[ النظام الأفتراضي ] : إنطباعكم عن الإختبار النهائي لـ "التدريب العملي"

[Orange]

المشاركة الأصلية كتبت بواسطة ميمو العسل

الاختبار جميل الحمدلله الله يسعد الدكتور دنيا واخر ماقصر

بالنسبه اللي صار اليوم بالجامعه وقفلو بوجيهنا الباب ومايبونا ندخل الإختبار كاننا عبيد عندهم بحجة ان متاخرين والساعه بالاساس ماجات 4 يعني حتى لو تاخرنا دقايق راعو الظروف الشارع الزحمه والاشاره يادوب فتحت وكلها شاحنات يعني اجي الجامعه بهيلوكبتر مثلا عشان المراقبات يرضون عننا جد اسلوبهم كان سقيم ومايبون نتناقش معهم ويوم سالناهم من متى هالقرار ع اخر سنه حطيتو قام تصارخ تقول القرار من اليوم وسكرت البوابه

اول شي حنا مانشتغل عندهم ولاجاايين ناخذ شهاده برضاهم حنا جايين بفلوسنا ارلا وباحتهادنا ثانيا وغير كذا مانلقى اي معامله

الله يعدي ونتخرج من هالجامعه

من اول سنه لي بالجامعه الي اعرفه الاختبار يبدا 4 بتوقيت اهل الخبر

بالجبيل يبدا الساعه 3 ونطلع 4

جامعه وحده وكل واحد له نظام

[ميمو العسل]

المشاركة الأصلية كتبت بواسطة مجتهد ..

بالنسبة لموعد الإختبار الساعة 4
ومن حق الجامعة تغلق أبوابها إذا بدأ

ولكن الحل الأمثل .. نطلع بدري شوي من البيت تحسّباً لأي ظرف ممكن يصادفنا في طريقنا للجامعة
منها الواحد يوصل بدري وعلى مهل من غير عجلة، ويقدر يقرأ كلمتين قبل يدخل الإختبار

ترى العجلة والارتباك تشتت المعلومات .. استرخوا قبل دخول القاعة وخذوا نفس عميق
وأول ما تدخل القاعة اكتب اسمك وظلل خانات البيانات عشان لا يتشتت تركيزك وتهرب المعلومات، ومنها تهيئ عقلك لاستدعاء المعلومات بدال الجلوس ومناظر اللي حولك والتدقيق في أشياء تبعدك كل البعد عن جو الإختبار

الله ييسرها على الجميع ويوفقنا ونفرح بالتخرج

اوك الاختبار يبدا 4 ماقلنا مشكله بس في اساليب ارقى من كذا

اول شي انا جيت اول يوم بدري واحتست وين اصلي العصر وقاعة الانتظار قمة الوصاخه ومايخلونا ندخل المصلى وماتوقع اني راح ااخر صلاتي عشان اختبار

فيوم صليت امس بالبيت وطلعت كان الشارع زحمه ومو بيدنا اذا وقت خروجنا وقت ذروة ووقت الشاحنات ماظن هالشي بيدي وغير كذا اني وصلت قبل اربعه ويوم جيت الا مقفلين البوابه خيييير وتجي المراقبه تقول البوابه تتقفل 4 الا عشر وتفتح لكم 4 وعشر زي ماتاخرتو حنا ناخركم عن الاختبار انا ماهمني اني اتاخر عن الاختبار 10 دقايق لان بالاخير بختبر غصب عنهم بس الاهم من كذا الاسلوب في اساليب ارقى من اساليبهم الزباله اللي يحسسون الواحد كانه خادم لهم لا وغير كذا ذالينا بالمكان اللي ندرس فيه يحمدون ربهم ان راتبهم يزيد بسببنا

ماقول الا حسبي الله ونعم الوكيل

[ميمو العسل]

ومثل ماقالت راسي عالي انتو شباب سياراتكم بيديكم وتقدون تدبرون عمركم

انا لين يطلع ابوي من الدوام ولين يجي يتغدا وربي انه يكسر خاطري ان جاي تعبان من دوامه واقوله يلا ودينا جد ع الاقل يرحمون الناس يقدرون الظروف

انا بستمر ع نفس جيتي وراح يدخلوني اتاخر عن الاختبار ١٠ دقايق ولاإني اسبب ازمه لاهلي بسببهم

[حنان آل حيان]

صحيح هالكلام المعامله للمراقبات الى في بوابه القاعات من قبل مش كويسه والمره هذي قانون جديد ما انزل الله به من سلطان

اذا صارت 4الا ربع تغلق القاعه ويتركون البنات 10 دقايق برى على اي اساس الاختبار الرسمي يبداء 4

واذا هناك حد تاخر بسبب ظروف مو يعني يزيدون يأخرونها هذا تصرف غلط

مايكفي المعامله ورفع الصوت علينا كل ماجينا ندخل اعوذ بالله شي فضيع
\
هي مهمتها تنظيم وليس اهانة الطالبات هي موظفه لتساعد الطالبات وليس تتحكم وتفرض قوانين يعاملون البنات كانهم يعاملون مساجين مو طالبات هلاشياء كلهااا

مالها علاقه بقوانين الاختبارات والجامعه

[Lady Jasmin]

المشاركة الأصلية كتبت بواسطة مجتهد ..

بالنسبة لموعد الإختبار الساعة 4
ومن حق الجامعة تغلق أبوابها إذا بدأ

قفلوه امس اربع الا عشر تقريباً :)
و على كلامهم الايام الجايه راح يتقفل 3:45

[ifarizzz]

المشاركة الأصلية كتبت بواسطة 50s.ghaida

قفلوه امس اربع الا عشر تقريباً :)
و على كلامهم الايام الجايه راح يتقفل 3:45

كاني اشوف اسم من زماااااااان ما شفته

[m@hadadi]

الله يعينكم المفروض ان الباب لا يغلق امام الطالبات إلا إذا بدأ الوقت الرسمي للأختبار هذا اذا كان لديهم تعليمات مشدده بذلك مع التحلي بالاخلاق والاحترام في التعامل
عندنا ولله الحمد التعامل جدا راقي ويسوده جو من التقدير والاحترام المتبادل ربما لان الطلاب اغلبهم فوق 30 سنه
فالمراقبين في منتهى اللطف حتى الدكاتره يدخلون القاعه ويتعاملون معنا بكل احترام
ما ادري عندكم ربما المرأة اذا استلمت سلطه تسلطت( مجرد دعابه لا تزعلو )

[هيفااء]

ربما المرأة اذا استلمت سلطه تسلطت( مجرد دعابه لا تزعلو )

جدا المقوله تنطبق عليهم امس الا صدق ابصم بالعشره الحريم اذا استلمت تسلطت

الا ماندر منهم


الاختبار جدا سهل مرره حبيته الحمد الله

بخصوص اللي صا ر امس جد بعض الحريم اذا مسكت شيء له سلطه سويت فيها ملكي وحلالي

والله ي تعاملها جدا مستفز وخاصه المشرفات يامي بفلوسي

حسبي الله ونعم الوكيل جد يعني فيه ناس تجي من مكان بعيد ومشوارر للخبرر غير وقت الذرو ه وناس طالعه من دوامتها ماقول الا الله حسبيهم

يعني مو منطقي يجي ابوي من الدوام وضغط عليه زياده يلا ع الجامعه قدرو يناس في اشياء تصيير للطالبات

والحمد الله اجي قبل الموعد بوقت تحسب لاقدر الله يجي شيء في الطريق

اما سالفة امس تقفل قبل 4 بعشر دقايق ولا ع اخرر السمسترات مو منطقي

ياليت اللي عنده رقم العميد صالح يعطيني ع الاقل يكلم المشر فات ينزلون الريشه اللي ع راسهم

[مجتهد ..]

اتواصلوا مع عمادة الجامعة واشرحولهم كل متطلباتكم .. وهذي أبسط حقوقكم

ومن جهتي راح أوصل صوتكم للدكتور صالح الراشد، جزاه الله كل خير على جهوده في خدمة الطلاب وسعيه الحثيث في تطوير نظام التعليم عن بعد .. وكافة أعضاء هيئة التدريس كلهم خير وبركة.

أذكر في المستوى الثالث تأخرت شوي وهو بنفسه قال ما تدخل القاعة، مو لسبب شخصي .. ولكن يعطينا درس في الإنضباط، - ولكن يفتقر البعض لفن التعامل - كان لبق جدا ورسالته واضحة بدون أي تجريح .. جلست خمس دقايق أسولف معاه بعدها سمح لي بالدخول.

كذلك المراقبات لديكن لابد أن يتمتعن بتلك الروح الطيبة وحُسن التوجيه، وأرى منكن الأناه والتأني في التعامل معهن والحكم عليهن.
كلنا لدينا ظروف تقلب مزاجنا رأساً على عقب .. ولكن كيف أقدر أتعامل في المواقف اللي مثل هذي؟!

هونوها وتهون .. راح الكثير وباقي القليل

[هيفااء]

الله يعطيك العافيه يامجتهد ياليت رقم العميد ولا الايميل شخصيا يوصله كلاما

لا ن اللي صاير امس جدا اهانه لنا كاطالبات

مشرفات كبار يفتقرون اقل شيء تعاملهم معنا وطريقة رفعة الصوت وكانها بيتها ولا ملكها