[ شعر ] : مَن أنــا , عبر عن نفسك بأبيات أو أشطر شعرية ..

[عبير الوادي]

"انا الغيور اللي تذبل عيونه من الغيره وينام"

[خجَل]

انا انسان مع نفسي
قبل مااكون معك انسان
ولي مبدا ولي نظره
وتحكمني قناعاتي

[خجَل]

آلله خلقني طيب آلقلب حسآس

مشآعري مآهي [خدآع] ومظآهر ..

مآ أقدر على جرح آلمشآعر والآحساس

يصعب علي أكسر للآحباب خآطر ..!!

[البعد الرابع]

حنا على الدنيا .. ودايع وأمآنات
................ و آلموت يآخذ كل يومن ودآعـه

نحسب حساب أربآحنا فـ التحيات
................ و إذا خسرنآ مآ نصلي جمــاعه

نجمع وصخ دنيا و نجمع عقآرات
................ نخسر بـ نفس الوقت كنز القناعه

و نبني مع كل الأوادم علاقــآت
................ و حنّآ مع رب الأوادم قطــاعه

[البعد الرابع]

شخص عآدي ..

لآ يشيل و لآ يـعـآدي ..
هذآ أنآ !
من قرد حـظي ..لآ أزآل
أحـمل مبآديء !

[البعد الرابع]

حبيت آسـجل على بيـض المـوآجـع .. حـضــور

لو مآلي من آلحـضور : إلآ .. آلتـعب / و آلـعـنآ

[البعد الرابع]

ليت في صدري مخارج طواري للهروب
عند حالات الطواري تفك ابوابها

الهموم اللي بصدري تجي من كل صوب
مايعرف اسبابها غير من يبلابها

[البعد الرابع]

سامحت كلّ اللي جرحني و بحته ...!
الله يبيحه مآ .... أبي منه / تبريـر

واللي معه قصّرت .. و إلا جرحته ؟
أبيه يسامحني .. على كلّ ... تقصير

[البعد الرابع]

أبوي وصآني ترى الوقت رحّآل
ـــــــــ و لا تتبع الوآشين و أهل الملآمه
و

رآفق صديق ٍ باللقآء طيّب الفآل
ـــــــــ الذيب يفزع و (( النعآمه نعآمه ))
و

من عز نفسه تنضرب فيه الأمثآل
ـــــــــ ومن ما حشم نفسه يقل إحترآمه

[الـفيصـل]

&




آه .. لو مات الأمل .. وآخر علاج الحزن كـيّ !

. .والله إني لـ/ اكتوي - من حرّ ما بي - لين أجيه

يا عسى قبر ٍ يضمّه ياخـذ مـن الغيـم .. فـيّ

. .ويتوسّع له .. على مـدّ البصـر مـن راحتيـه