[ السنة التحضيــرية ] : تجمع طالبات السنه التحضيريههَ

[ارووش]

بنات انا من الخبر وين احصل مثل التنانير ذي ؟؟

[SILENT.]

مارينا مول - محل مقاسي .
او بزارا تلقين تنانير ستريت + كسرات
كويز عنده تنانير سترتش

[Srsr55]

المشاركة الأصلية كتبت بواسطة SILENT.

مارينا مول - محل مقاسي .
او بزارا تلقين تنانير ستريت + كسرات
كويز عنده تنانير سترتش

تنانير السترش ممنوعه؟؟

[جرحني غلاك]

لا مو ممنوعه بس م تكوون خفيفه تكون سميكةة شوي ف م تبين اللي تحتها

[Srsr55]

اها ششكرا

[P!nk~❥]

-


تم تعديل بعض الردود ﻵحتواها ع وسائل اتصال ..

-

[بسمة $]

بما ان لي خبره احم احم اربع سنوات بالكليه والسنة الجايه موجوده
بالنسبه لملابس الدووووووام لا تكثرون
تنوره او تنورتين سترتش قطني
ثلاث تيشرتات وعد وغلط بالماركات واللون الابيض اساسي
ثلاث او اربع قمصان نعوووومه
كارديغان اللي بزارا وغيرها ثنين وانا اهم شي اللون البيج الفاتح
شوز سبورت اساسي وبالظهران سكتشلرز ومحلات ثانيه
فلات 2
الميك اب الله يعافيكم لا تتحمسون واجد بلاش الباودر والفاونديشن والكونسيلر
ولا تجون كانكم قايمين من النوم ولا توكم طالعين من العرس
يكفي ماسكارا و ورسمة كحل انعم شي كات ايز وقلوس واذا حابه بلاشر واهممممممم شي واقي الشمسسسسس
وبس
وبالنسبه للشعرررر بلاش البف والفير الاليم
البوني تيل والكيكه والجدايل بأنواعها وبليزززززز اللي شعرها طويل لا تفتحه لان الشكل xxxx
اللي شعرها قصير حده ويفي بسيط بسيط يعني تموج جداااااااا نااااااعم
والبنت اللي شعرها من النوع الدهني كل يوووووم لازم الشعر ينغسل لان يبان والشكل برضووو xxxxx
والشاور اليومي لان احنا كبار مايحتاج احد يعلمكم بس جد البعض والله تنصرعين من الريحه مع احترامي

وممممم وبالنسبه للشنط حلو حجم متوسسسط عشان تحطين فيها كتب المحاضرات اللي عليك لا تقولين شنطه صغيره وبس لان عندي لوكر لا لا لا لان اللواكر بعيده عن مبنى الأقسام وبين المحلظرات بريك عشر دقايق يعني مايمدي لان طلعتي من المحاضرة خلصت العشر دقايق

[maram.]

يعطيك العافيه بسمه دمتي ♡♡♡

[" رَوْنَق "]

بنات لا تتعجلون تشترون تنانير اللحين ! لآن أصلن مافيه !
أنا فصلت لي تنوره :/ عبالي السوق نفسه مراح ينزلون -ـ-
ويوم رحت قبل الدوامات ألاقي بكل محلاات فيها تنانير

, نصيحه :)
تنانير فمي ناين تكررف وفيها موديل ناعم بس لا تخخلصونها عني
* h&m :) إذا لبستي أبصم بالعشره أن بتشوفين بنت لابسه نفسك
< فلا تتحمسين وتشترين بلايز وآجد !
* الشوز أختاري المريح لكِ ~ لأآن بتمشون مشي ! خصوصا سنه التحضيري :) باليوم الوآحد بتلفون الجامعه كلها :) لآن بتضيعون كيذا
* حلو تكونين على طبعتك شعرك ناعم :) أحمدي ربك ! وخليه ناعم لا تحرقينه بالفير يومياً
شعرك من نوع الكيرلي ! نفسي ! تعالي بعد حيي أهققك يا صديقتي خليه على طبيعته وكيرلي وشحلوه
! وحسافه تحرقين شعرك كل يوم ! رايحه دوام مو عرض أزياء !

أوكي ما أقول لكم تعالو بمهذلين !
* يعني حلو تكونين على طبيعتك ~ بشعرك + نفسيتك + مشيتك + ومكياجك + طريقه كلامك
المكياج يكفي :) بي بي كريم + مسكرا + آيلاينر + بورده خدود + روج لونه هادي + عطر خفيف :) = أكوت منك مافيه

* ممكن مرا بالأسبوع تصيرين غير وتسشورين شعرك :) ~
بس أنه دايم أولاً ـ(تتعبين , شعرك بيتضرر ويتلف , والجو حر وقرف ! )

* أهم شيء لا تأجلين أشغالك وُ وآجباتك لبكرا !
لآن أنتي اللحين المسؤوله عن نفسك !

الدكتوره كلفتك بوآجب ! ألتزمي بحل الوآجب بوقته :)
لآن أغلب الدكاتره ! ما عندها دكتوره سامحيني بكرا أجيب لك الوآحب !!!

فخليك أول بأول حريصصه عشان نهايه السنه ما تتراكم عليك البحوث + الوآجبات

* خلي إبتاسمتك على وجهك دآيم :) حتى لو كنتي مهمومه ! ومالك خلق
لآن انتي بالمقابل ما تبين أحد يطالعك بوجه يجيب الهم *-*

* أغراضك انتي المسؤوله عنهم !
فيه لوآكر بالجامعه :) السنه ب 100 ريال
مرا حلو يحفظ أغراضك وكتبكك

أهم شيء - الله سهل لك أمرك وأنقبلتي بالجامعه وغيرك يتمنى ينقبل ! فأحمدي ربك أشكريه ,
لا تكونين هم على الجامعه وهم على نفسك وعلى المجتمع ! كل سمستر حامله عشر مواد !!
ليه ! كله عشان ساحبه على المحاضرات ومخالفه ! وكله عساس أني أنا الفله إلي أغني وأرقص
وأنا إلي عندي صديقات وآجد وقروبات وحركات ! وأعرف بنات الجامعه كلهم :/ وأرفع صوتي وأسب فلانه والبنات يضحكون ! سلامات ! كثير أشوف بنات كيذا الحمدلله والشكر ! -
هذا تضيع للوقت بدون فايده ! وأحنا محاسبين يوم القيامه على كل وقت قضيناه بالدنيا ! :)

كوني خلوقة ! :) أوكي حبيبتي تعرفي على بنات :) وحلو تتعرفين بس بحدود ! وبأدب وأخلاق :)
لآن أنتي خلاص مسؤوله عن تصرفاتك محد بيرشدك هذا صح وهذا غلط ! فكوني حذره
صح ساعات أنا أسحب عن المحاضرات :) لآن ساعات مالي خلق
بس أقضي وقتي مع صديقات دنيا والآخره إن شاء الله :)
مثلا نجتمع بحديقه الجامعه مجموعه :) , ونسولف وكيذا :) بس بشكل لبق !
سوالفنا ما تخلص ووناسه :$ وما نمل من بعض :" لآن كل وحده محترمه روحها :)
ونضحك سواء وإذا تكلمت وحده نسمع لها :-)

* النظافه أهم شيء ~ تلاقين بعض البنات كاشخات وماركه بس لمريتي عندهم !
أعوذ بالله ريحه شنيعه :"( ليييه كيذا ! غلط والله غلط

وناس تتعطر على ريحه أستغفر الله :"( ترى بتضل الريحه مراح تروح *-* حتى او تغسلين بدهن عود !!!

النظافه أهم شيء لآن أنتي بالمقابل ما تبين تشمين ريحه أعوذ بالله ! على صباح الله خير

* نظافتك برا البيت تعكس نظافتك بالبيت . سواء بالمكان إلي قعدتي فيه :) بدورات المياه أكرمكم الله
بإي مكان ~

- هذي بعض النصايح :) لحد يزعل إذا كنت قاسسيه شوي .. ببس أتكلم عشانكم يا جميلات
لآن بالمقابل انا كنت مكانكم وأتمنى أحد ينصحني :") ~ والحمدلله كثير بنات ما قصروا


والله يسهل دربكم إن شاء الله :) ويوفقكنَ ~

[" رَوْنَق "]

+ بالنسبه لبطاقه الصراف , سوها عادي
بس أهم نقطه إذا رحتوا البنك تطلعون بطايق ~ أسالوهم عن آيبان البطاقه
لآن بيرسلون لكم رسايل أن تدخلون الموقع وتضيفون الآيبان , عشان توصل لكم المكافاءه :)

أنا من بنات العام سنه تحضيري :) وما قالوا لنا عن أوراق بنك !!!

حتى أنا مسويتها قبل لا أنقبل بالجامعه < وآثقه من القبول
قبل الزحححمه ~ وجد كان فاضي البنك =)) وطلعولي البطاقه بوقتها