فـ خ آآآآمهة’ الإسم تكفي ^-^

[ǺĽ ẕeeห]

اول شي سويته من انقطعت عن المدونه " وانشغلت عن قسمي "

هو سالفه زواج وحده من البنات "

بقول لكم من هي ووش سالفتها "

هالبنت اسمها / منال

قد سولفت لكم عنها بس بالصفحات الي قبل الي قد سوت فيني مقلب "

المهم هالبنت اصلا تصير اخت صديقتي عمرها 27 سنه "

بس مرره احبها وماتحلى الجلسه الى فيها فديتها " احسها اختي الكبيره تحب تجيني البيت تقولي بيتكم يريحني احس فيه براحه "

ياعمري ياهي انخطبت يمكن من سنه وشوي

جات تبي تسوي عرسها بس صارت لهم حاله وفااااه وتأجل

وعقب مده قالو بيسون وتجهزوو وصارت لهم حاله وفاه ثانيه

انا قلت لا اله الا الله هالبنت مدري متى بتتزوج "

المهم " يوم جاء شهر 5 كانت في اجازه اسبوع "

كنت اسولف معها بالمسن قلت لها ""

انا / منال حبيبتي بقولك شي "

منال / امري ياقلبي

انا / شرايك تسوين عرسك بـ هالإجازه الي بتجي " يختي احسن لك وربي مايصير كذا بتكملين سنتين والله زوجك لا يطفش ويدور غيرك "

قالت / والله صادقه تراه طفش الشقه وخلصت اثاثها وكل مايقرب العرس يصير شي وما اسوي عرس

قلت / شوي واحد من اثنين يا انك تسوين عشاء بالبيت وتلبسين فستان وحركات وتتزوجين

يا تسوين عرس صاحي

قالت / يا قطوه انا اخوي توه متوفي مايصير اسوي عرس

قلت / حبيبتي اسمعي اخوك كمل شهر وزياده الله يرحمه - اخوها همام - الي كتبت عنه قبل كم صحه بمدونتي

قلت هو توفى الله يرحمه وانا ماقلت جيبي طقاقه تغني اغاني وموسيقى وحوسه

اي شي عشانك ماعندك الا هالفرصه انتي جاهزه وخالصه وهو جاهز ودام بتجي اجازه يلا شدو حيلكم واخلصو

""

حسيت عقب كلامي لها ان الفكره دخلت براسها " وعقب اسبوع من كلامي طلعنا نتعشى انا والشله ومنال معنا

يوم خلصنا عشاء قالت لنا

بنات "" بعد اسبوعين زواجي ان شاء الله بمخيم المتحده "

انا قلت / هااااااااااااااه وبققت عنوني قلت من جدك

قالت ايه والله

طبعأأ هواش عليهاا الي قامت تخمها والي طبت فوقها والي تحب راسها كلنا انقضينا عليها

وفرحنا لهاا "

قلنا كل وحده فينا بتمسك شي "

2 من صديقاتي مسكو العشاء

وحده مسكت الكوشه

وحده الطقاقه

وحده حجزت لها الكوافيره

انا مسكت التوزيعات حلا وفطائر والصبابات والقهوه والشاي والحركتات الي عقب العشآآء سوويت لها اهداء ووزعته للناس

كلنا تساعدنا لأنها ماكانت تقدر تسوي كل ذا بسبب ضيق الوقت"

بوريكم صور بعض التزيعات "

جبت لها من ( انوش ) ميني كوكيز وزعته مع القهوه وجبت حركات من سعد الدين الي هي تشيز كير بالفراويه وبالتوت وكيك بالفراوله والشوكلاته

الي ع طول ع الفهم يجون صعنونات الحبه بريال "

<< تسوي دعايه

جبت من سعد الدين ومن انوش

الي من انوش جبتها للبيت ورصيتها عندي بصينيه "

والي من سعد الدين جبتها ع هناك ع طول وماصورتها "

هذه الي من انوش " <<< اموووت بالكوكيز حقهممممممممممم

وهالأشياء وزعتها للناس عقب العشااء سويتها اهداء جبت الأشياء الي داخله من جده " طلببه

تستاهل منال فديتها اتعب عشاانها وحده تستاهل عنوني مو بس تعبي "

كيسه داخلها دهن عود من عبد الصمد القرشي ومعه دهن كريم زي الخمريه

هذه العلبه

<<< فديت يدي الصعنونه ياناثوو "

سويت منها 150 حبه وجبت 150 علبه دهن عود التوله العصنونه "

و حطيته داخل هالأكياس وعليها اسمي "

هذه نقشتي "

اهم شي الحوسه بغرفتي اكياس وحوسه هههههههههههاي كنت اسويهم "

قلت منها اصور يدي عشان اتذكرها"

وآخر شي كوشتها ؟؟

ازين شي انه ماكان زحمه " خلقه اجازه وهي ماعزمت كثير " بس اهلها عماتها وخالاتها وبناتهم واحنا الشله وجيرانهم والمقربون "

يعني كان المخيم ع قدنااا الحمد لله "

[ǺĽ ẕeeห]

الذين يشاهدون محتوى الموضوع الآن : 3 ( الأعضاء 2 والزوار 1) ‏دٍفٌئ المٍشٌّاعٍر, ‏ns.ak+

يالله انت حيهم "

[ǺĽ ẕeeห]

طبعاا بعرس منال كنت انا المصوره

انا عندي كام تصوريها تدنن هي الي اصور فيها كل شي "

قالت لي جيبي كامك وابيك تصوريني فيديو وعادي

قلت تم "

واخذت الكام حقتي وصورتها وصورت زفتها وكل شي "

شوي قالوو اخوانها بيدخلون "

رحنا ولبسنا عباياتنا وتغطينا

شوي منال تأشر لي تقولي تعالي جيتها قالت لي تلثمي وصوري اخواني وهم داخلين اذا ممكن

قلت هااه ؟؟

لالا استحي خير "

قالت يلا عاد الله يخليك رحت عند امها وقلت خاله منال تبيني اصور عيالك لا دخلو "

قالت ياعمري عادي يابنتي مافيها شي انتي مننا وفينا

قلت خاله استحي كل الناس جالسه و انا واقفه وعيال قدامي مو واحد ولا 2 ماشاء الله 6

وش بيقولون عني ؟؟

قالت اقول بس تغطي وصوريهم ماعندنا الا انتي يابنتي نبغآ نشوف هالشي يكون ذكرى ابتصور مع عيالي وارقص معاهم

قلت عندكم بنات عماتكم وخالاتكم ليه انا ؟؟

قالت تصويرك حلو مافيه اهتزاز تعرفين تصورين زين والكام حقتك انتي مو حقتهم "

وقومي قدامي لا افصخ نعالي الحين

قلت لا خلاص الدعوه فيها نعال هههههههههههههههههههههاي

ورحت وطقيت اللثمه ودخلو

وانا قلبي يتصاااافق قلت بفصخ الكعب حقي لا اروح اطيح من كثر الحيااء

وفصخته وغنت الطقاقه ودخلو يتنكسون " كل واحد رقمه احلى من الثاني ماشاء الله "

صورتهم فيديو ومع اختهم وامهم واخواتهم وعقب راحووو

وعقب مشروع الرعب الي صار لي هذا "

كانت في وحده بنت خالتهم اسمها - اشواق -

كانت تناظرني من جيت جلسنا كلنا انا وصديقاتي ورقصنا وجاتني وحده تقولي فستانك من وين شريتيه لأني قاعده اجهز لعرسي وعجبني ابي زيه

قلت لها اسم المحل هو بالظهران مول "

ويوم خلاص خلص العرس جينا بنروح للبيت جاتني هذه اشواق وقالت لي عاد خليني اشوفك قبل لا اسافر لأني ماشبعت منك

ان قلت وشو ؟؟ وش تشبعين مني ؟؟ وعقب قلت يصير خير حبيبتي

ورحت البيت وثاني يوم رحنا بيت منال عشان نسلم عليها قبل لا تروح شهر العسل ومدري شوو سواليف العرسان هذه عسل وبصل

المهم "

رحنا وسلمنا وهيك " وعقب العشاء جاتني اشواق قالت لي ممكن اخذ رقم جوالك

قلت ممكن ونص ياقلبي شدعوه 3 ايام وانا معاك تعودت عليك اصلا "

صراحه من جد بنات عماتها يمكن 7 بنات وبنات خالاتها امم 5

كل وحده دمها خفي اكثر من الثانيه اجتماعيات وطيوبات حييييييييييييييل "انبسطت معاهم مرره الله يحفظهم

وعطيت شواقه رقمي وعقب ما اخلص الصوره والسواليف الباقيه بقول لكم من هذه اشواق وليه طلبت رقمي ووش سويت "

[ǺĽ ẕeeห]

وعقب اسبوعين من العرس

عزمت الشله عندي بالبيت "

بس حلفو علي ما اسوي شي يعني لا اطبخ لا عشاء ولا هم يحزنون قالو ك مره تكلفين ع نفسك وتطبخين وحاله "

خلقه خدامه ماعندكم وتجلسين تنظفين لحالك بعدين "

المهم

قالو بنجيك ونطلب من برى " قلت الي تشوفونه مافيش مشكله "

سويت لهم حلا قهوه وقهوه ( سويت كب كيك بالأوريوو )



وهذا عشانا ربي يسعدنا " كنا 12 بنت "



وقتها قالت لي صديقتي بروش / ان يوم الأربعاء الي بيجي بيكون يوم ميلادها

وصادف ان صديقتي بهوج بعد نفس الشي يصادف نفس الإسبوع هم الثنتين

هم قالوها بس كذآ بحسن نيه "

بس خبكم انا احب اونس خلق ربي بدون مقاابل

وهذول من شلتي يعني اكثر من خواتي احبهم كلللهم

عسا الله لا يفرقنآآ "

فـ قررت اسوي لهم ميلاد عندي بالبيت "

[ǺĽ ẕeeห]

بهوج تحب اللون الأحمر

وبروش تحب اللون البنفسجي

وانا ابي ازين لهم البيت "

قلت احمر وبنفسجي وش هالحوسه ؟؟ بس قلت يلا نجرب بس بدخل معاه ابيض او بيج واشوف

جبت بلونات بنفسجيه وحمرآء وبيضاء "

وطلبت من اخت بهوج صوره لبهوج وهي صغيره بدون ماتدري "

رسلت لي كم وحده طبعآآ وانا اخترت الي حسيتها اوك "

كل صورها حوسه يا تزنط قطوه يا تركض يا متشققه من الضحك

قلت اعوذ بالله من هي صغيره سفاحه ههههههههههههاي

وكنت اسولف مه بروش بالمسن قلت لها بروش تدكرين صورتك وانتي صغيره الي وريتيني اياها

الي وانتي تصيحين ؟

قالت ايه شفيها قلت ارسليها لي احب اجمع صور الصغار

قالت تامرين امر ورسلتها لي وهي ماتدري وش السالفه "

المهم زينت البيت قلت بزين المجلس بس "

وها هي الصور كالتالي "

[ǺĽ ẕeeห]

سويت لهم حلا قهوه - كب كيك صعنون - وزينه "

[ǺĽ ẕeeห]

الكيه آآآآآآآآآآآآآآآآه بس

كل ما اذكر سالفتها انقهر

رحت للمحل الي يسوي اشكال بالكيك الي سوى كيكه ميلادي هذه

رحت له قلت ابي كيكه ع شكل هديه

ابغاها كلها سكر بلون اف وايت

وتكتب عليها بالأسود ( - so0os - qtwah - ko0oka - aro0oj - wawe - e2 - )

قلت له مليها كلها من كل الإجاهات وحط شريطه ع جنب لونها احمر وعليها شريطه احمر منها لونها بنفسجي

قالي انا اسف اليوم زحمه الطلبات وما اقدر اسويها لك

انا هنا حسيت ان احد عطاني كف

قلت ليييييييييييييييييييييه مستحيل قال اسف في طلبات كثيره ومدري ايش "

المهم ماقدر يسويها مع اني كنت متحمه للكيكه اكثر شي

اخذت كيكه جاهزه من عندهم وقلت له اكتب لي - هابي بيرث دي تو بروش & بهوج -

وسواها لي "

ملاحظه "" كل هذا صار وبروش وبهوج مايدرون اني بسوي لهم حفله

اول مادخلو المسجل قامو يصارخون وقلبوها مناحه وصياح

هذه صديقتي خلود بنفس هاليوم اشترت كام "

[ǺĽ ẕeeห]

هذا العشاء "

كله سويته بالبيت الا ورق العنب طلبه من برى

سويت ( " صينيه سمك بالكريمه - سلطه * فته * - رز نوعين واحد دبدوب والثاني مسوي رجيم - صينيه بطاطس بالكريمه - ساندوشات بالدجاج" - مكرونه فوتوشيني بالجبنه )

الرز الي مسوي رجيم عطيته ابوي لأنه مايحب الرز الدبدوب "

[ǺĽ ẕeeห]

حلاص قفلت بروح انام

ماعاد فيني حيييييييييييييل

بررب لين اقوم "

[ǺĽ ẕeeห]

مراحب ياجماعه الربع "

انا حصيت لقد استيقضت من النوم " عساها نومه العافيه ع قلبي لبى قلبي "

قلب قلب وين وين غايب علي يومين بلا بلا بلبه ولا ولا مشكله الي ما يحن علي انا ما احن له

عاااااااااااااااااااااااااشووووووو والسامعين يقولون امين

<< ليه وش قلتي انتي يا حسره

وناثوو قمت وصليت وتغديت ونظفت البيت ودقيت ع صديقه امي خالتو ماجده قلت لها بجيكم

فديتهاوحشتني حييييييييل

هذه خالتو ماجده انا ديها ( امي ) احبها موووت مووووت الموتات

هذه خالد عبد الرحمن ماخذ اختها " << بلا فضايح ياقطوه ليه تشهرين بالناس

كيفي كيييييييييييييفي

كلمت ابوي بدوامه وقلت له قال روحو وناثه "

العشاء بروح لها وحشتني لبى قلبها "