نقاش .. بكل شفافية ( هل يوجد طالب واحد خريج إنتساب مطور توظف بالتعليم ) !!؟؟

[رَاء.]

يعني اسألكم بالله للحين ما عرفتوا حركات دمث ؟

ماتدرون ان مواضيعه المحبطة هذي ما تنزل الا بوقت الاختبارات ؟

انا مجمعه بقلبي عليه من السمستر اللي طاف ومن حركاته ذي ما انسى مواضيعه المحبطة اللي حطها لنا

اكبر مزعزع للطلاب .. ياخي توقيتك توقييييتك !!!

[بطه-علم اجتماع]

بنسبه التعليم حتي الانتظام ماتوظفو فيه بسهوله عقب سنين يالله يطلع اسمك انت حط ودراسة الانتساب ماختلفت عن النظام الا بلقعده والانترنت فقط بعيد عن العاطفه جدا وكلن رزقه مقدر له وتفاىل بلخير تجده

[دختنوس]

،،

الحمد لله الان تيسرت المشكلة وأصبحت قضية المنتسبين

في صدد الحل مثلما ذكر أحد الأخوان هنا رفعت قضية بهذا الخصوص وجاء الحكم في صالحنا وبإنتظار القرار النهائي

من المحكمة بالسماح لمتخرجين الانتساب بالدخول للمفاضلات التعليمية

لا تُحبطون يكفيكم شرفاً حمل الشهادة الجامعية بغض النظر عن المسمى

طلب العلم لآيُندم عليه ابداً لما قال رسولنا الكريم

( من سلك طريقاً يلتمس فيه علماً سهل الله له به طريقاً إلى الجنة )

اكملو طريقكم ولدينا فرص وظيفية أخرى في حال الرفض التام لمتخرجين الانتساب

اغلب الوظائف الحكومية الأخرى لاتشترط الانتظام الكلي

وايضاً هناك وظائف لاتحصى في القطاع الخاص لاتشترط الانتظام ايضاً

نتفائل خيراً والرزق بيد رب العالمين لانعلم ماذا سيحصل مستقبلاً

وآخراً

ياليت يحذف الموضوع ومرة وحدة اليوزر معه

[roro2013]

يب للحين مو عارفين مستقبل هالشهادة وشلون بيصيررر وكثرة الاسئلة عن مصير هالشهادة ليه تجيب احباط لان الشهادة تعليم عن البعد الله يهديك طرحت هالشي وقت الاختبارات

[Adel F]

سلامات ؟ شنو اللي عاطفيه ؟
أنا وأنت والثالث ندري أنو الانتساب لايقبل في التدريس ؟ ماجبت حاجه جديده ؟
اعادة الموضوع وتدويره واللمصقه فيه ، ليش ؟
حسيت أنك تلعب دور المظلوم في الموضوع ؟ وجاي تفرد عضلاتك ؟

عموماً هذا قرار قديم ، وسمعت قبل فترة أنو ديوان المظالم نقضت قرار وزارة التربيه والتعليم ...


..*

[moghtrb]

السلام عليكم جميعاً

الارزاق بيد العزيز الرزاق سبحانه لن يستطيع شخص جلب رزق لك لم يكتبه لك الله عز وجل مهما حاولت ومهما اجتهدت..


الدراسه قبل كل شيء رسولنا عليه افضل الصلاة والتسليم وصى بها بما معنى حديث له اطلبوا العلم من المهد الى اللحد... لذلك انصحك بجعل دراستك هدفها في الاول رضى الله عز وجل وثانياً لتتكسب من خلالها..


بلدنا فيه خير كثير ولكن احنا شعب يحب يرتاح من تعب الراحه اللي كان فيها ولازال بفضل الله وحده..


ادرس وتعلم واجتهد وكل رزق مكتوب لك راح يجيك وربي لو انت بفراشك .



دخلت انا ادارة اعمال لأن مجالها مفتوح بإذن الله سواء بالحكومه او القطاع الخاص وافكر ان شاءالله وسهلها اكمل ماستر تخصص موارد بشريه ايضاً لأنه مطلوب للحكومه والخاص لأن اللي يخلي له هدف واحد فقط ممكن يضيعه ويضيع معااااااااااه لهذا فكر بالخيارات المفتوحه والمتوسعه قبل كل شيء





نقطه اخيره : اتمنى من الاخوه والاخوات في الاداره والاشراف العمل بدكتاتوريه بحته في مثل هالمواضيع المحبطه لصاحبها ولنا فكل ترم يطلع علينا كم موضوع والله محبطه جداً... المصيبه ان اغلب من يكتبها يكون هدفه التعليم ليه ماااااااااادري مع التعليم الان مجال مع احترامي سيء لسووووء التخطيط والتنفيذ فيه وكذلك مخرجاته للأسف غير جيده مع كامل احترامي للكل .

[زهراء !]

* خل خرجين الانتظام يتوظفون ب الاول وبعدها قول هل في احد من خرجين الانتساب توظفو :d

[هليل الشمري]

!!!

لماذا الهجوم العنيف على ( دمـــث )
لا آرى في كلامه ما يجعله يهاجم

ولكن كان الله في عونك ...

[70s]

من حق صاحب الموضوع الاستفسار عن مستقبل الشهادة
وفي اي وقت
هذا نقاش في محلة وممتاز
لكن هنالك من يرغب ان يعيش علي سراب

[العابرر]

الي مااعجبه موضوع الاخ دمث لايقوم يتفلسف علينا...الحل موجود لاتدخل للموضوع من الاساس.

اما ردي على استفساره ان التعليم عن بعد نظام جديد فالتعليم واتوقع والعلم عند الله انه راح يكون له شأن كبير في الايام المقبلة.