[ سنهـ تحضيري ] : ككل وحده انقبلت بكليتنا المصون تتفضل ( سوالف + نصايح + فكره عن الدراسه )

[ms.tsleek]

^ امين وياك يارب


طبعا الدكاتره كل دكتوره واسلوبها
اول محاضره بتعرفك الدكتوره عن نفسها و ايش تبغى منك كطالبه

و اغلب دكاترتنا ومعيداتنا طيبات و متفهمات
انتي خليك مؤدبه هذا اللي يهم الدكتوره
والشطاره والاهتمام هذا لك انتي


و اي استفسار اي شي انتي مو فاهمته اطرحيه وقتها في المنتدى وان شاء الله نعاونك باللي نقدر



قبل فتره كنت بنظف جهازي من المستندات الزايده اللي تخص السنه التحضيريه وماعاد احتاجها
بس قلت بخليها عشان افيد بنات السنه الجايه

[شجـره التـوت]

ياعمري انتي
ربي يعطيك العافيه
طمنتي قلبي الله يطمن قلبك وينولك الي تودينه
على حسب بعض كلام البنات خوفوني ان في ظلم من بعض الدكاتره
وانا هالشي سبب لي قلق
بس كلامك طمني
واي شي عندك بيفيدني ارسليلي اياه
انا متوفره دائما هههههههههه

[ms.tsleek]

^ لا مافي دكاتره يخوفون ابد
انتي امشي سيدا ولاتخافين
ولو حصل ظلم لاسمح الله فيه رئيسه قسم ممكن تشتكين على الدكتوره عندها اذا كان الموضوع يستاهل
مو لانها دكتوره تظلم بنات خلق الله
الدكتوره فوقها رئيسة القسم ورئيسة القسم فوقها العميده وهككذا ليين نوصل لوزير التعليم العالي >> وش دخل :|
ونادر هالشي يحصل في كليتنا ... الحمدلله



انا بالنسبه لي في دكتوره وحده اشرد منها ومستحيل اسجل عندها مو لشيء بس عشان نظامها نفس نظام المدرسات >> شفتي الدلع اللي حنا فيه


والاشياء اللي عندي بنزلها في الوقت المناسب
لو احتجتوا شي او جات الامتحانات الشهريه وانا فاضيه نزلتها لكم

[مملوحه الوصايف]

لو انا مكانكمم ياللي توكم انقبلتوو انفصصل منهاا جامعةة
تجيب الهذاك شسمةة الهم ع القلب
م فيها شي تماام شي يرفع الضغط قسسم بالله
ولا نظام التسسجيل الزفت ذا اللهم اني صايمةة بسس

لوووووووووووووووووووووووول مبروك عليكم الشيب مقدماً

ي زين جلسسسة البيت بس

[Rawan alzahrani]

مرحبآ بنآت
طبعاً آنآ كنت متآبعه لكم بصمت
آستآنست يوم شفت بنآت مثلي خآيفين ومتوترين ولآ يدرون وين الله قآطهم
زييينكم يمين بآلله آني حبيتكم
مآ تدرون شكثر ريحني هآلموضوع الله يجزآكم كل خير يآرب
آممم المهم
آنآ روآن ( آدبي ) و من آلدمآم

[ms.tsleek]

صباح / مساء الخير

[IMG]

http://www.jubailportal.com/news/wp-...40.5836145.jpg

[/IMG]





احب اعطيكم فكره عن مرافق الكلية ..



في الكلية عدد من المرافق اللي تخدم الطالبات وهي كالتالي :


1- الكافتيريا
... فيها قسم للعصيرات والمشروبات الغازيه وفطاير وفلافل وشاورما .. القسم اللي بعده يبيعون كوفي وشاي وكوكيز يعني كوفي شوب بس متواضع لايجي في بالكم انه زي ستاربكس وكذا و جنبهم على طول يبيعون عصيرا ت طبيعية , وكروسان > هذا طازج ميه بالميه اللي بطنها حساس انصحها تفطر منه دايم .. وجنبهم يبيعون ذره وفشار وايس كريم و بعده مكان للشيبسات والجلكسيات و التويكسات والمالتيزرزات وعلوك وهولز وكذا يعني باختصار بقاله متواضعه
وبعده قسم للسندويشات ( شاورما , فاهيتا , كباب ,كلوب هاوس ,كودو ) >> سعرها 8 ريال والكودو بـ10ريال
واحيانا يبيعون ورق عنب ومكرونه بالباشميل واتوقع كشري ..

والكافتيريا فيها طاولات وكراسي > دايم زحمه وما احب اجلس فيها , اشتري واطلع ..





2- المكتبة التجارية ...


زي المكتبه صغيره فيها اشياء بسيطه ممكن تحتاجها الطالبه وفيها اقسام (هي موجوده مع بعض لكن انا بفصل لكم محتوياتها )

-قسم لبيع ادوات قرطاسيه : اقلام مزيل ونوت وملفات برايه مساحه وهذي الاشياء
-قسم لادوات التجميل الخفيفه : عدسات مناكير مزيل مناكير احم احم للحالات الطارئه >اتوقع فهمتوا ,اممم ايش بعد اكسسوارات بسيطه
-قسم طباعه ونسخ وتصوير : من هنا تشترون الخطه التفيذيه اللي قلت لكم عليها من قبل او أي ملزمه تنزلها الدكتوره وتعطيكم خبر انها في المكتبه , وممكن تنسخين كتاب بس ياخذ وقت شوي , او تنسخين اوراق , وتقدرين تجيبين شغلك او بحثك على فلاش او سي دي وهم يطبعونه لك ( تنبيه :اللي الاوفيس حقها 2010 تحفظ شغلها بيصيغه doc اذا خلصت شغلها وجات تحفظه ( بحط لكم الشرح في مشاركة جايه ان شاء الله ) لاني انا كنت اسوي شغلي في البيت و الاوفيس حقي 2010 والكمبيوتر حق المكتبه اذا دخلت الفلاش فيه وشغلت المستند يطلع الكلام مشفر ومتداخل في بعضه ) , وممكن تنسخين مستند من فلاش الى سي دي .

طبعا الاسعار في المكتبه شويه دبل اتوقع الورقه ابيض واسود بريال والملون بريالين ما اذكر بالضبط بس انها اغلى من برا . واحيانا تكون زحمه فالافضل لك تسوين شغلك في البيت والمكتبه تخلينها بس وقت الازمات .


*** وترا في المكتبه التجاريه بطايق شحن بس تزيدين ريالين يعني اللي بعشره تصير 12





3- المكتبة العامه

هي مكتبه للقراءه واستعاره الكتب.. وفيها طاولات مشتركه ( دائريه حولها اكثر من كرسي وهي مكان مناسب عشان تجتمعين فيها انتي وقروبك عشان تسوون وتتفقون لعملكم الجماعي او تذاكرون مع بعض , وطاولات تجلسين عليها لحالك وفيها حاجز بينك وبين اللي جنبك .. وهي مكان هادئ ممكن تذاكرين فيه او تجيبين معك لاب توبك تشتغلين عليه , اللحين فتحوا خدمه النت للامانه ماجربتها بس اشوف بنات يدخلون غرفه فيها اجهزه شابكه على النت وما اتوقع تكون كل يوم مفتوحه .




4- القاعة الزرقاء .. قاعه متعددة الاغراض .. يسوون فيها حفل التخرج و لحملات و كل سنه يجيبون فيها زي السوق كذا > زي البازار..



5- مسرح الامير محمد بن فهد . تكون فيه الانشطه والمسرحيات .



6- المعامل .. معامل الحاسب ومعمل احياء ومعمل فيزياء ومعمل الكيمياء .



7- القاعات الدراسيه ( ثلاث اجنحه أ و ب و ج كل جناح دورين )



8- الحديقه ... مكانها في نص الكليه. تنفع ايام الشتاء كل قروب لهم فرشه يجلسون عليها ..




9- المصلى .. مكانه برا تطلعين له من باب في الكافتيريا > يمديك تصلين في اي مكان بالكليه عادي بس اسالي عن القبله اول .

وهذي صورة لمصلانا
[IMG]

http://2.bp.blogspot.com/_EtkmARLD7-...0/SDC10482.JPG

[/IMG]




***** ملاحظه : فيه اوقات مايكون فيها محاضرات ابدا ...
احيانا يختارونها الدكاتره للامتحانات الشهريه او تعويض شرح جزئيه ماشرحتها بسسب ان الوقت مو كافي او غيره .وكل دكتوره بتبلغ طالباتها او تسوي اعلان قدام مكتبها ( لوحه في السيب اللي قدام او جنب غرفتها تعلق عليها الاعلانات وممكن الدرجات او أي شي تحب تبلغه لطالباتها )
الاوقات هي :
يوم السبت : من الساعه 8 الى 8:50 او 9
يوم الثلاثاء : من الساعه 10 الى 10:50 ( وقت النشاط )
يوم الاربعاء : من الساعه 8 ال 8:50 او 9

** ملاحظه ثانيه : ممكن يكون من حظك ان يكون الجدول الخاص فيك يوم من الايام يكون ماعندك غير محاضره وحده وتكون الثانيه او الاخيره . تقدرين تجين قبلها بعشر دقايق مو شرط من بداية الدوام . بس تدخلين مع بوابة الامن (باب ازرق صغير ) لان البوابه الرئيسه تكون مقفله .
** تفتح البوابه الرئيسيه للانصراف الساعه 12 , ولو بتطلعين قبلها اتوقع لازم اذن من ولي الامر .

وبسس .. هذا اللي عندي عن كليتنا , بتاخذون يومين او 3 ايام على ماتحفظون اماكنها > انا اخذت اسبوع , اساسا كليتنا صغيره ( كانت مدرسه سابقا واكيد بنات الجبيل يعرفون هذا الشي )


وبالتوفيق للجميع ,,

لاتنسوني من دعائكم , واستنوا مشاركة تحويل المستند تبع اوفيس 2010 الى صيغة doc اللي قلت لكم عنها

[ms.tsleek]

بآآآآآك



يله نبدأ شرح مفصل بالصور عن كيفية تحويل مستند ( بوربوينت او وورد ) من اوفيس 2010 ( صيغة docx) الى 2007 (صيغة doc )
لان هذه الضيغه يمكن فتحها على الاصدارين 2010 و 2007 بدون تشفير للكلام او يكون الكلام متشابك


1- بعد ماتخلصين شغلك على المستند اختاري قائمة ملف بعدين ----> حفظ باسم



2- بيطلع لك مربع حوار اضغطي على القائمة المنسدله ( حفظ كنوع )


3- من القائمه اختاري اللي بين القوسين (doc ) انا هنا طلع لي من البدايه لاني دايم اختاره




و خلاص كذا انحفظ عندك وتقدرين تفتحين المستند تبعك على اصدار 2007



اتمنى ان الشرح يكون واضح وتستفيدون منه

لا تنسوني من دعائكم

[judi]

ms.tsleek

يعطيك العافيه على المعاومات .. وجعلها الله في موازين حسناتك ...

[شجـره التـوت]

روان ياهلا وغلا فيك من بينا
نورتي يابنت تخصصي

مس تسليك
ااااه بس وش اقولك
كلمه شكر قليله عليك يالغاليه
معلومات حلوه ومفيده
لاول مره احس اني اعرف معلومات وافيه غير عن اللبس والامن والجوال
هههههههه
حتى موضوع الملفات اعجبني
افضل صيغه هي ٢٠٠٧ وورد

بس ان شاء الله اتعلم ع الاشياء بسرعه
يعطيك العافيه ياقلبي

[رضااك ياربي]

ms.tsleek

الله يوفقك ياشييخه ويسسعدك دنيا وااخرة من جد ماقصرتي بموضوعك ساعدتي البنات وبالذات بنات تحضيري الله يطمنك
مثل ماطمنتيهم وبموازيين حسنااتك ياارب