صفحات من حياتي

[ξـبد»βrines«الرζـمن]

حياكم وبعد المطر جيناكم

انا احب القصائد المصورة بهذا الشكل وبالصدفة طحة في كم قصيدة مع الإلقاء اترككم مع هذه الرائعة من الروئع ..

http://www.youtube.com/watch?v=SXeu9...eature=related

سبحان الله اليوم ماسكة اشعار وقصائد يمكن الجو له دور

للجميع

[ξـبد»βrines«الرζـمن]

هذي قصة الشاعرة (نورة الحوشان )الله يرحمها وكلماتها المشهورة قصة والقاء الراوي (محمد الشرهان)
(الي يبينا عيت النفس تبغيه @@والي نبيه عيا البخت لايجيبه)

http://www.youtube.com/watch?v=iJeApL5bk50

وهذه القصيدة بشيلة احمد القرعاوي

http://www.youtube.com/watch?v=0QHwY...eature=related

للجميع

[ξـبد»βrines«الرζـمن]

طبعا امر الان بحالة تحشيش لاارادية

ودي انام بس الجو خرافي مطر وغيوم (اكيد غيوم يعني بتمطر من القمر مثلا ) اخاف انام ويفوتني الجو الا نمطي وقوم الصباح والشمس طالعة قلت يا رجال واصل (واصل ولا البريد السعودي) :58545: ولا يفوتك هذا الجو مو كل مره يجي

للجميع

[ξـبد»βrines«الرζـمن]

اسعد الله صباحكم وجعل شغالتكم تنحاش بدون ما تغسل الصحون

الله يحييني بعد غيبة

المهم قبل كم يوم في صلاة العشاء تعرفون شقاوة الاطفال :58545: وازعاجهم بالمساجد المهم كان فيه طفل تقريبا عمره 4 سنوات او 6 كن مزعجنا بالمسجد الله يهدي ابوه الي جابه للمسجد المهم من الركعة الثانية والولد شغال ازعاج طبعا كانت معه لعبة تعرفونها الي (كورتين مربوطة بحبل مع بعض )

مثل هذي





وشغال طخ طيخ طخ طيخ طبعا ان اشغالني وجا رجال وجلس ينصحة عيب حبيبي تعال صل عشان تصير رجال ومن هذا الحكي المهم الولد مطنش الرجال والرجال يبي يلحق الركعة طبعا لحق الركعة بعدين وحنى جالسين بالتشهد الأول جا الولد ويخبط الرجال في وجهه باللعبة الرجال بين وبينه شخصين واسمع الرجال يقول (هااااااا) يعني شهق شهقة تقول واحد غرقان في مغطس خخخخ انا بيني وبينكم قلت في نفسي الحمدالله اني ما نصحة الولد الصغير ولا كان سوالي عاهة في وجهي طبعا الولد بعد الضربة انحاش وصار امام المصلين في الصف الاول الى هنا انتهى الجزء الاول ....

جينا الى الجزء الثاني ...

كان فيه شايب كبير سن وحاط عصاه الي يرتكز عليها امامه في الصف الاول جا هذا الطفل وخذ العصى وجلس يلعب بها ويدور بها مثل كذا طبعا كان يدور بها قريب من المصلين وهم خايفين يضرب احد في وجههة المصيبة لمى الامام سجد تقريبا كم واحد ما سجد خايف ان الولد يخبطه في راسه هذا الكلام في الركعة الثالثة والله هذا الفرخ مسوي رعب بالمسجد صراحة اول مره اخاف من طفل

الحمدالله ما فيه اصابات جسيمة غير الي صار في وجهة شلل نصفي

خلاص توبة بصير اصلي بالبيت مثل ما قال المثل
(الباب الي يجيك منه الريح ** تراه باب الحمام )


للجميع

[ξـبد»βrines«الرζـمن]

صباحكم محل فول تم اغلقه من البلدية

المهم قبل فترة سويت مقلب في احد الشباب دقيت عليه قلت له يا بو فلان قال سم قلت قريب ولا بعيد قال قريب بس والله عندي شغيل صغير بعدها انا فاضي قلت وش عندك قال شاري قهوة وحاطها عن محل يحمصها ويطحنها وعرفت المحل وروح للمحل وقوله القهوة جاهزة تبع ابو فلان قال صحيح وعطيه عشرة ريال تبع القهوة وخذها ومشي بعد شوي وتصل على زميلي هاه خلصت يقول لا والله صارت لي شغلة شوي وكلمك قلت وش فيك قال ياخوي ما ني فاضي لك الحين قلت عسا ما شر قال يا خوي القهوة انسرقت والله انا ما سك الضحكة

انا عاد اقوله افا وشلون قالي ياخوي الي قاهرني الناس تسرق ذهب تسرق سيارات وهذا ابن ....طوط طوط سارق قهوة انا عاد اكبر الموضوع اقوله بلغة الشرطة عاد هو يقولي تبي تفضحني وش اقولهم اقولهم عندي قهوة مسروقة والله ان يسجنوني يحسبوني محششش انا هنا جلست اشاهق ما عرفت امسك الضحكة هو يحسبني اضحك على كلامة بعدين قلتله تعال قهوتك معي رحت وخذتها من راعي المحل :58545: طبعا الرجال من القهر خلال ثانيتين اسمع صوت الكفرات عند باب البيت خخخخ وطلعت له انا ميت ضحك وهو يضرب فيني يا ضحكت عليه ضحك عضلات بطني شدة بس بعدين حسيت بالام الضرب


نصيحة لاحد يعلم اخوياه عن اي شغله تاركها بالمحلات

للجميع

[ξـبد»βrines«الرζـمن]

اسعد الله مسائكم

اللهم اجعلها امطار خير وبركة

الرياض الان تغرق من الامطار واستنفار الاجهزة الامنية الاشارات معطلة بعض الانفاق تغرق وزحمة مرورية اذا العاصمة غرقة في اقل من نص ساعة اجل وش نقول عن القرى والمناطق الاقل منها

الله يرحمنى برحمته


للجميع

[ξـبد»βrines«الرζـمن]

زواري الكرام حياكم الله نورتوني

تفضلو





:hahahahaha h:

[ξـبد»βrines«الرζـمن]

كل الشكر لزواري

ترتيب عشوائي ومنعا لإختلاط


الاخوات الاخوان

(وح ــــــــي)****** (غلاي غير)
(فيونكة) *******(دوستويفسكي)
(شموخ)
(هداوة)
(وينك يابوي)
(امواج الغلاء)
(شموخksa)
(9a8t 3leek )
(جنااااان)


والى كل الزوار المستخبين (حياكم الله )

[ξـبد»βrines«الرζـمن]

مراحب


من المفارقات سبحان الله انه الاسبوع الماضي عندنا في شرق وكذلك شمال الرياض امطار غزيرة اما غرب وجنوب لم تاتيهم الا امطار خفيفة

الاسبوع هذا غرب وجنوب الرياض اتتهم امطار غزيرة واحنى شرق وحتى الشمال اتتنى اامطار خفيفة سبحان الله

انا امس كنت في الطريق الدائري غرب الرياض عالم ثاني

الله يديم علينا الخير


من المفارقات كذلك اذا خرجت خارج الرياض في البراري تجد منظر غريب كل منقع ماء او تجمع مياه حوليه خمسين الف عائلة يا خي احس اننا ظفادع محنى بشر لهدرجة شفقانين على المطر :58545:

ولا تجد الأب او الام يجيبون عيالهم عند تجمعات مياه الامطار ويقولون لهم لاحد يلعب بالمياه انواع التعقيد بعدين ياخي لاعانت الاطفال تقوله في البيت اسبح يرفض واذا شاف الماء في الشارع او البر صار كنه سمكة قرش ما يبقى منقع ماء الا طب فيه وتلقاه من الظهر الين المغرب وهو في الماء يخرب بيتك طفل مستهتر خخخخ اموت على كلمة مستهتر


ياناس بعض الاحيان اوقات المطر ودك تكون بطة ولا ربيان عشان تسبح اتخيل شكلي ربيان وصادوني الصيادين وحطوني في كيس ام الحض الأقشر



للجميع

[ξـبد»βrines«الرζـمن]

السلام عليكم


رضى الناس غاية لاتدرك ....... نصيحة خلك على طبعك


ان شالله نشوفكم بعد الامتحانات

بمان الله