جميع الاستفساآرات لعام 1430\1431هـ توضع هنا واي نقاش للسنة الجديدة ((الجميع يدخل))

[آنسة ملعقة]

هلا الاحسـاس

بالنسبة لسؤالج عن النسب كل سنة يتغيّـر

يعني على سنتنا <~ احنا قبلكمـ بسنة

كانت أقل نسبة موزونة مقبولة في الكلية كلها هي 81 تقريبا

و النسبة الموزونة = 30% من نسبة الثانوي + 35% من القدرات + 35% من التحصيلي

فشوفي وضعج الحين احسبي النسب حقتج و بتطلع لج النسبة الموزونة كمـ

و اذا مو متطمّنة لوضعج من ناحية النسبة تخافين تكون واطية

رتبي رغباتج خليها محاسبة بعدين حاسب بعدين تسويق مثلا .. يعني خلي رغباتج مثل ما تبين

لأن كل دفعـة ينزّلون النسب فترتفع رغبتج معاها

و اذا ما ارتفعت مو مشكلة التحويل سهـــل بين التخصّصات

بس خلصي سنة كاملة دراسة بعدين حوّلي .. و ما راح يفرق لأن أول سنة كل المواد نفس الشي

:)

[M.S]

مررررررررحبا ..حبايبي ..
شلونكم؟ ان شالله تمام ..
انا حبيت استفسر وابي منكم جووواب ..
الله يعافيكم انا كنت بكلية الاداب تبع جامعة الدمام <<الاسم الجديد
وسحبت منها يعني تركتها لانو ماحبيتها ولابغيتها المهم ..اللحين بامكاني اسجل عندكم ولا تعتبر هالكليه ظمن هالجامعه يعني مااقدر اسجل فيها <<فهمتو وش اقصد !!يعني هالكليه ضمن جامعة الملك فيصل او جامعة الدمام !! بليييييييييز تردون علي ..

[الاح ــساس]

[align=center]
آنسه ملعقه شكرااااااااااااااااااا ماقصرتي
بس كيف احسب النسبة الموزونه؟
[/align]

[آنسة ملعقة]

[align=center]
إم إس .. كليتنا الحين تبع جامعة فيصل الحسـا

بس يقولون بيفصلونها و يخلونها تبع الدمام بعد كمـ سنة

فمادري والله روحي القبول و التسجيل أحسن لج

الاحساس ..

أول شي جيبي نسبتج حقت الثانوي التراكمي يعني ثاني و ثالث ثانوي

مثلا طلعت لج النسبة التراكميّة 95%

يصير نسبة الثانوي = (95×30 ) ÷ 100 = 28.5 <~ يعني جبتِ 28.5 من الـ 30% الخاصة بنسبة الثانوي

بعدين نسبة القدرات و التحصيلي نفرض أخذتِ بالأول 80 و الثاني 85 تصير كذا الحسبة :

(80 × 35 ) ÷ 100 = 28 <~ يعني جبتِ 28 من الـ 35% الخاصة بالقدرات

(85 × 35 ) ÷ 100 = 29.75 <~ يعني جبتِ 29.75 من الـ 35% الخاصة بالتحصيلي

بعدين تجمعين النواتج حقت كل شي :

28.5 + 28 + 29.75 = 86.25 <~ مبروك هاذي نسبتج الموزونــة ^_^

[/align]

[linda]

السلام عليكم
انا ابحث عن اسئلة طب اسنان اختصاص تركيبات
مهم جدا
جزاكم الله

[الاح ــساس]

آنسه ملعقه

من جد مدري وش اقووولك شكرااااااااا ساعدتيني كثييير

[لحظة إنتظار]

[align=center]
بنات انا درست بالجامعه العربيه كم ماده


بس ودي اطلع واحول على كلية الدراسات اللي بالدمام


اولا عرفت من عضوه هنا ان الجامعه العربيه لو

حولتي الى الكليه ماتعادل المواد وانا هنا ماعندي

مشكله لان درست 3 مواد ومانجحت فيهم كلهم

بس اللي ابي اعرفه الحين انا ابي اقدم على

السنه الجديده ابي اسجل قسم اداره وانا نسبتي

بالثانويه 82

هل الكليه تهتم بالنسب تبع الثانوي ؟؟؟

واذا اداره مايقبلوني عشان النسبه ايش ممكن ادخل غير التسويق؟؟؟

وكمان متى الكليه مفتوحه واقدم عليها لانه

مررررررررررررره ابي اسجل وخايفه ان اكمل خمس

سنوات لان اتوقع اشهر بس واكمل خمس سنوات

من تخرجي

عشان كذا

تكفون علموني متى اروح واقدم اوراقي الله يخليكم

ماعرف احد بهالكليه ومحتاجه مساعده والله

يعافيكم ويوفقكم يااااااااااااااااااااااااااااااارب
[/align]

[لحظة إنتظار]

وكمان حبايبي الحين كليه الدراسات التطبيقيه وخدمه المجتمع اللي هي اسم كليتكم
هل هو تابع لجامعه الفيصل ولا ؟؟؟

[عبـٍثْ ..~]

المشاركة الأصلية كتبت بواسطة لحظة إنتظار

وكمان حبايبي الحين كليه الدراسات التطبيقيه وخدمه المجتمع اللي هي اسم كليتكم
هل هو تابع لجامعه الفيصل ولا ؟؟؟

تبع جآمعة الملك فيصل بالأحساء

[كلي أمل بالله]

بنوتات حابه اسالكم عن كليتكم تخصص سكرتاريه طبيه شرايكم فيه

وفيه بنات واجد يدرسونه واللي تخرجو من هالتخصص توضفوا ولهم مكافئه ولا لا والكليه هاذي بالدمام ووين مكانها بالظبط

وصحيح اذا جبت معدل عالي بدراستي الجامعيه التطبيق يكون بأرامكو