متى سيفطمنا الحنين ..."

[خوله تركي]

-


دقت ساعة الفراق لا مجال للبكاء .."


صبآآح المزاج المتعكر

يارب بدل هالصباح بضحكه وسيعــه ومزاج طيب وضحكه طويله .."

[خوله تركي]

-





أكتب وكأن روحه بين السطور .."

[خوله تركي]

-




في قلبي حكايا لا اعلم أخبئها لمن ..!

[خوله تركي]

-


وأني فارغه يالله فتمدد بي ..."



صبآآح الخير .." <<<< واضح اني مروقه صح هههه ترى مااعرفتني امس وانا منفسه


ايوة صدق صدق تو شكلي متوهقه مع اسئله المراجعه بنص السرير ولاب وقلم وونوته والمحاضرات اللي مذاكرتهن حليتهن واللي ماحليتهم متوهقه وصدعت مادريت انكم تحلونه من اول انا احلها


اي وش اخباركم طلعتوا اليوم صدقوا انا ماطلعت وملانه كثير لكن الشكوى لله

[خوله تركي]

بعدين عندي نقد لكم


معليش قيموني لو تكتبون ياحلوه ههههههههههههههههههههه

^
^

امزح بس صدق ابي تقييم

[خوله تركي]

-


مابغيتك أيام , ودي بك عمر .."



صبآآح السعادة

صبآآح الناس اللي قيمتني والله فديتهم <<< محد مبسووط


ايوة وش اخباركم انا يومي كان حافل بضحك وكيذا الحمدالله يوم جيد بنسبه لي .."

والحين فاتحه ملزمة علم اجتماع السكان الله يوفقكم ويوفقني

وبعد شكرا مرا ثانيه لتقييم ههههههههههه معليش مبسوطه بوة

<<<< وردات لين بيتكم

[خوله تركي]

-


ونسيت دائي حين جاء دوائي , من ذا يقاوم نظرة السمراء .."



صبح صبح


صباح الكرف اللي منزلته جامعتكم يافيهم عرق ماش والله اني صلت عليهم يومهم يضغطونا :"( ياخي عندي اشياء كثيرة ماسويتها وغير المذاكرة ارحمونا

ااخ امس الرياض وش هالاجواء وش هالخير ياربي صدق صدق غرقنا وياربيه المطر يشرح النفس يبهج القلب حتى انه يحولك شاعر فجأه انا صرت خوله فلاته تعرفونه هذاك اللي يقصد ويخربط ههههههههههههههههههههه يارب احد فاهم علي

ااي اسلموا وش جديدكم مثلي صح تشتكون من الجامعه

بروح اكمل حل ولا بعد الواجب علي غلط بوه ومحدن راد لي الصوت تالي هالليل

[خوله تركي]

-




كنا سنلتقي .."


صباح النشاط


من مثلي نومه شووي لو ينوم ساعتين شبع



بكمل حل الشقاء

[خوله تركي]

-


استغفر الله العظيم .."


مساء الطفش من يصدق اني ماطلعت ومازلت صابره

نعم انا الفتاة المكافحه ااه نصابه انا طلعوني حرروني <<< ضغوط نفسيه

كيف المذاكره معاكم .."! انا خلصت ملزمتين وراح ابداء ب اسس الخدمه

:"(

[خوله تركي]

-


علمني لي صار وجهك رضاي كيف بزعل .."


صباح الخير ..

ابشركم طلعتت رحت امس مخيم ااخ ياقلبي ياهو برد بعد وامطار وجميدده

بس الحمدالله وناسه ماناقصنا الا انتم

ومازلت بكل طلعه اقتنع ان شوي الرجال اطعم من الحريم الا بهالطلعه يبقى العز لله ثم للحريم

اي وانتم كيف كانت جمعتكم عساكم مثلي سعداء

طبعا حتى وانا تعبانه ولا رجعت الا متأخر اصحى بدري حليمه ماتترك عادتها