تصويت ع التطبيق الميداني + مشروع التخرج لقسم ادارة الأعمال فقط:)

[مآني مثل غيري]

مع

[رَاء.]

انا مستغربة جداً من المعارضين .

يا جماعه هذا يضيف لنا بشهادة التخرج وحنا صغار نبي خبرة وش ذنبنا ان معنا كبار ومتزوجين ومش متفرغين للتطبيق الميداني ؟

ترى هذي دراسة وانتوا دامكم دخلتوها انتوا قدها يا جماعه .. واذا تدريبنا زي تدريب علم اجتماع فـ هو يازينه .

يروحون مركز اجتماعي ويعبون استبيان بس .. يعني حنا اكيد شيء زي كذا .. او على الاقل يكون لنا مشروع تخرج

لازم لازم نسوي هالشيء لازم

[ALI H. ZAYER]

كلا يغني على ليلاه
ولي يعتقد بان المشروع الميداني بيعفي عن المستوي الثامن فانت ياعزيزي تحلم
وان اعتقد ان مشروع عباره عن استبيان فاقول له احلام سعيده
ومن يعتقد ان بهذا المشروع بيساعده ليحصل على وظيفه فغيرك مجرب وكلام فاضي
انا بالمستوى الاخير ومليت ابي اخلص وخلاص بتطبيق او لا
طبعا بلا افضل لان ماحد فاضي ومثل ما ذكرت سابقا كلا يغني على ليلاه

[زيدان9]

فيه معارض وفيه مؤيد ولكن كلن زعلان من الثاني وخلوها مسألة شخصية و ان المعارض اناني وان المطالب فيه انسان فاضي

فيه امرين قبل :
1 الجامعة هي اللي رافضه للموضوع.
2 الطلاب مالهم اي تأثير على الجامعة والجامعة تفرض قرارتها علينا فرض.

طيب ابي اجي على كلامكم واقول نعم ومؤيد بقوة للتدريب الميداني اللي الجامعة اساساً ما اقرته لطلاب ادارة الاعمال... نبي نعارض الجامعة ونوافقكم الرأي وورنا شطارتكم

بس اهم شي لحد يزعل

[أنور جنبي]

وش الي يفرق معكم لو في مشروع تخر و تطبيق ميداني ؟

صوت بلا ...

السبب انا موظف مثل الكثيرين ، كيف ادبر من الدوام غياب شهرين ؟ وما اشوف اي فائدة زائة من التطبيق و المشروع

[امنه العنزي]

ابي افهم ايش تدريب ميداني وايش فايدته ؟؟؟

[وردة الحجاز]

نعم ...


المعارضين لانهم اساسا متوظفين >> الاغلبيه ..

[وردة الحجاز]

تكون خياريه افضل ...

[زيدان9]

المشاركة الأصلية كتبت بواسطة امنه العنزي

ابي افهم ايش تدريب ميداني وايش فايدته ؟؟؟

فايده ماله فايده بصراحة

لكن فيه شوي تعب اضافي

وهو عبارة عن برنامج يطلبون منك تروح الى عدة جهات وتطبق في احدها كأنك موظف بس مجاني .. يعني مافيه فلوس
وبعدين يعطونك ورقة تفيد انك تدربت عندهم المدة المطلوبة وتعبي نموذج خاص بهذا الموضوع وترسله للجامعة ويحسب عليه ساعات معينة.. اقولك ماله فايده لان الجهات الحكومية ما تتعامل معه بجدية ،، اصلا هي ماضبط موظفينها فكيف تضبط الطلاب.
والقطاع الخاص ما يهتم فيهم لان ماله مردود ويعطلون العمل عنده ويشكلون عبء اضافي في تواجدهم في العمل.

بالنسبة للرجال الخيارات متوفرة بكثرة بس للنساء الخيارات محدودة وهنا صعوبته والغريب ان اكثر المتحمسين له من فئة نون النسوة


هم زعلوا علينا يوم نصحناهم بانه غثاء وعبء اضافي
فعلا الناس اعداء ما جهلوا

[أنور جنبي]

المشاركة الأصلية كتبت بواسطة وردة الحجاز ...

نعم ...


المعارضين لانهم اساسا متوظفين >> الاغلبيه ..

عزيزتي اعلم ما معنى التطبيق الميداني و تحدياته، و صدقيني ليس قصر نظر مني

1- ليس هناك جهة محددة للتطبيق فيها ، وانتي وحظك فربما كنتي في نفس المدينة و ربما في خارجها.
2- الشركات و الدوائر الحكومية ليس لها نظرة جادة للطالب، ومن ثم 80% ليس هناك توجيه للاستفادة من تلك الفترة ، او توفير معلومات لمشروعك للتخرج
3- يعتبر مشروع التخرج + التطبيق كمادة ، يعني ممكن فيها الرسوب ان كان تقييمك سيئ من الشركة المستضيفة لأي سبب كان ، او كان تقييمك في مشروع التخرج ضعيفا ، يعني في تلك الحالة ممكن الرسوب و يؤثر في معدلك ، و تعيدي التطبيق و مشروع التخرج ان كانت النتيجة فاشلة.
4-احب ان ابقى بعيدا عن التقييم البشري (على المشروع او التطبيق) تجنبا للميول العرقية او العصبية او المزاجية التي لا تخفى عن أحد.

ونرجع لنقطتين هامة:
1- الموظفين كيف سيفرغون نفسهم لشهرين او ثلاثة لهذا التطبيق و المشروع؟
2- ما الفائدة المرجوة منها (السؤال للمطالبين) ام هي مبدأ مع الخير يا شقرة؟

لا استنكر حق احد في ان يطالب ما يحب او يشتهي ، لكن أحببت ان اوضح وجهة نظري