[ المناقشات ] : إنطباعك قبل و (بعد) الإختبار النهائي لمقرر المحاسبة مالية 2

[Rokaia Ahmad]

الامتحان كان سهل ومنصف جاب من كل فكره سؤال وكانت سهله
الله يعطيه العافيه ويجزاه الجنه
الشكر موصول
للاعضاء المميزين الي بصراحه انا محظوظة اني معاهم بهذي الدفعه
الي بصراحه سهلو علينا الماده
تقبلو تحياتي

[marwa.ali]

سبحان الله ربي عالم بالحال
الجزئية الاخيرة ذاكرت نصها بالبيت والنص الثاني بقاعة الاختبار تخيلوا
وقول ماشفت الاسئلة الاولى لقيتها من الجزئية الاخيرة
فقلت الحمد لله المعلومات لسه طازجة في دماغي
الحمد له على كل حال
والاسئلة جدا رائعة جزاك الله خير يادكتور
وبالتوفيق للجميع في باقي المواد

[Bu Turky]

المادة أرى انها بسيطة و حلوة لكن فيها لحسة قليلة

يعني شوية تركيز و أسوف انه سهل انك تجيب a+

اللي ما امداه يذاكر الا آخر يوم راح يواجه بعض الصعوبات لأن الاجابات تلخبط شوي

خصوصاً ان المادة تقريباً تعتمد على نظام عكس عكاس

انا عن نفسي اغلب الاسئلة اللي ما عرفت اجاوبها احط الجواب اللي يكون عكس السؤال

و ندمان ان ما حصلت لي الفرصة الكافية للمذاكرة و استغلال درجات المادة

شكر كبير بحجم الشعرى و اكبر للدكتور و لكل من ساعدنا في هالمادة

في شرح او تبسيط او دعوة ساهمت لنا في دخول الاختبار و كلنا أمل بالنجاح او حتى التفوق

لن أذكر اسماء حتى لا أسقط البعض سهواً .. شكراً لكم جميعاً

[سعودي مطنوخ]

السلام عليكم ورحمة الله وبركاته



الاختبار بالنسبة لي كان صعب


والسبب


أنا راجعت مع الدكتور من محاضرة رقم 6 الى محاضرة رقم 22

اربعه ايام وانا على المادة والي ضيعني فيها انه كان يجيب سوْال ويطلب منك ثلاث فقرات وهذا الشي الي شتت تركيزي

العادة كنت اركز على الأسئلة الفصلية والواجبات وأبدع ولكن الحمد لله على كل حال ان شاء الله نحقق درجة النجاح

وزاد التشتيت المراقب الي في قاعة g10 مبنى 550 المكيف عطلان والقاعه كبيرة يقوم يحشرنا في صفين ونص ورى بعض وباقي القاعه
فاضيه

ما ادري وش بيضره اذا خلانا نتوسع وكلن يجلس في المكان الي يرتاح له مثل كل المراقبين وإضافه على ذالك يتكلم كثير الله يهديه

[ميم']

الاسئله سهله كثير وواضحه من كثر ماهي سهله تلخبطت ماعرفت احل صح
توقعته بيكون صعب وركزت عالاشياء الصعبه اول ما شفت الاسئله صُعقت
وانلحس مخي مع القيود


جبت العيد والله يستررر