صفحات من حياتي

[ξـبد»βrines«الرζـمن]

حياكم

قبل كم شهر كنى في الشرقية بالتحديد حبيبة قلبي الخبر المهم استاجرنا شقة انا وثنين معي طبعا فيها كل شي نظام فندقي الزبدة لما رحنى وجبنا اغراض للشقة وجينى نحطها بالثلاجة لقينا بالفريز تبع الثلاجة (سمك) قلت يا شباب فيه سمك وش الحل قالو شكله تبع واحد ساكن قبلنا ونساه والثاني يقول عطوه راعي الاستقبال يتصرف فيه المهم بعد مباحثات اتفقنا نوديه محل اسماك وينظفه لنا ويشويه ويقلي النص الثاني خخخخ المهم يوم جبناه واكلناه جاء اليوم الثاني وجانى المصري تبع الاستقبال يقول انا كنت حاط سمك عندكم بالفريز لو سمحتو اعطوني اياه خخخخ والله الورطة وش نقوله بغيت اقوله السمك تبعك يسبح في بطني قلت دقيقة اشوف لك اذا كان فيه شي ...طبعا لو اقوله على طول ما فيه شي بيقول ايش دراك ونت ما شفت المهم جيت له وقلت له ما فيه حاجة قال لي انت تاكد ثاني قلت له تعال شف الرجال استغرب ما لقى حاجة بالفريز راح يتهاوش مع العامل الهندي تبع التنظيف وما تسمع الا صراخ كنك تشوف مسلسل مصري بس جالس انا ( انتظر يقوله انا بكرهك طلقني)
بس والله طعم السمك جنان يازين طعم الاكل اذا كان مو لك


للجميع

[ξـبد»βrines«الرζـمن]

مساء الخيرات حياكم


قبل كم سنة كنت جايب عمال يصلحون بعض الشغلات عندي بالبيت المهم واذن العصر وقلت لهم توضو عشان نصلي مع بعض في البيت بدل ما نروح للمسجد المهم واجيك بصلي فيهم وفرش الفرشة وستقبل القبلة وصلي فيهم ويوم جت الركعة الثانية وتفاجا اني جالس اصلي شمال مو غرب خخخخخخخخ استغفر الله يعني القبلة غلط علي
بيني وبينكم استحية اقطع صلاتي وش بيقولون بيقولون هذا سعودي الي من بلاد الحرمين وما يعرف القبلة يا فضيحتي بين الباكستانية ودول الناطقة بالأوردو واكمل صلاتي ويوم خلاصة الصلاة قمت بسرعة واقولهم يالله صديق شغل شغل عشان ما ينتبهون ان القبلة غلط خخخخخخخخخ كل ما جيت اقولهم عيدو الصلاة استحية المهم يوم طلعوا من عندي رحت انا وعدة الصلاة وهم الله يستر عليهم اهم شي النية الله يتوب علي بس

بس والله من جد مدري وش جاني ضيعة القبلة يمكن من ريحة الباكستانية والله صكت في راسي ريحتهم والله اقوى من الحشيش يخرب بيتهم ودك تعلق في اباط كل واحد هذاك المعطر الي يعلقونه بالحمامات (تكرمون) خخخخخ اتخيل شكلهم

للجميع قبل ما تصلون تاكدو من القبلة

[ξـبد»βrines«الرζـمن]

السلام عليكم (صبح صبح)

اقسم بالله اني تفاجاة اني مرشح بمسابقة افضل مدونة مع اني والله كنت داخل اعلن نهاية المدونة
الشي الثاني بمجرد الترشيح هذا شي حلو بالنسبة لي
الشي الثالث رشحة عضو يستاهل الترشيح او بمعنى اصح عضوة الله يعطيها العافية مع انه اقدر ارشح نفسي لكن اترك تقييمي لغيري


وبالتوفيق للجميع

[ξـبد»βrines«الرζـمن]

حيالله كل (مان) و(ومن)

من كم سنة ايام المراهقة جاني واحد من الشباب وركبت معه واحنى رايحين شاف هو البنقالي تبع محل يعرفه فحب يمزح معه بالسياره ويلف عليه طبعا البنقالي خاف وتلخبط بدل ما ينحاش راح للسياره وجاك خويي وصدمه ورتفع بالهواء 3 امتار طلع كنه حمامة صايدها شوزن المهم التخمنى ورجعنى له عشان نسعفه يوم ركبناه ووديناه احد المستشفيات الي ما يحلم يدخلها الا بواسطة ويوم عالجوه وسالوه عن سبب الاصابة ما عرفو وش يقول قلنا لهم طايح من درج خخخخ يخرب بيت الكذب اي درج بسوي الي جاه والله لو يطيح من جبل ما صار له مثل كذا وبعد ما عالجوه طلعناه...... قالك بنراضيه رحنى شرينا له شورما وعصير سنتوب خخخخخخخخ والله اننا ما نستحي بغينى نذبحه والرجال تنازل عنا وفي الاخير نشتريله شورما على الاقل بروستد احس انه يقول يا ملاعين بغيتو تذبحوني وفكيتكم من الحجز وفي الاخير شورما وسنتوب المهم وديناه للعزبه الي ساكن فيها وشلناه وحطيناه عند الباب وضربنا الجرس ورحنى وخليناه خخخخ حشى طاولة مو ادمي

والله احسه يدورنا الحين وده يجلدنا جلد ايهه ايام راحت الله يغفر لنا بس ...


للجميع اي واحد مصدوم وانحاش الي صدمه استرو عليه يمكن انا

للجميع

[ξـبد»βrines«الرζـمن]

الذين يشاهدون محتوى الموضوع الآن : 3( الأعضاء 3 والزوار 0)
‏برنس عبدالرحمن, ‏بحة الشووق, ‏وينك يابوي

حياكم الله احس ان البنقالي سواق وحدة منكم وجايين تبون فلوس

[ξـبد»βrines«الرζـمن]

صباح الورود وشقشقة البط ...... وارنب نط وجبلي خط (والله اصلح شاعر)

شاكر ومقدر لكل زائر ومقيم للمدونة ولكل من رشحني في مسابقة المدونات
واهديكم هذا الورد
كل واحد يطب ويقطع ورد لين تمتلي جيوبه

اهم شي منعا للإختلاط الفترة الصباحية بنات
والفتر المسائية شباب
رجائا التقيد بالمواعيد منعا للإحراج مع الهيئة
الرجاء ممنوع احظار الخادمات .... وجنة الاطفال منازلهم .... ويمنع جوال كاميره



للجميع شاكر لكم

[ξـبد»βrines«الرζـمن]

صباح الخيرات

لو تطلع بالليل وتلقى دريشة السيارة مفتوحة للنصف انا ناسيهامفتوحة الى هنا عادي طيب لما تجي تركب السيارة وتتفاجئ بحركة غريبة ...... طيب وش شعورك لما تكتشف ان الي بالسيارة (((( قطوه)))) بالعربي وب العراقي (((بزون))) وباللبناني (((بسينه))) وبالمصري ((((ؤطه))) وبالكويتي (((عتوي)))وبالانجليزي ((((كات)))) وبالامريكي ((((توم))))

هذا الي حصلي يوم الخميس

والله ان القطو صار يلعب بالسيارة يبي ينحاش بس ما عرف كل ما جاء مسرع بيطلع صقع بالدريشة وانا معي عصى خخخخخ والله انه لعب بالسيارة القطو الحيوان معه قطعة لحمة مدري دجاجة جالس ياكلها جوى السيار بالدفئ

والله قهرني وسخ السيارة

السبت بدخل السيارة للتلميع


للجميع انتبهو تخلون درايش غرف النوم مفتوحة حشى مو قطو سوبر مان

[ξـبد»βrines«الرζـمن]

السلام عليكم

مقطع يتحدث عن نفسه

http://www.youtube.com/watch?v=Pc5oqSFQS-0

الله يهدي شباب وبنات المسلمين

للجميع

[ξـبد»βrines«الرζـمن]

صبح صبح العشر مباركة عليكم جميع الله يسهل على الحجاج والصائمين ويتقبل منهم

فيه سالفة حصلة لي قبل تقريبا 3 سنوات شريت غنم بعيالهم الصغار طبعا خذت البك اب (الوانيت) تبع المزرعة ورحت اجيبها من احد القرى المهم ركبت الأمهات بالحوض وخفت على الصغار ان امهاتهم يدعسونهم ويحصل لهم شي فقمت وركبتهم معي جوا الغمارة يعني بالمرتبة الخلفية يعني الامهات بالحوض والصغار جوى معي راكبين حتى الصغار يطلون من الدريشة ويسوون كذا على امهاتهم
خخخخ قوية ابو داحم
المهم ونا بالطريق طبعا هدوء بالسيارة كنت لحالي انا والغنم الصغار تقريبا اعمارهم ثلاث اسابيع
وتفاجاء بان واحد منهم وقف على المرتبه وصار قريب من اذني ويصرخ باذني (باااااااااااااااااااااااااااء) انا صراحة طار عقلي اصلن نسيت انهم معي والله بغيت اتقلب بالخط ولتفت عليه وهاوشه اجلس ولا نزلتك والغبي خاف وجلس مدري وشلون فهمني قوية

والله اني قلتله يا الغبي والله لخليك مندي ان شالله بس والله اني مدلعهم مشغل لهم المكيف وانواع الدلع حتى واحد منهم قالي عندك شريط (خروفي خروفي لبس بدله صوفي)

للجميع والله القصة حقيقية مع بعض البهارات الخفيفة

[ξـبد»βrines«الرζـمن]

مساء الخيرات




صاحب السمو الملكي الامير نايف بن عبدالعزيز ادام الله عزة
وجعلة شوكة في خاصرت العلمانيين ودعاة التحرر


بارك الله فيك ونفع بك هذه البلاد واهلها ونبايعك على السمع والطاعة


ما شد انتباهي اليوم في قصر الحكم واثناء المبايعة
اول من تم تقديمهم لسلام والمبايعة هم المشايخ واهل العلم


بعد ذلك الأمراء وبعدهم كبار الضباط وافراد الشعب الكريم


ولم نرى اي علماني حقير من الإعلاميين وغيرهم من الأذناب

ادام الله عليك الصحة والعافية يا اميرنا المحبوب

للجميع