موضوع لـ الطلبه المستجدين وَ [ الدفعه الثالثه ] خصوصاً .. بعد استلامك الرقم السري تفضل هنآ ..

[اسماء بريده]

المشاركة الأصلية كتبت بواسطة دوَدي

طيب سؤال !
انتي ارسلتي اوراقك كامله وصحيحه ؟
وسددتي ؟ وكيف كانت طريقه تسديدك ؟
وهل حدثتي بياناتك ؟ ولمآ تدخلين على رابط التحديث ، ايش يطلع لك بالضبط ؟

ايه خلصت وارسلت اوراقي وسددت وعطاني البريد الرقم وحددت المركز لما ادخل على الافتراضي يقول بيناتك غير صحيحه واحاول من امس الى الحين وانا ادخل واحيانا يجي فوق مكتوب تحديث الرقم السري واحدث طيب الحين فاتني الدرجات او لا وربي خاااااااااااااااايفه

[مالك عايض]

طيب كيف طريقة الدخول على المحاضرات وهل نزلومحاضرات ولاباقي

[حب حب]

اليوم ارسلو لي الجامعه انو تم قبولي نهائيا ..وانا من امس احاول استخرج الرقم السري يطلع عندي خطاء بالاجابات جنني
واليوم جربت بعد ماارسلو الجامعه برضوا نفس المشكله وش اسوي راح الوقت وانا للحين ماطلعت الرقم السري احد يسوي فيني معروف ويساعدني
ماصاارت ياجماعه من امس وانا اطلب منكم المسااعده محد معطيني وجه وش ذا النحاسه

[WSAN]

المشاركة الأصلية كتبت بواسطة دوَدي

سوي التحديث وخذي الرقم اللي هم راح يحطونه لك ، وبعدين ادخلي الخدمات الطلابيه وعدلي الرقم تبع الجوال وبعدين غيري الرقم السري مره ثانيه

بعدين يرسلون الرقم على الجوال

[دوَدي]

المشاركة الأصلية كتبت بواسطة ابو سلمان @

السلام عليكم ورحمه الله وبركاته
الحين حدثت بياناتي وجاني الرقم السري ....ودخلت على الخدمات الطلابيه وحددت المركز الاختبار..بقى شئ من التسجيل؟؟؟؟
ودخلت الافتراضي ومافهمت شئ ....ممكن احد يفهمني بالتفصيل...
كيف احل الواجبات...وش يعني المناقشات...ومتى احلها اي يوم بالظبط
وش مطلوب مني اسوي كل اسبوع بالظبط
وشكــــــــــراً..

عليكم السلام ورحمة الله وبركاته ،
مبروك قبولك و الرقم السري ،
الافتراضي اسهل منه مافيه ، ركز معي حبتين ،
الحين لما دخلت ع الافتراضي ، مافيه اسماء مواد !
وتحت كل مادة اسم الدكتور ،
اختار اي ماده واضغط عليها ،
راح تتغير معك الصفحه وتطلع اختيارات ع اليمين
مثل :
معلومات استاذ المقرر
المحاضرات المسجله
منتدى الحوار
صحيح ؟
اذا تبي تشوف المحاضرات ادخل على المحاضرات المسجله ،
راح تلقى كذا
المحاضره التمهيديه ، الاولى الثانيه ، الثالثه وجنبها ملف اصفر ،
كل محاضره تدخلها وتشوفها او تحملها تاخذ عليها درجات ، وهذي هي طريقتها

نجي ل المناقشات وهذي تلقاها في منتدى الحوار
وعددها 14 لكل ماده ، وتنزل مناقشه وحده كل اسبوع
وطريقتها / سؤال من الدكتو او موضوع مطروح ، وتحط رايك فيه
ومو مهم صح او غلط ، لان التصحيح آلي ،

وكلها مالها وقت محدد مفتوح لك المجال طول الترم ،

و بالنسبه للمطلوب منك ، مو لازم كل اسبوع يعني لو كنت مشغول ممكن كل اسبوعين

واللي راح يصير كل اسبوع
تنزل محاضره وحده لكل ماده مع مناقشه ، وبعد شهر راح تنزل لك الواجبات والمحاضرات المباشره ، بس كذا ،

اي استفسار انا حاضره ، وحاول تشوف الروابط اللي حطيتها بالموضوع فيها شرح بالصور

[دوَدي]

المشاركة الأصلية كتبت بواسطة الوله والشوق

لبى قلبك دودي يعطيك العافيه . بس انا محصل لكل محاضره ثلاث مناقشات

على اي اساس ، حكمت ان المناقشات كلها لً محاضره 1 ؟

شوف طال عمرك ، مو نزل عندك ثلاث محاضرات + تمهيديه
و ثلاث مناقشات برضو ؟

هذا يعني ان لكل محاضره مناقشه وحده ، وكل وحده تحلها وتاخذ عليها درجه

[دوَدي]

المشاركة الأصلية كتبت بواسطة اسماء بريده

ايه خلصت وارسلت اوراقي وسددت وعطاني البريد الرقم وحددت المركز لما ادخل على الافتراضي يقول بيناتك غير صحيحه واحاول من امس الى الحين وانا ادخل واحيانا يجي فوق مكتوب تحديث الرقم السري واحدث طيب الحين فاتني الدرجات او لا وربي خاااااااااااااااايفه

بمآ ان رقمك السري يفتح الخدمات الطلابيه ، وقدرتي تحددين المركز
هذا يعني ان الرقم السري صحيح ،
طيب نجي الحين للحل /
ادخلي الافتراضي ، وحطي رقمك الجامعي [ بالانجليزي ]
والباسورد اكتبيه في مستند خارجي ، وسوي له نسخ ولصق عند مكان الرقم السري ،
وعلميني وش يصير معك

[الوله والشوق]

مبادئ القانون نزلو بس محاضره

[دوَدي]

المشاركة الأصلية كتبت بواسطة مالك عايض

طيب كيف طريقة الدخول على المحاضرات وهل نزلومحاضرات ولاباقي

طريقه الدخول على المحاضرات من هنآ
[ http://del2.kfu.edu.sa/vls/Login.aspx ]
حط رقمك الجامعي والباسورد ،
وشوف الشرح هنآ [ http://www.ckfu.org/vb/5583931-post5.html ]

و ايه نعم نزلت المحاضرات ،

اي استفسار انا حاضره

[عيون ابوي]

السلام عليكم اخوي كل ما يحدث بيناته يقول عند الأسئله كلها او احدهما خاطئه


تعبت أحاول وش إلحللللل