صفحات من حياتي

[ξـبد»βrines«الرζـمن]

حياكم

ياوالله فيني نوم من يوم قصة القطاوة الي قبل امس ونومي ملخبط المهم

قبل سنتين تقرييبا وحدة من الغنم الطيبات (مزاين نجدية) وهي تولد ماتت طبعا جابت غنماية صغنونة (رخلة)
طبعا توهقت في البنية اضطرية اجيب لها رضاعة اطفال وحليب نيدو خخخخ بنت عز والله يخرب بيتك انا ماشربت حليب نيدو الا من كم سنة المهم بعد جهد صارت ترضع الحمدالله صارة تمام من يوم تشوفني ماغير تنابع يعني (مباع مباع) قصدها دحومي دحومي تمون علي ون خليتها صارة تنابع واذا جيت وخذتها بحضني سكتت المهم يوم من الايام تعبة الغنمة ودقيت على البيطري قال والله انا بعيد الان خله بكره اجيك بالمزرعة طبعا انا ماصبرة صراحة ما بي يجيها شي وهي بذمتي على الاقل ان ماتت يكفي اني عالجتها طبعا واخذها وطير بها للرياض طبعا ونا بطريق وهي ما غير تنابع تبي تركب معي ونا مخليها بالحوض وانواع الازعاج طول الطريق المهم وصلنا للمحل البيطري وكشف عليها وعطاني لها اجازة مرضية للمدرسة المهم ونا بالطريق توني طالع من عنده طبعا انا مربطها خفيف ونا ماشي وهي تنط من الصندوق ونا بالخط السريع والحبل مربوط فيها صارة معلقة ووطيتها بكفر السيارة وناظر بالمراية الخلفية افكر انها ماتت لكن الحمدالله ووقف السيارة والله بالطريق ونزل اركض لها والله انا السيارات جاية في وجهي حتى والله بغت تدعسنا تريلة وفوق هذا كله وقفت السيارة بالطريق ونسيتها شغالة والباب مفتوح يعني الحمدالله ان مافيه احد سرقها المهم وشيلها وحطها بالصندوق ورجع للبيطري والحمدالله فحصها صار عندها كسر بالرجل الخلفية مع العلاجات بعد اسبوعيين الحمدالله صارت تمام ورجعة احسن من اول وبشركم الأن هي ام ووحدة من بناتها متزوجة خخخخخخخخخخخخخ

للجميع والله الموقف ما انساه وهي تنط من السيارة

للجميع

[ξـبد»βrines«الرζـمن]

حياكم الله جميعا زوار مدونتي والله يجزاكم خير على الاجر الي تعطوني اياه طبعا بتقولون وش الاجر الي عطيناك بقولكم

ادخل الضحكة والسعادة على قلوبكم هذا اجر لي يعني كل من استانس وضحك عطاني اجر كما قال الرسول اللهم صلي وسلم عليه

ادخال السرور على المسلمين ولقد مدح النبي صلى الله عليه وسلم فاعله فقال عليه الصلاة والسلام:[ احب الناس الى الله انفعهم واحب الاعمال الى الله سرور تدخله على قلب المسلم]

وقال عليه الصلاة والسلام:[ احب الاعمال الى الله بعد الفرائض ادخال السرور على المسلمين] كما عند الطبراني

فجزاكم الله خير على هذا الاجر والله يسعدكم دنيا واخرة ويستر عليكم ويسمح اموركم ويجعل لكم من كل هم مخرجا

للجميع

[ξـبد»βrines«الرζـمن]

حياكم

اتصل علي واحد من المحششين وقالي ياخي من زمان ماكتبت نكت عنى بالمدونة قلتله ابشر يا حمار

عاد نزولاً عند طلب المحشش القرد اهديكم هذي نكته


محشش ياكل خبز تميس
قاله خويه قل بسم الله قبل الاكل
قال المحشش ليش؟؟
قاله خويه عشان ما ياكل معك الشيطان
قال المحشش الحين الشيطان ترك الي
ياكلون بماكدونالدز وكنتاكي وهارديز
وجاي ياكل معي تميس !!!!! (والله رد المحشش صراحة مقنع)

----------------------------------

الله لايحرمنى منكم ولا من تحشيشكم

للجميع

[ξـبد»βrines«الرζـمن]

حياكم

طبعا الكل شاف وقرا الي صاير من واحد مريض بالمنتدى ..

هذا الحقير الان تسبب بمشاكل بالمنتدى وعدم ثقة بين الاعضاء

الي يقهر ان هذا الحيوان جاي بمنتدى تعليمي وجالس ينفث سمومه على بنات ويتصيد البنات من خلال النك نيم تبعهم حسبي الله عليه المصيبه انه وجد من تجاوب معه من السذج الي الى الان مقتنعه ان فيه شي اسمه حب عن طريق الانترنت او غيره

لكن بيجي يوم ويطيح هذا الحقير بشر اعماله بيطيح بيد رجال تدعس على خشمه وبنات ومحارم الناس مو لعبة

الله يستر على محارمنى وبنات المسمين

للجميع الله يكفيكم شر من به شر ويستر على بنات المسلمين

[ξـبد»βrines«الرζـمن]

حياكم

قبل كم ساعة كنت ماخذ غفوة في بيت الشعر المهم طبعا تعرفون الواحد من التعب يسمع ازعاج بس ما يقدر يقوم المهم اسمع صوت ونا نايم بس ما ني متاكد هو انا احلم او حقيقة بس زاد الصوت سمعة صوت كنه طفل صراحة انا قلت يا اني احلم او انه جني يستهبل المهم وقوم من التعب بعدين وش تتوقعون ابن الجزمة القطو جالس يصارخ على قطو ثاني بالشجرة قسم بالله قلت يا انا ياهو في هذي الدنياءبس سبحان الله كنه صوت طفل ودور شي عشان ارجم القطو ولقى قارورة مويه فاضية ودخل البيت اعبيها وطلع اروح للقطو ناويه بشر المهم وجيك من القهر ورجم القطو وتضرب قارورة المويه بمظلة البيت وتسمع (طرخخخخخخ) انا صراحة انحرجة لا يطلع احد من الجيران وجيك ادخل البيت قبل محد يطلع خخخخخخخ صراحة بحط لي مصيدة وحط فيها جبنة يمكن القطو يجي وصيده خخخخخ طلع فار مو قطو

بحاول اصور ابن الحيوان القطو ووريكم شكله ابن الشوارع الي مسبب ازعاج بالحي ...
يازين قطاوة اوروبا محترمين اتحداك تلقى قطو بعد الساعة 10 يمشي بالحواري اتحداك تلقى قطو بالسعودية كامل لازم تلقى قطو اما مقطوع ذيله او مكسوره رجله مو مثل قطاوة اوروبا شعر كاريه ومسوي تشقير حواجب قويه ابو داحم .... والله مالوم القطاوه اذا جت اشكالهم عاهات الله يخلي عيالنا مايشوفون قطو الا عشرة كل واحد ماسك نعالة وتخبيط بالقطو ....

للجميع

[ξـبد»βrines«الرζـمن]

صباح الروقان اليوم سامع ان الشرقية جوها حلو

يعني احلى شي تنام بدري (تحشيش تايم)

المهم قبل فترة عندي واحد من ازملاء راعي اكل كل ما شافني يا لله ابو داحم نتعشىء قلتله ياخوي وش قصتك كل ما جيت عندي قلت خل نتعشىء شايفني امك

قال ياخي من يوم اشوفك اجوع قلت ليه شايف وجهي خبزه قال لا ياخي وجهك يفتح النفس قلتله والله لو وجهي صحن فراوله
المهم رحنى وطلبنا عشاء وخذنا العشاء ورحنى في احد الاماكن المطلة على مدينة الرياض طبعا فرشنا الفرشة وحطينى الصحون وجلسنا ناكل بعد شوي قال زميلي ياخوي الاكل طعمه مر قلت له انا اشوف انه عادي قال لا يخوي فيه طعم مرارة طبعا جالسين ناكل في مكان مظلم طبعا حتى القمر ماكان طالع الظاهر نايم المهم قال ياخوي ولع نور السيارة خلنى نعرف وش ناكل ويوم ولعنى النور تخيلو وش صار (طططا ططا ) نغمة فلم رعب قسم بالله صار النمل الكبار الي اسمه (قعص) طاب في الصحون وياكل وحنى جالسين ناكل القعوص خخخخ بس ابشركم ماكثرنا كم قعص كلنا المشكله كنى ناكل بخبز يعني ماكنى نحس بالقعص اذا هو يتحرك ولا لا خخخخخ والله حاولنا نوخر الي في الصحون بس الدعوة صارة غزو وصارة حرب بالصحون والله وقمنى وخلينا المكان ومن بكره دقينا على بعض نشوف فيه تسمم ولا لا بس الحمدالله ماصار شي (قولو ماشالله) تدرون ناقص النمل شوية ملح بس


للجميع قبل ما تجلسون سوو تشيك اب على المكان
للجميع

[ξـبد»βrines«الرζـمن]

الذين يشاهدون محتوى الموضوع الآن : 2 ( الأعضاء 2 والزوار 0)‏برنس عبدالرحمن, ‏محمد بن جنيد

ابو حميد حياك الله صبح صبح

[ξـبد»βrines«الرζـمن]

صباح الاجواء الندنية اليوم بالرياض

والله قهر يجي مطر ونت نايم بالليل من زمان عن المطر

الجو اليوم خورافي غيوم ومطر خفيف الفجر ان شالله تستمر الى يوم الجمعة

المهم ان شالله نشوفكم بعد الاختبارات واجيب لكم كم قصة (طلعة كني ام حديجان ولا حبابة )

واسال الله كما تركناكم بخير وصحة ان نرجع لكم وانتم بالف خير وعافية واموركم ميسرة

تحياتي لكم
محدثكم من مكتب الارصاد الجوية (عبدالرحمن الملقب برويشد) خخخ اسم دلع محشش وش دخل اسم الدلع بالاسم

للجميع نلتقي على خير ان شالله

[ξـبد»βrines«الرζـمن]

انتظروني قريبا ......

(والله لونك ميزانية الدولة ننتظرك )

يالله انك تحييهم نفر نفر ونفره نفره...

عندي قرقر واجد يدي تحكني ..خير ان شالله
يقولون الي يده تحكه يعني بتجيه فلوس اذا اليد اليمنى يعني (500) واذا اليسرى يعني بيجيك كف على جبهتك الملونة

شاهدو على قناتي


قصتي مع الزلزال وانا اشرب شاهي (مرعب)
قصتي يوم اصلي بالطلاب بموقع الاختبار (ديني)
قصتي مع المواد الي ما عرف من الي يدرسني (تعليمي ثقافي)
وكثير من القصص المشوقة

بالتوفيق للجميع

[ξـبد»βrines«الرζـمن]

حياكم جميع

تشكراتي لمن حط اعجاب او قيمني وبعد من زارني بالمدونة

بقولكم قصة سريعة وقصيرة يعني تحليه بعد العشاء

قبل فترة دخلت على هندي ورشة بعد صلاة العشاء كنت ابي شغله محددة انادي يا صديق ما فيه احد وروح لأحد الغرف ولقاه لاف راسه بفوطة ومتكتف من البرد غرفته باردة الى الأن عادي

المصيبة وش مسوي تعرفون الناموسية الي تعلق عشان الحشرات والناموس والذباب الي تشبه الدفاية لقيته جالس عندها يتدفى خخخخخخخخ يحسبها دفاية استغفر الله
قلتله مسوي نفسك ذبانه انتبه لاتصيدك

قلتله ياخي اشتر لك دفاية ترا قيمتها 60 ريال واذا ما تقدر ابشر بعزك نعين ونعاون قال لا انا صديق شيل دفاية غرفه هوا بعدين بكره هوا جيب (الترجمة يقول ان صديقه خذا الدفاية بعد الدوام والمفروض يجيبها معه للورشه بس نسى)

عشان كذا والله جى في بالي لو كل شهر واحد طلع مبلغ من فلوسه شرا بها دفاية او ملابس شتويه او مفارش نوم شتويه ووزعها على العمال او الفقراء يكون كسب اجر عظيم


للجميع