[ سنهـ تحضيري ] : ككل وحده انقبلت بكليتنا المصون تتفضل ( سوالف + نصايح + فكره عن الدراسه )

[ارجُوان]

اررررحبوا ارررحبوا اخيراً صحصحتوا

شجرة التوت

احس المفروض نداوم اول يوم والباقي سحبه

خبرك بعدين مايحصل لنا نغيب

[judi]

صباحكم خير يارب

[ورود الياسمين]

اهلين بنوتات سالفتي سالفه اناطالبه انقبلت العام الي فات وما قدرت ادرس رحت وسويت تاجيل وقالو لي بتجيك رسالة عالايميل من عمادة القبول والتسجيل بموافقة التاجيل وان ماجتك السالة راجعينا برمضان والحين ابغى اعرف وضعي الحالي اقدر ادرس السنة الجاية لان في سجلاتي المواد حاطينها وحاطين تقديري مجنب كل ماده راسبه طبعا ولما اروح الى اضافه فصول واسجل المواد مايرضه يكمل معي الي ابغى اعرفه السنة التحضيرية لقسم التربية اول ترم الجدول يكون جاهز او انا الي احطه والمواد الي طالعه لي لما اروح لاضافة فصل مواد السنة التحضيرية اومواد السنة الي بعدها وش السواة خبروني ضاااايعه

[ورود الياسمين]

بنات تطلع لي هادي لاما اجي ابغى اكمل التسجيل وانتقل الى الصفحه الثالثه

Your current Total Unit Count is : 0Units (Already enrolled) + 19 Units (Chosen from Shopping Trolley) = Total 19 Units which is less than 12 units for GPA < 2 students. Please apply for the'Registering Less than 12 Hours'. Once advisor approves your application, you are allowed to proceed for this enrollment. Navigation path for applicarion is : Self Service --> Uoda Services --> Student application --> Registration Advisor Approval.



وش تعني الله يعطيكم العافيه:

[ms.tsleek]

^

مايحتاج تداومون الاسبوع الاول كامل
يعني مثلا روحوا الاربعاء او الثلاثاء ولو بغيتوا رحوا بداية الاسبوع الثاني (السبت )
بس بيعطونكم الشؤون ورقة الجدول واماكن القاعات و الورقه الثانيه حقت البنك تروحين تعبينها من البنك ويوقعون



اساسا لو جيتوا بدري ( الايام الاولى من الاسبوع الاول ) بيكون زحمه التحضيري عند الشؤون بالميات , ومابيضركم شيء لو جيتوا متأخر

>> هذي نصيحتي لكم في الاسبوع الاول من الدراسه


اللحين بالنسبه للمحاضرات و نظام الدراسه :-
1-حضور المحاضرات ضروري... اقل وقت للمحاضرات ساعتين وفي دكتورات يخلصون بدري ويطلعونكم قبل مايخلص وقت المحاضره الاساسي ,

اللحين بالنسبه للغياب مسموح لك تغيبين ثلاث مرات ( من دون عذر طبي ) للماده الوحده طول الترم , كل دكتوره بيكون معها كشف اسماء الطالبات ونهاية اوبداية المحاضره ( حسب كل دكتورة بتنادي باسماء الطالبات
...( يعني مثلا الماده ساعتين لك غياب 6 ساعات 3×2=6, وفي بعض المواد ( خاصه عند العلمي ) مثالا ماده - مقدمه في الحاسب -تكون مجموع ساعاتها اربع {ساعتين محاضره و ساعتين معمل <يعني تطبيق على الحاسب > ..هنا بيكون فرص الغياب عندك4×3=12ساعه ,,, والحكمه من ذكر كم ساعه بالضبط وانو ما اكتفينا بالقول ان الغياب ثلاث مرات لان بعض الدكاتره لو تاخرتي او سويتي ازعاج في الكلاس ممكن تقولك يافلانه بكتب عند اسمك غياب ساعه وانتي انتبهي واحسبي غياباتك اول باول وتقدرين تطلبين من الدكتورة تشيكين كم غياب عندك ,, اصلا المفروض كل دكتوره تعطي الطالبه خبر لو صار عندها غيابين ..
ولو غبتي فوق 3 ساعات ( بدون عذر طبي ) يجيك حرمان والحرمان هو انك تحرمين من دخول الامتحان النهائي وبالتالي ترسبين في هذه الماده
# يعني لو بتغيبين بسسب مرض لاسمح الله ذاك اليوم روحي للمستشفى عشان تاخذين عذر ولا يحسبون لك غياب ..

• اللحين الدراسه كل ماده لها طريقتها في مواد تحتاجين يكون معك نوت عشان تسجلين الاشياء اللي تكتب على السبوره ( خصوصا المواد العلمية مثل الرياضيات والفيزياء والكيمياء ) , وفي مواد تخططين مع الدكتوره من الكتاب , وفي مواد من سهولتها ماتحتاج لاتاشير ولا تسجيل ملاحظات .
• الدرجات : اللحين بالنسبه للدرجات كل دكتوره بتقول لكم توزيع الدرجات يعني يختلف باختلاف الماده ,, وفيه خطه ممكن تشترونها من مكتبة الكليه والخطه تتضمن ( عنواين المحاضرات و توزيع الدرجات واوقات الامتحانات وكذا ) ,,
- وتوزيع الدرجات بشكل عام يكون مقسم بين الامتحان الشهري
( في مواد يكون لها امتحانين شهريين وفي مواد امتحان واحد )
و الامتحان النهائي ( 50 درجه ) واعمال السنه ..
اعمال السنه مهمه جدا جدا واصيكم عليها لان اغلب البنات يتهاونون فيها وبالتالي يرسبون , لان نظام الكليه غير عن نظام المدرسه الدكتوره ما بتجلس تلاحقك وتنبهك كل مره يافلانه سلمي العمل يا فلانه سوي .. لا .. بيكون لكل عمل وقت محدد سلمتيه بتاخذين الدرجه ما سلمتيه بتخسرينها ومافي احد بينبهك ... خلاص انتي اللحين كبرتي ومافي احد بيعلمك وش المفروض تسوين ,
واعمال السنه على حسب طلب الدكتوره يعني اما تكون مجله او تسميع شفوي او شرح ( تقومين انتي ومجموعه من البنات تشرحون جزئية معينة ) او يكون واجب فردي او واجب جماعي او بحث او عرض بوربوينت ..
ضروري يكون معك نوت عشان تسجلين الاعمال المطلوبه عليك ولا تنسين واغلب الاعمال بتكون جماعيه يعني اختاري لك قروب مناسب وخليك حريصه على جمع الدرجات من هذي الاعمال حتى ترفعين معدلك ..
** ملاحظه : درجة النجاح في الماده 60 درجه ..
وبما ان درجة الامتحان النهائي 50 درجه او 40 درجه حسب الماده ... يعني لازم تحتاطين قبل الامتحان النهائي وتجيبين درجات مرتفعه في الامتحان الشهري واعمال السنه . عشان تجمعين درجات وتدخلين الامتحان وانتي مرتاحه .

وهذي صورة توضح لك المعدل والدرجه اللي تقابله

# بعد ما لاحظتي الدرجات شفتي كيف ان الخمس درجات ترفعك من A الى A+ وكيف انها ممكن تنقذك من الرسوب .. يعني حتى الدرجه في الكليه لا تتهاونين فيها واحرصي عليها .
# البونس (bonus) : هذي عباره عن درجات اضافيه , ويكون مقابلها عمل معين .. وهي على حسب الدكتوره , مثلا تقول سوو لي كذا ولكم بونس درجتين او ثلاث , زي ماقلنا الدرجه مهمه في الكليه , فاحرصي على البونس .
# بالنسبه للعلمي :: بيكون للمواد العلميه معمل ( فيزياء وكيمياء ) بيكون فيها تجارب لاستنتاج قوانين معينه مثل ( واغلبها اشياء اخذناها في الثانوي بس نطبقها كتجارب ونسجل الاثباتات والقوانين ) والرياضيات ساعة تمارين , بالنسبه للمعمل احرصي انك ماتغيبين وقت المعمل لانه مهم تحضرينه و لو اضطريتي مافي مشكله بيكون قبل الاختبار النهائي مراجعه شامله لكل التجارب.


بالنسبه للتخصصات الموجوده
العلمي ( رياضيات , فيزياء , حاسب الي , انجليزي )
الادبي ( رياض اطفال , تربيه خاصه , انجليزي)



# ختامــاً : اول ايام الكليه بتكونون شويه مفهين لين تتعودون عليها , وبالتوفيق للجميع

[ارجُوان]

^

^


ماشاءالله كفييتي وووفييتي

وضحتي كل شي وماقصررررتي يالغآآآليه

الله يعطيك الف عااافيه ويسسعدك ويوفقك يااااااارب

[ms.tsleek]

المشاركة الأصلية كتبت بواسطة ورود الياسمين

اهلين بنوتات سالفتي سالفه اناطالبه انقبلت العام الي فات وما قدرت ادرس رحت وسويت تاجيل وقالو لي بتجيك رسالة عالايميل من عمادة القبول والتسجيل بموافقة التاجيل وان ماجتك السالة راجعينا برمضان والحين ابغى اعرف وضعي الحالي اقدر ادرس السنة الجاية لان في سجلاتي المواد حاطينها وحاطين تقديري مجنب كل ماده راسبه طبعا ولما اروح الى اضافه فصول واسجل المواد مايرضه يكمل معي الي ابغى اعرفه السنة التحضيرية لقسم التربية اول ترم الجدول يكون جاهز او انا الي احطه والمواد الي طالعه لي لما اروح لاضافة فصل مواد السنة التحضيرية اومواد السنة الي بعدها وش السواة خبروني ضاااايعه

اهلين
التسجيل تقدرين تسجلين يدوي مع بداية الدوام مافي مشكله ..
وبالنسبه للتقدير كلمي استاذه تهاني وهي بترفع خطاب للعماده ويعدلون لك سجلك ...> انا صار لي مثلك وبعد فتره عدلوا لي اياه


لكن ماتدرين يمكن اللحين الوضع تطور وتقدرين انتي بنفسك تراسلين العماده
شوفي لو الوقت هذا فيه دوام تقدرين تروحين وتكلمينهم بمشكلتك

[ms.tsleek]

المشاركة الأصلية كتبت بواسطة ارجُوان

^

^


ماشاءالله كفييتي وووفييتي

وضحتي كل شي وماقصررررتي يالغآآآليه

الله يعطيك الف عااافيه ويسسعدك ويوفقك يااااااارب

آمين وياك

[zooz mohammad]

بنآآآآآت
اذا عندكم قروب ف البي بي عطوني البن لا

[شجـره التـوت]

مس تسليك
يعطيك عافيه يالغاليه
والله كفيتي ووفيتي
وكان شرحك رائع جدا جدا
ربي يجزاك كل خير
يارب تكون علاماتنا a فما فوق

الله ييسر امورنا ويوفقنا