|
منتدى كلية التربية بالجبيل منتدى كلية التربية بالجبيل ; مساحة للتعاون و تبادل الخبرات بين طالبات كلية التربية بالجبيل و نقل آخر الأخبار و المستجدات . |
|
أدوات الموضوع |
2012- 8- 4 | #461 |
متميزة بكلية التربية بالجبيل
|
رد: ككل وحده انقبلت بكليتنا المصون تتفضل ( سوالف + نصايح + فكره عن الدراسه )
^ الله يعافيكم
اتمنى لكم مستقبل زاهر بالنجاح |
2012- 8- 4 | #462 |
متميزة بكلية التربية بالجبيل
|
رد: ككل وحده انقبلت بكليتنا المصون تتفضل ( سوالف + نصايح + فكره عن الدراسه )
بنات انا سبق وقلت لكم مو ضروري تداومين الاسبوع الاول
اتراجع عن كلامي لان المستجدات العاام ( انا ماكنت منهم ) كان عندهم ورشه اللي هي زي الدورات البسيطه وبعدها اختبروا اختبار سهل جدا جدا وتافه تدخلينه بدون مذاكره من 20 درجه او اكثر وانضافت لهم في مادة اسمها (مبادئ التربيه) واغلب اللي اعرفهم اخذوا درجه كامله بدون مايذاكرون .. ما ادري انا مالحقت على هذي الحركه عشان كذا قلت عادي لو جيتوا متاخر روحوا ووشوفوا السنه هذي فيه ورشه ولا لا ؟؟ > لوفيه بيحطون اعلانات عند البوابه الرئيسيه او في الشاشات الموجوده في الاسياب . او اي وحده تداوم بدري تكتب للبنات في المنتدى ان اليوم الفلاني فيه ورشه اللهم بلغت , اللهم فاشهد |
2012- 8- 4 | #463 |
أكـاديـمـي فـعّـال
|
رد: ككل وحده انقبلت بكليتنا المصون تتفضل ( سوالف + نصايح + فكره عن الدراسه )
,’
الله يحفظك مس تسليك بجد الف شكر لك ماقصرتي ووضحتي كل شي بالكليه الله يووووفقك ويرزقك ماتتمنين ياعسل |
2012- 8- 4 | #464 |
متميزة بكلية التربية بالجبيل
|
رد: ككل وحده انقبلت بكليتنا المصون تتفضل ( سوالف + نصايح + فكره عن الدراسه )
^ اجمعين
انتوا باقي عليكم تشدون حيلكم بس , وتاخذون موادكم كلها وتنجون فيها باعلى معدل ان شاء الله ** لو كل سنه رسبتي في ماده او بمصطلح افضل حملتيها ( تحملينها معناتها انك لازم تدرسينها مره ثانيه في اي وقت وتنجحين فيها وماتتخرجين الا اذا نجحتي ) هذا بيزيد من عدد سنوات دراستك ترم او ترمين على حسب كثرة المواد . مع العلم ان سنوات الدراسه في الكليه : 4 سنين ( سنه تحضيريه + 3 تخصص ) والمعدل التراكمي حاولي يكون مرتفع قد ماتقدرين كل ماده لاتقل عن B ( المعدل النازل يقلل من الساعات اللي مفروض عليك تدرسينها الترم اللي بعده او السنه اللي بعدها وبكذا تضطرين تحذفين مادتين او ثلاث من مواد الترم الجاي او السنه الجايه ( والبنات الدوافير ياخذونها كلها ) لانه خلاص صار فيه نظام جديد نظام الساعات والمعدل ( هو ان عدد ساعات دراستك السنه القادمه او الترم القادم يعتمد على معدلك اللي حصلتي عليه من قبل ) و زي ماقلت لو معدلك نازل ما بتاخذين كل المواد اللي مفروض عليك تاخذيينها زي باقي البنات و كذا تتراكم المواد على ظهرك و مافي قدامك غير حلين انك ترفعين المعدل فيصير مسموح لك تزيدين مواد وكل سنه تاخذين ماده و كذا يكون ضغط عليك او تزيدين على سنوات دراستك الاساسيه ترم زايد او سنه او سنتين على حسب كثرة المواد اللي تراكمت عليك افهموا كلامي زين ولا تطنشونه انا انصحكم من واقع تجربه يله بالتوفيق للجميع |
2012- 8- 4 | #465 |
أكـاديـمـي
|
رد: ككل وحده انقبلت بكليتنا المصون تتفضل ( سوالف + نصايح + فكره عن الدراسه )
[QUOTE=شجـره التـوت;6985512]
على حسب بعض كلام البنات خوفوني ان في ظلم من بعض الدكاتره وانا هالشي سبب لي قلق انصحكم ي بناات تحضيري لاتسمعوون لاحد الين ماتجربون انتو ولاتسمعوون للي يحبوون يحطموون ويقولون لكم ظلم ونظام زفت ومدري ايش استغفر الله هذوول عانييت منهم على قد ماكنت متوترة العام وشاايله هم الدنيا عشان الكلية بالنهاايه اكتشفت انها ماتستاهل ولا شي ترا كلها تساهييل من رب العالميين وكل شي جاهز مجهز لكم ولاتشيلون هم والجدااول بعد جااهزة وكل شي ماراح يبدا الا من ثااني اسبووع انا بالنسبة لي داومت يوم بس من الاسبوع الاول وياليتني ماداومت ماستفدت شي بس عشان ورقة البنك وعاادي تقدرين تاخذينها باي وقت او توصين احد بس اذا تبين تتطمنيين تعالي عشان تشوفين الكليه وهي فاضية وتحفظين بعض الاماكن بدوون زحمة البناات وبالنسبة للدكاترة والاستاذات احسس عاادي جدا نفس الوضع بالمدرسه تقريبا ويمكن احسن بعد مافي شي يخووف وماشاءالله اغلبيتهم طيبات ومتعاوناات واول يووم ابدا لاتشيلون همه مع انه حوسه شوي اول يوم تلقين اول ماتدخلين قوائم بأسمااء بنات تحضيري وكل الي عليك تشوفين اسمك وباي مجمووعه لانهم بيقسمونكم على مجموعاات ومكتوب رقم الكلاس حق مجموعتك<<هذا اللي سووه معانا العاام مالي دخل لوتغير شي اذاماتعرفين المكان تسالين عن مكان الكلاس وبس اذا رحتي هناك كل شي بيتسهل باذن الله الاستاذه بتعلمكم كل شي وقتها كان عندنا ورشة مهارات الحياة الجامعية بدت بثاني اسبوع مدتها 3 اياام سبت واحد واثنين ويوم الثلاثاء اختبرنا بالي درسنااه مره حلو وسهل والربوع غبنا ماعندنا شي ومن الاسبوع الي بعده بدينا ندرس موااد التحضيري وبالنسبة للاختبارات اسهل من الدرسه واريح كلها اختياري وصح وخطا وهذا الي اللي عندي والله يوفقكم دنيا واخرة واستغلو رمضان بالعباادة وقراءة القراان لا تنشغلوون بالكليه واموورها مثل ماقلت لكم تساهيل من ربي وكل شي بوقته حلوو..وووبعد اوصيكم ع الاستغفاار ترا يفرج الهمووم .. وعلى فكرة اي استفسااار انا جااهزة لا يردكم الا كيبوردكم وبالتوفيق لكم |
2012- 8- 4 | #466 | |
متميزة في كلية التربية بالجبيل
|
رد: ككل وحده انقبلت بكليتنا المصون تتفضل ( سوالف + نصايح + فكره عن الدراسه )
اقتباس:
ي قلــبي أذكـــر أن الــورشـــة كانت بالأسبوع الثاني وإلا ناسية ؟ |
|
2012- 8- 4 | #467 |
أكـاديـمـي
|
رد: ككل وحده انقبلت بكليتنا المصون تتفضل ( سوالف + نصايح + فكره عن الدراسه )
م لقيناا هالأهتمام من قبل الله لناا
|
2012- 8- 4 | #468 |
متميزة بكلية التربية بالجبيل
|
رد: ككل وحده انقبلت بكليتنا المصون تتفضل ( سوالف + نصايح + فكره عن الدراسه )
^
ما ادري انا ماكنت مستجده العام و ماطلبوا مني احضر الورشه |
التعديل الأخير تم بواسطة ms.tsleek ; 2012- 8- 4 الساعة 11:33 PM |
|
2012- 8- 4 | #469 |
متميزة في كلية التربية بالجبيل
|
رد: ككل وحده انقبلت بكليتنا المصون تتفضل ( سوالف + نصايح + فكره عن الدراسه )
بنـات لا تخـتافـون تــرا الكــلية خيـــال من ناحية الونــاسسسة صــح بعض المحاضرات تطفش بس وؤربي ما تخيلته كذا فــله وونــااااااسسسة احس من كلام الناس ان الكلية غير وصعبة وقلق ولا فيه وقت فراغ لا تصدقووون الحمد لله حلوه وفيه نسبة كبببببيرة من الدكاترة والمعيدات عسسسل واذا كان عندك فراغ انتم وخوياتكـِ تجيبــون قهــــوة وحلا وشاي ومعجنات وشيبسات مو ممنووووع مووووووفقـــات |
2012- 8- 4 | #470 |
أكـاديـمـي
|
رد: ككل وحده انقبلت بكليتنا المصون تتفضل ( سوالف + نصايح + فكره عن الدراسه )
|
التعديل الأخير تم بواسطة رضااك ياربي ; 2012- 8- 4 الساعة 11:40 PM |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
[ اللغة العربية ] : محاضرات الادب الاندلسي | بنوته11 | منتدى كلية الآداب بالدمام | 23 | 2012- 5- 23 02:20 AM |