العصيمي: "المؤهلات عن بعد" غير معتمدة للترشح على الوظائف التعليمية

[عاشق النجوم]

السلام عليكم علي الجميع
شباب تفائلوا خير وان شاء الله ربي بيرزقنا جميع لكن هناك سؤال طرا على بالي وهو وين الطلبه المتخرجين من جامعه الملك فيصل ورا ما يعلمونا وش صار معهم توظفواا ولا كملوا ماستر علي حساب الحكومة ولا وش اللي صار
وان شاء الله ربي يكتب اللى فيه الخير

[aldoobh]

الله كريم احبتي بأذن الله معتمدة ولو ماكانت معتمده مافيه اعقد من الشركات الكبرى ارامكو وسابك وهما يقبلونها وفيه قروب متخصص بهالشغلة ومتفرغ لها يقعدون لك اول ماتقدم يقولك لا هذي مو معتمده حتى جامعات برا يحددون المعتمد منها لايصيبكم الاحباط واللي الله كاتبه بيصير والارزاق بيد الله سبحانه اما التعليم من زمان نعرف انك ماراح تدرس فيها ماهي مقبوله من وزارة التربية والتعليم مع انه ناس عادي درسوا فيه لكن انتساب تقليدي واحنا بعد مامتنا على وظايفهم مع انه صدقوني بيجي وقت وبحول الله بيتغير الحال لان كل التحف الان خلاص بدوا بالتقاعد خلاص جا وقتنا اصلا هم عقولهم ماعاد تماشي عصرنا الان الله يحفظهم لاهلهم وليت سن التقاعد بعد يكون اقل ماشاء الله احنا اكثر دوله فيها نسبة شباب ولا الدول الاجنبية ليش يمددون سن التقاعد لانه ماعندهم شباب الله يحفظ لنا شبابنا من ذكور واناث ويبارك فيهم ومثل مااجبروا يقبلون الدبلومات بحول الله بيقبلون شهادتنا للتدريس لو مو لسواد عيونا لاجل تغطية الحاجة كلها سنتين بالكثير وتنقرض الديناصورات وتنقل للمتاحف كمومياء هههههههه

تفاءلوا خيرا

[دارسين]

ماينفع كذا يرمي كلام ويروح
ليه مايوضح كلامة ايش الوظائف المتاحة للانتساب
والا كذا لاخير ولا كافينا شر

[امونه 22]

الحين انتوا ليه مكبرين الموضوع !!
واذا مو معتمده بالوظائف التعليميه وش بيصير بتخرب الدنيا يعني ؟؟!!
حسستوني ان ماعندنا الا وزارة التعليم بس
ماكثر الله الا الوزارات فوق 20 وزاره
تعوذو من الشيطان وكملوا دراستكم
الشهاده سلاح بالزمن هذا
الله يوفقني ويوفقكم جميعآ
لاتنسون ذكر الله

[مــجــازفــــ]

اهم شي بالموضوع اكمال الدراسات العليا وطبعا هذا الي يهمني شخصياً .... اما بخصوص التوظيف فطالب الانتظام له الافضلية على طالب الانتساب وبصراحة معهم حق في ذلك ومن باب العدل والمشكلة الان بالوظائف التعليمية ان عندهم تكدس من خريجين الجامعيين وكليات المعلمين المنتظمين ... ولكن الحمد لله الوظائف ليست محصورة بالتعليم فقط هناك مجالات كثير وربنا يكتب لي ولكم الخير

[محمد آل عبود]

حرب نفسيه لكن هيهات لن انسحب مهما كان الثمن والله لو ابروزها بغرفتي يالعصيمي
والأخوه الأحبه اللي يتذمرون معكم حق لكن اتحدى واحد فيكم بينسحب لانكم تعرفون
ان الشهادة رح تنفعكم سواء بوظائف حكومية او قطاع خاص لاسيما اللي مثلي إدارة أعمال
اللهم لك الحمد متفائل جداً ودرست رغبة مني بإكمال البكالوريوس والمستقبل علمه بالغيب #

[عاشق النجوم]

هذا اللي ابيه منكم يا شباب المستقبل لن نتراجع عن الدراسة مهما كانت الاسباب ولابد ان نتصدي لمثل هذه الاقاويل وعلي قولة احد الاخوة ما في الا وزارة التربية والتعليم الوزرات واجد

[ولد ابو متعب]

قدر الله وماشاء فعل!
الله يكتب لنا اللى فيه خير!

الكلام ما يقدم ولا ياخر!
الحل؟
شنو!

[خريجه فيصل]

واصلو دراستكم وصدقوني مافيه خساره بأذن الله ..

[ابونايف999]

العصيمي ومن هم يتحدثون بحديثه

يسعون ويهدفون لتحطيم وتعجيز وتيأيس الطلبه بهدف تهربهم من المسؤلية وعدم تحملها من البداية ينفذوا بجلدهم
واستغرب في الخارج اوروبا واسيا يستقبلوننا ويشجعونا لاكمال الدراسات العليا . والعصيمي يحطمنا

المهم..

واصلوا المسيرة واكملوا المشوار حتى نيل الشهادة بإذن الله تعالى ولاتلتفتوا للمغرظين المحبطين

وبالله التوفيق