَدْرِي
ويمْلاَنِيْ
صدَى غِيَّابْ
تَرَا [ كِذْبَة ] إِذَا قَالَوْا :
ـــــــ [ إِذَا ضَاقْ الفضَا بِكْ غَنْ ]
خَذَتْ صُوْتِيْ أَغَانِي الرِّيْحْ
وهَذَا الضِّيْق مِنْ يُوْمَه
تُوَحَّدْ بِيْ
وْغَنّانِيْ
وأَلْقَانِيْ ..
عَلَى ذِمَّة جفَافْ وْلِيْل ..
أَنَادِيْ مِنْ وِرَا صُوْتِيْ
عَلَى أحْبَابِيْ
ومِيْلادْ السَّهَر يرسِم
حَكَايَاهُم
عَلَى بَابِي
وَأَنَا مَـ اعْرِفْ
طرِيْق الصُّبْح فِيْ عِيْنِيْ
وَلا شَكْل السِّمَا وشْلُوْن
وهُمْ يدْرُوْن
- والعُهْدَة عَلَى ظَنِّيْ -
بِأنِّيْ – وإنْ كتَبْنِي الصَّمْتْ -
/
أَدَوّرْ فِيْ هَجِيْرِيْ ظِلْـ
ـــــــ يصُبّ العشْبْ مِنْ مزْنِيْ
وَأَأشِّرْ بَآخِرَ أطْرَافْ الْـ
ـــــــ جِيَاعْ اللِّيْ مَلَوْا حزْنِيْ :
عَلَى صَدْرِيْ
هِنَا بَعْض الكَلام يشِيْخ
هِنَا كِلَّ البلادْ الغَايْبَة
تِقْرَا مَلامِحْهَا
عَلَى وَجْهِيْ
وتِهْجِرْنِيْ الأمَانِيْ والقصَايِدْ لِيْنْ
ــــــ أَحِسّ إنّ السِّمَا بالضِّيْقْ مزْدَحْمَة
وفِيْ كَفِّيْ : [ رَغِيْفْ وْ مَوْعِدْ وْ إِسْمِيْنْ ]
ــــــ أَقَاسِمْهُمْ جِفَافِيْ وَأنْتِظِرْ ( رَحْمَةْ
سَحَابْ ) يْمَرِّرْ بصَدري مطَرْ تشْرِيْنْ
ــــــ يهِزّ اليَاسْ مِنْ جِذْعَهْ وْيِقْتَحْمَهْ
ويَاخِذْنِيْ المسَا مِنِّي
ينَادِيْ كِذْبَة الأحْلاَمْ
وأنَا مِنْ عَامْ
أَجُوْب الحلْمْ
ويتْكَسَّرْ طرِيْقَهْ تَحْتْ أًقْدَامِيْ
ولا أَعْرفْ
أَدَارِيْنِيْ
/
\
/

تحَاولْ يَا التَّعَبَ تحْرثْ هَوَا صَدْرِيْ ؟! :[ أَنَا مَلِّيْتْ ]
سنِيْنْ عجَـافْ يَطْوِيْنِـيْ عَنَاهَـا وْ مَـا تَحَمَّلْتَـه

تَحَتْ شُرْفَةْ مسَا مُرْهَقْ يسُوْلفْنِـيْ الشِّتَـا ونْبِيْـت
نعِـدّ وْجِيْـه خِيْبَتْنَـا وْصُوْتِـي بالحـزِنْ شِلْتَـه

برُكْنْ و شَارِعْ و ظَلْمَا كَأَنِّـيْ [ بَائِعَـةْ كَبْرِيْـت ]
تشِبّ أَعْوَادْ وحْدَتْهَـا جِفَـا والصُّبْـح مَـا طِلْتَـه

زَهَابِيْ لَلْمسَا بَـرْدْ وْحَنِيْـن وْدَمْعَـة وْ [ يَالِيْـتْ ]
أَمَانِـيْ / والسَّهَـرْ وَاقِـفْ يكَلِّمْنِـيْ وَأَنَـا قِلْتَـه

عَزَفْت بأصْبِعِيْنِـيْ نَـايْ دُوْزَنْـت البُّكَـا غَنِّيْـت
سَرَقْـتْ أَفْـوَاه يشْرَبْهَـا الكَـلَام وْمَـا تَحَمَّلْـتَـه

زَرَعْـت بْتَكَّـة السَّاعَـة عَنَاوِيْنِـيْ بـلا تَوْقِيْـت
جَنِيتْ أَقْسِى مسَافَـات الغِيَـابْ وضَاعَـتْ أَسْئِلْتَـه

أَنَا مَاكِنْت أَحَسْب إِنَّ الغِيَابْ غْيَابْ لَـوْ مَـا جِيْـتْ
أَنَا يَا هَالشِّتَـا عَطْشَـى/ وْرِيْـق الحـزْنْ بَلَّلْتَـه

تمَادَى بِيْ جفَافْ المَا / وَانَا ابْنِي مِنْ حَنِيْنِي بِيْـتْ
أَدَّوِّرْ قَلْـبْ يِشْبَهْنِـيْ ..ومَـرِّ العُمْـر مَـا نِلْتَـه /







لكل العآبرين

[بنت الشمري]

يدري خفوقك يا الغلا بالحيل انا احبك
ودايم ادور لك عذر لو تبعـد زياده

دربي توحد يا حبيب الروح مع دربـك
وقلبن يودك يا الغلا وعيون نشاده

[بنت الشمري]

قد يعيش المرء طوال حياته حالما بشيء..
ولكنه في النهايه لا يتمكن من تحقيقه!!
نرغب في شي ونصرّ عليه.. ولكن القدر
يهدينا مالا نتوقعه ليصبح مانريد ..
ذكرى من ........ الماضي!!!!!

[بنت الشمري]

كمُ وْاحٌد .. مْا وٌدهْ يٌنآمْ " وْ وْ وْ ينْامُ " !
وْكمٌ وٌاحْد .. ماٌناُمْ لوٌ كآنْ / وْدهٌـ !
مٌتىْ " يزيٌنْ " الحٌظْ وتزٌينْ .. الأيآمْ !
وأرُمْي " عمٌامْه " حزٌنْ قلبٌيْ .. وْ وْ آهٌدهْـ
وأعيشٌ .. حْلمٌ }~ قدْ حلٌمتْه منْ / أعوٌآمْ |~
. . . . . وْ وْ وْأنآمٌ منٌ يْومٌ انسٌدحْ علٌىْ { المخٌدْه } !

[بنت الشمري]

لِيتنِي \\حبْر\\ بِيدِينكْ أقلّب أفكَآرِي حُرُوف
أكتْب اللي قِد [ كتَمتَه ] ومَا أبِي غِيرَك يَرَاه
لِيتنِي ظِل بنَهآرك .. لِيتنِي بلِيلَك طِيوُف
أسْهَر الليل بخَيَآلك وأسمَعك لا قِلتْ آه

[بنت الشمري]

**لمّني أكثر فديتك مو كذا بالعمق جوّه **

خذني بحضنك وضمني بشويش قوّـه
.........................بعثر اجوائي وشب الشوق في كل الحنايآإ

سو فيني يا نديمي كل شيٍ ما تسوّـه
.............................جيتك وكلّي ذنوب ولمّتك تغفر خطايآإ

لمّني أكثر فديتك مو كذا بالعمق جوّـه
..............................اه يا لبّى حنانك لا انتثر بين الزوايآإ

والله اني فيك ذايب والغلا مشبوب ضوّـه
.....................والمشاعر دون غيرك جاتك جيوش وسرايآإ

خلّنا نحضن بعضنا وانتشيطن وانتلوّـه
.........................خل يديني في خصرك وانت يدينك ورايآإ

خلّنا ننسى المكان بكل تفاصيله وجوّـه
.....................خلّني ما اشوف غيرك في البشر وانته معايآإ

خلّني لا جيت ابوسك تنطق شفاتك تروّـه
......................ما بعد غمضت عيني لجل ازيدك من حلايآإ

خلّني لا ذقت خوخك أطعمه ما تقول أووّـه
..............................أوّتك تنهيد يشعل داخلي كلّ الخفايآإ

خلّني ادم وجبتك من ضلوع القلب حوّـه
.............................وخل تفاحة هوانا تنتهي فينا عرايآإ

خلّني وابل سحابك وانت يا المضنون نوّـه
..........................خلّني جنة سماك وخّلك فجنة سمايآإ

خلّني سلطان شعرك وانت في شعري فتوّـه
...................خلّني شاعرك جنونك واستقي منك السقايآإ

يا سمو الحب تدري لبى قلبك يا سموّـه
.................عمري ما اتمنيت غيرك واقسمك رب البرايآإ

يا سمو العشق حلّق لين ما توصل علوّـه
...................حب سامي حب طاهر حب تحلمه الصبايآإ

حب فيه الشك زايل والزعل غادي عدوّـه
...................لا فراق ولا خصام ولا جروح ولا شظايآإ

حب فيه الورد يضحك شفت كيف الورد توّـه
....................يبتسم يمزح ينكّت والسبب طيب النوايآإ

حب مثل الطفل يكبر ويتبختر في نموّـه
.......................عيد ميلاده لقانا وفرحة اللقيا هدايآإ

شي رقّه شي طيبه شي فتنه شي مروّـه
....................والله اشياءك كثيره كثر ما بدمّي خلايآإ

فيك نخوّه وفيك ذمّه فيك حب وفيك خوّـه
.................فيك من كل الصفات وفيك من كل المزايآإ

خل حسادك يقولوا زاد حبي في غلوّـه
......................حقّك وحقّك وحقّك دام متربع حشايآإ

ودامني لا جيت حضنك لمني بشويش قوّـه
.............ليش ما اهديك المشاعر وانزلك وسط الحنايآإ

خل حسادك يقولوا زاد حبي في غلوّـه
......................حقّك وحقّك وحقّك دام متربع حشايآإ . .

[بنت الشمري]

لو العيون تضم فالناس [ مخلوق ]
والله لأضمـك بالغلا : في عيونـــي ♥!