<<{ ماني محتاج لبروووواز يكبرني ، حقيقة الشخص دووووم اجمل من الصووووره }>>

[الــغـــدراء]

^^^^^^^

كتبت رد ع الابيات السابقه ،،، لان جاني ع الواتس من كذا صديق طلب معرفة اسم ما بين ( قوسين )
مو هنا المشكله ،،،
المشكله ان فيه بيت ما قدرت اطلع منه و لا اقدر انشر ع شانه ... ان شاء الله متى ما زبطت معي راح انزلها
فالعذر و السموحه ،،،

[الــغـــدراء]

،

العين ( ساحة حرب ) والدمع ( بارود ) ... والضيق ( جندي ) مابخل بـ الذخيرة
أجامل( العالم ) وصبري له ( حدود ) ... ومن قال وش العلوم ؟ قلت الستيرة

،
،

[الــغـــدراء]

،،

كل ( القلوب الجامعية ) جريحه ... آما من المعدل ؟ أو طعون الاشواق
وآن كان تبغى الشور والأ النصيحة ... هم( الجداول ) غير عن هم الفراق

،، ،،

[الــغـــدراء]

من كثر ما أشتقت لك . ,
والا كثر ما كنت [ أفكر فيك ] !
كثر ما طالت دروبي معاك .. وتعبت آقدامي ,
على ويش آحرجك ؟
وأنت الغلا منك , وبين يديك !
لاوالله جفّت أوراق الكلام .. ورفعت آقلامي ,
أنا :
لاهبت هبوب الغرام , وجتني
بـ طاريك !!
آفلّ لها شراع ٍ ما طويته .. وآرفع آعلامي ,
آجل وشلون ؟
( لا استحليت مرّك ) في رجاء :
حاليك ،
بـ عذري :
لا نسيت الكون كله .. وأنت قدامي ,
تبي تبقى :
( مراسي ) عهدي الاول ,
على شاطيك ,
ما هزّتها العواصف ,
والبحور وموجها الطامي ,
آحبك ,
وأن وقف فيني طريقك / ماني بـ ناسيك !
يابهجة خاطري ,
وآحساس روحي ,
وآكذب آوهامي !
هذا يكفيك ؟
والا ياعديل الروح مايكفيك !
عزاي :
أنك ما تجهل منزلتك .. وقدرك السامي ,

[الــغـــدراء]

،،،

الحروف حتوف والنبرة سريعة ... و الغريبة خلف "تسجيل الدخول"
يالغريبة غربة الشاعر شنيعة ... لا غدى يقدر يطول ولا ينول
النفوس أضيق من الأرض الوسيعة ... والعقول أفرغ من جلود الطبول
الحداثة : شوهت وجه الطبيعة ... والأصولية على غير الأصول
والثقافة : مارست دور الخديعة ... والشعوب تدور بـ أنصاف الحلول
والصحافة : تشري الجهل وتبيعه ... والكراسي حايرة بين الفحول

...